ໝາກແອັບເປິລ ຊ່ວຍຕ້ານພະຍາດມະເຮັງເຕົ້ານົມໄດ້ແທ້ບໍ!

ໃນປັດຈຸບັນໄດ້ພົບວ່າໝາກແອັບເປິລບໍ່ພຽງແຕ່ຈະຊ່ວຍບຳລຸງປອດໃຫ້ແຂງແຮງເທົ່ານັ້ນ ແຕ່ຍັງຊ່ວຍປ້ອງກັນພະຍາດມະເຮັງໄດ້ນຳ. ຈາກໜັງສືພິມ ເອກຊເປຼສ ຂອງຍີ່ປຸ່ນໄດ້ລາຍງານວ່າ: ໄດ້ມີການສຶກສາຄົ້ນພົບຄຸນປະໂຫຍດຂອງໝາກແອັບເປິລວ່າ: ຖ້າກິນແອັບເປິລອາທິດລະ 5 ໜ່ວຍຈະຊ່ວຍບຳລຸງປອດໃຫ້ແຂງແຮງ.

 

 

ພ້ອມກັນນັ້ນ, ໃນການສຶກສາອີກແຫ່ງໜຶ່ງກໍ່ຍັງພົບອີກວ່າ: ໃນເນື້ອ ແລະ ເປືອກຂອງແອັບເປິລມີສານຟຼາວານອຍ ແລະ ໂພລີຟິນອນທີ່ມີປະໂຫຍດຕໍ່ຮ່າງກາຍທີ່ສຸດ ເພາະສາມາດຊ່ວຍປ້ອງກັນພະຍາດມະເຮັງໄດ້ ໂດຍສານເຫຼົ່ານີ້ຈະເປັນໂຕກວດລ້າງ ແລະ ທຳລາຍສານອະນຸມູນອິດສະຫຼະທີ່ເປັນອັນຕະລາຍຕໍ່ເຊລຕ່າງໆຂອງຮ່າງກາຍ.

 

 

ນອກຈາກນີ້, ນັກວິໄຈຜູ້ມີຊື່ສຽງຂອງມະຫາວິທະຍາໄລຊື່ດັງທີ່ ສະຫະລັດອາເມຣິກາ ໄດ້ຄົ້ນພົບຫຼັກຖານຈາກການສຶກສາ ແລະ ໄດ້ຢືນຢັນວ່າ: ຖ້າກິນແອັບເປິລມື້ລະ 1 ໜ່ວຍ ແມ່ນບໍ່ຕ້ອງພົບໝໍກ່ຽວກັບພະຍາດມະເຮັງເຕົ້ານົມເລີຍ.

 

 

ຈາກວາລະສານ ວິຊາການກະເສດກະສິກຳ ແລະ ເຄມີອາຫານກໍ່ໄດ້ລາຍງານຜົນການສຶກສາຂອງອາຈານວິຊາວິທະຍາສາດການອາຫານວ່າ: ໃນນ້ຳສະກັດຈາກແອັບເປິລແມ່ນມີສັບພະຄຸນຊ່ວຍສະກັດກັ້ນຂະໜາດຂອງເນື້ອຮ້າຍຕ່ອມນ້ຳນົມ ແລະ ໄດ້ໃຊ້ໜູເປັນໂຕທົດລອງຜົນອອກມາຢ່າງເຫັນໄດ້ແຈ້ງວ່າ: ຍິ່ງໃຫ້ກິນຫຼາຍເທົ່າໃດກໍ່ຍິ່ງຊ່ວຍຢຸດຢັ້ງເຊື້ອຮ້າຍໄດ້ຫຼາຍຂຶ້ນເທົ່ານັ້ນ. ເຊິ່ງບໍ່ພຽງແຕ່ສັງເກດໄດ້ວ່າໜູທີ່ໄດ້ຜ່ານການປິ່ນປົວມີເຊື້ອມະເຮັງຫຼຸດລົງເທົ່າ ແຕ່ຍັງພົບວ່າກ້ອນເນື້ອຮ້າຍໄດ້ມີການຫົດຕົວນ້ອຍລົງນໍາ ແລະ ຫຼຸດຜ່ອນຄວາມຮ້າຍແຮງລົງຈົນເຮັດໃຫ້ເຊື້ອມີການຂະຫຍາຍຕົວຊ້າກວ່າ ເມື່ອທຽບກັບເນື້ອຮ້າຍໃນໜູໂຕທີ່ບໍ່ໄດ້ຮັບການປິ່ນປົວຈາກນ້ຳສະກັດແອັບເປິລ.

 

 

ຂໍ້ມູນຈາກ: My Food

%d bloggers like this: