ເອເດັນ ອາຊາ ຍອມຮັບມີສ່ວນເຮັດໃຫ້ ມູຣິນໂຢ ຖືກໄລ່ອອກຈາກເຊລຊີ

ເອເດັນ ອາຊາ ກອງກາງທີມຊາດແບນຊິກ ຂອງເຊລຊີ ອອກມາຍອມຮັບວ່າ ມີສ່ວນສຳຄັນທີ່ເຮັດໃຫ້ ໂຊເຊ ມູຣິນໂຢ ຖືກໄລ່ອອກຈາກເຊລຊີ ໃນໄລຍະທີ່ກັບມາຄຸມທີມຮອບສອງ ພ້ອມລະບຸ ຖ້າມີໂອກາດເລືອກໄດ້ກໍ່ຢາກໄດ້ຮ່ວມງານກັບ ມູຣິນໂຢ ອີກຄັ້ງ.

ເອເດັນ ອາຊາ ກອງກາງຕົວເກັ່ງຂອງ ເຊລຊີ ສະໂມສອນຈາກພຣີເມຍ ລີກ ອັງກິດ ຍອມຮັບວ່າຕົນເອງມີສ່ວນສຳຄັນທີ່ຄວນຖືກຕຳໜິ ຈາກການເປັນສາເຫດທີ່ເຮັດໃຫ້ ໂຊເຊ ມູຮິນໂຢ ຜູ້ຈັດການທີມຊາວປັອກຕຸຍການ ທີ່ຖືກເຊລຊີ ໄລ່ອອກ ໃນຂະນະຄຸມທີມຮອບສອງໄລຍະນັ້ນ ພ້ອມລະບຸວ່າ ຖ້າຫາກມີໂອກາດຢາກຈະກັບໄປຮ່ວມງານກັບ ມູຣິໂຢ ອີກຄັ້ງ.

ມູຣິນໂຢ ກັບມາຄຸມເຊລຊີ ໃນຖິ່ນສະແຕັມຟອດ ບຣິດ ເປັນຄັ້ງທີ 2 ເມື່ອປີ 2013 ແລະ ເຮັດໜ້າທີ່ຜູ້ຈັດການທີມຈົນເຖິງທ້າຍເດືອນທັນວາ ປີ 2015 ຫຼັງຈາກໄດ້ແຊັມພຣີເມຍ ລີກ ອັງກິດ ກ່ອນໜ້ານີ້ 7 ເດືອນ ໂດຍສາເຫດສຳຄັນທີ່ເຮັດໃຫ້ລາວຕ້ອງຖືກໄລ່ອອກ ເນື່ອງມາຈາກຜົນງານຂອງທີມບໍ່ດີ ແຖມຍັງມີບັນຫາກັບນັກເຕະຕົວຫຼັກຫຼາຍຄົນ ໂດຍໜຶ່ງໃນນັ້ນກໍ່ຄື ອາຊາ.

ในภาพอาจจะมี 3 คน, ผู้คนกำลังเล่นกีฬา และสถานที่กลางแจ้ง

ກອງກາງທີມຊາດເບລຢ້ຽມ ເປີດໃຈກ່ຽວກັບຄວາມສຳພັນກັບ ມູຣິນໂຢ ພ້ອມປົກປ້ອງເຈົ້ານາຍເກົ່າຫຼັງກຳລັງຖືກແຮງກົດດັນມະຫາສານກັບການກຸມທີມ ແມນເຊັສເຕີ ຢູໄນເຕັດ ວ່າ ຕະຫຼອດ 12 ປີ ຜ່ານມາ ຂ້ອຍມີລະດູການທີ່ຕົກຕ່ຳທີ່ສຸດ ພຽງ 1 ລະດູການເທົ່ານັ້ນ ຄືໄລຍະ 6 ເດືອນສຸດທ້າຍພາຍໃຕ້ການຄຸມທີມຂອງ ໂຊເຊ ມູຣິນໂຢ ແລະ ສ່ວນໜຶ່ງກໍ່ເປັນຄວາມຜິດຂອງຂ້ອຍ.

“ຫຼັງຈາກທີ່ໄດ້ແຊັມ ພວກເຮົາຂໍ ມູຣິນໂຢ ກ່ຽວກັບມື້ພັກພິເສດ ຫຼັງຈາກນັ້ນຂ້ອຍກັບມາຊ້ອມພ້ອມກັບສະພາບຮ່າງກາຍທີ່ບໍ່ສົມບູນເລີຍ ໃນໄລຍະລະດູການສຸດທ້າຍໃນການຄຸມທີມຂອງມູຣິນໂຢ ມັນບໍ່ມີຄວາມສຸກແທ້ໆ ພວກເຮົາບໍ່ຊະນະ ພວກເຮົາເຮັດວຽກໄປລ້າໆ ຝຶກຊ້ອມໂດຍບໍ່ມີຄວາມສຸກ ມັນຈະເປັນເລື່ອງດີຖ້າເຮົາຕ້ອງແຍກທາງກັນໄປ”

ในภาพอาจจะมี 2 คน, ผู้คนกำลังเล่นกีฬา และสถานที่กลางแจ้ง

“ແຕ່ຖ້າຕອນນີ້ ຂ້ອຍສາມາດຂໍຫຍັງໄດ້ກ່ຽວກັບຜູ້ຝຶກສອນ ຄົນທີ່ຂ້ອຍຢາກຈະເຮັດວຽກຮ່ວມກັນ ອີກຄັ້ງ ຂ້ອຍຢາກຂໍຮ່ວມງານກັບ ມູຣິນໂຢ ຂ້ອຍສົ່ງຂໍ້ຄວາມຫາລາວເພື່ອສະແດງຄວາມເສຍໃຈທີ່ລາວຕ້ອງຈາກໄປ ແລະ ຂ້ອຍຢາກຂໍໂທດລາວ ພວກເຮົາມີຄວາມສຸກຮ່ວມກັນໃນຕອນທີ່ປະສົບຜົນສຳເລັດ ແຕ່ຄັ້ງນີ້ ທີ່ເຮົາຜົນງານບໍ່ດີ ພວກເຮົາບໍ່ຮູ້ສຶກແບບນັ້ນເລີຍ”

ในภาพอาจจะมี 1 คน, กำลังเล่นกีฬา, สนามกีฬา และสถานที่กลางแจ้ง

“ຂ້ອຍຮູ້ສຶກ ລະອາຍໃຈພໍສົມຄວນເພາະໄດ້ລາງວັນນັກເຕະດີເດັ່ນແຫ່ງປີ ຂ້ອຍເປັນໜຶ່ງໃນນັກເຕະທີ່ສາມາດຕັດສິນການແຂ່ງຂັນໄດ້ ແລະ ຈາກນັ້ນຜົນງານຂອງຂ້ອຍກໍ່ຕົກຕ່ຳລົງ ຂ້ອຍບໍ່ຄ່ອຍໄດ້ເສຍໃຈຫຍັງຫຼາຍຕະຫຼອດອາຊີບນັກເຕະບານຂອງຂ້ອຍ ແຕ່ການທີ່ຂ້ອຍບໍ່ສາມາດຮ່ວມງານກັບ ມູຣິໂຢ ທີ່ເຊລຊີໄດ້ອີກຕໍ່ໄປ ນັ້ນຄືໜຶ່ງໃນເລື່ອງທີ່ຂ້ອຍເສຍໃຈ” ດາວເຕະອາຍຸ 27 ປີ ລະບຸ.

ในภาพอาจจะมี 2 คน, ผู้คนกำลังเล่นกีฬา และสถานที่กลางแจ้ง

%d bloggers like this: