ຂ້າມໄປ-ມາພຽງ 5 ນາທີ! ຂົວມິດຕະພາບ ຈີນ-ມັລດີຟ

ຂົວມິດຕະພາບຈີນ-ມັລດີຟ ມີຄວາມຍາວ 2 ກິໂລແມັດ ພາດຜ່ານທະເລເຊື່ອມຕໍ່ລະຫວ່າງເກາະມາເລ ແລະ ເກາະຮູລຮູເລ ເຊິ່ງເປັນທີ່ຕັ້ງຂອງສະໜາມບິນນານາຊາດຂອງປະເທດມັລດີຟ ເຮັດໃຫ້ສາມາດປະຢັດເວລາການເດີນທາງລະຫວ່າງ 2 ເກາະເຫຼືອພຽງ 5 ນາທີ ເທົ່ານັ້ນ.

ຂົວແຫ່ງນີ້ເປີດໃຫ້ປະຊາຊົນໃຊ້ບໍລິການ ຕັ້ງແຕ່ວັນທີ 30 ສິງຫາຜ່ານມາ ນອກຈາກນີ້ຍັງມີລົດບັສຮັບສົ່ງ ລະຫວ່າງ 2 ເກາະເຊິ່ງເລິ່ມໃຫ້ບໍລິການ ຕັ້ງແຕ່ວັນທີ 7 ກັນຍາ ແຕ່ລະມື້ມີຜູ້ໂດຍສານເດີນທາງປະມານ 7 ພັນຄົນ.

ການກໍ່ສ້າງຂົວເລິ່ມຂຶ້ນຕັ້ງແຕ່ໄລຍະທ້າຍປີ 2015 ລະຫວ່າງການເຮັດວຽກ ວິສະວະກອນ ແລະ ແຮງງານຕ້ອງຜະເຊີນກັບຄື້ນທະເລສູງ 3 ແມັດ ນ້ຳເລິກທີ່ສຸດ 46 ແມັດ ແລະ ຍັງມີຄື້ນໄຕ້ນ້ຳທີ່ອັນຕະລາຍຫຼາຍ.

ນອກຈາກການຄົມມະນາຄົມຂົນສົ່ງໃນທ້ອງຖິ່ນແລ້ວ ຂົວແຫ່ງນີ້ຍັງມີສ່ວນຊ່ວຍກະຕຸ້ນການພັດທະນາພື້ນທີ່ ທີ່ຢູ່ອາໄສໃກ້ຄຽງຂອງເກາະມາເລໄດ້ອີກດ້ວຍ.

CR:China Xinhua News

%d bloggers like this: