ທີດີເອສ ໃຫ້ບໍລິການທ່ານຫຼາຍກວ່າທີ່ຄິດ

ຫຼາຍໆຄົນຄົງຮູ້ຈັກບໍລິສັດ ທີດີເອສ, ບາງຄົນອາດເຄີຍໃຊ້ບໍລິການ ຫຼື ຢ່າງໜ້ອຍຈະຄຸ້ນຫູກັບຊື່ບໍລິສັດນີ້ດີຢູ່ແລ້ວ ເພາະວ່າໄດ້ສ້າງຕັ້ງ ແລະ ໃຫ້ບໍລິການມານານເກືອບ 20 ປີ ພ້ອມທັງໂຄສະນາເຜີຍແຜ່ຕົນເອງ ຜ່ານສື່ຕ່າງໆມາຢ່າງຕໍ່ເນື່ອງ ແຕ່ທ່ານຮູ້ບໍວ່າ ນອກຈາກແປພາສາ ບໍລິສັດຍັງໄດ້ໃຫ້ບໍລິການຫຍັງແດ່?

ຕາມທີ່ໄດ້ສອບຖາມຂໍ້ມູນ ຈາກທ່ານ ບຸນໄທ ແກ້ວວິໄລ ໃນນາມຜູ້ກໍ່ຕັ້ງ ແລະ ຜູ້ຈັດການບໍລິສັດ ທີດີເອສ ໄດ້ໃຫ້ຮູ້ວ່າ: ຈາກທີ່ເຄີຍເຮັດວຽກນໍາບໍລິສັດທ່ອງທ່ຽວມາກ່ອນ ເຊິ່ງຕົນໄດ້ມີໂອກາດເຄື່ອນໄຫວໄປຕ່າງປະເທດຫຼາຍເທື່ອ ແລະ ເຫັນວ່າດ້ານການແປພາສາແມ່ນມີຄວາມຕ້ອງການຫຼາຍໃນສັງຄົມບໍ່ວ່າຈະເປັນຄົນລາວ ແລະ ຊາວຕ່າງປະເທດທີ່ເຂົ້າມາລາວ ດ້ວຍເຫດນັ້ນຕົນຈິ່ງຕັດສິນໃຈກໍ່ຕັ້ງບໍລິສັດບໍລິການດ້ານການແປພາສາ ແລະ ບໍລິການອື່ນໆຂຶ້ນມາໂດຍໄດ້ຮັບອະນຸຍາດໃຫ້ດໍາເນີນທຸລະກິດໃນກາງປີ 1999 ແລະ ເປີດບໍລິການໃນປີ 2000 ດ້ວຍທຶນຈົດທະບຽນເບື້ອງຕົ້ນ 96 ລ້ານກີບ.

ในภาพอาจจะมี 1 คน, กำลังนั่ง
ພາຍຫຼັງທີ່ເປີດຢ່າງເປັນທາງການກໍມີຜູ້ໃຊ້ບໍລິການເພີ່ມຂຶ້ນເລື້ອຍໆ ຖືວ່າມີຜົນຕອບຮັບເປັນທີ່ພໍໃຈ ແລະ ມີຫຼາຍໆຄົນຖາມເຖິງການບໍລິການດ້ານອື່ນໆ ໄລຍະຕໍ່ມາຈິ່ງເພີ່ມທຶນຈົດທະບຽນຈາກ 96 ລ້ານມາເປັນ 296 ລ້ານກວ່າກີບ ພ້ອມຂະຫຍາຍຂອດບໍລິການຕື່ມອີກ.
ປັດຈຸບັນ ບໍລິສັດ ທີດີເອສ ມີພະນັກງານເກືອບ 10 ຄົນ  ແລະ ມີການບໍລິການຫຼາຍຢ່າງໃນສະຖານ ທີ່ດຽວດັ່ງລາຍລະອຽດລຸ່ມນີ້:

  • ບໍລິການແປພາສາຕ່າງປະເທດ (ອັງກິດ,ຝຣັ່ງ,ຣັດເຊຍ,ຍີ່ປຸ່ນ,ຈີນ,ຫວຽດ,ໄທ…)
  • ບໍລິການແລ່ນເອກະສານແຕ່ງດອງກັບຄົນຕ່າງປະເທດ
  • ບໍລິການປະກອບເອກະສານຄູ່ໝັ້ນ
  • ບໍລິການຂຽນບົດວິພາກເສດຖະກິດ
  • ບໍລິການແລ່ນເອກະສານຂໍອະນຸຍາດລົງທຶນ (ພາຍໃນ ແລະ ຕ່າງເທດ)
  • ບໍລິການຂໍຢູ່ລາວຖາວອນ ແລະ ຂໍສັນຊາດ
  • ບໍລິການເອກະສານທົ່ວໄປ
  • ບໍລິການໃຫ້ຄໍາປຶກສາ ແລະ ບໍລິການອື່ນໆ

ในภาพอาจจะมี สถานที่กลางแจ้ง

ເວົ້າໄດ້ວ່າບໍລິສັດ ທີດີເອສ ເປັນບໍລິສັດຂະໜາດນ້ອຍ ແຕ່ບໍລິການກວ້າງຂວາງຫຼາກຫຼາຍກວ່າທີ່ຄິດ  ນັບຈາກບໍລິການແປພາສາທົ່ວໄປກ້າວເຖິງການອໍານວຍຄວາມສະດວກດ້ານການສ້າງຄອບຄົວລະຫວ່າງຄົນລາວກັບຄົນຕ່າງປະ ເທດ, ການຂໍປ່ຽນສັນຊາດ ແລະ ຮັບແລ່ນເອກະສານການລົງທຶນຕ່າງໆໂດຍສະເພາະຄົນຕ່າງປະເທດທີ່ຈະມາລົງທຶນຢູ່ລາວ ຫຼື ຄົນລາວທີ່ຕ້ອງການໄປດໍາເນີນທຸລະກິດຢູ່ຕ່າງປະເທດ ພ້ອມດ້ວຍບໍລິການອື່ນໆທີ່ແນໃສ່ອໍານວຍຄວາມສະ ດວກໃຫ້ກັບຫຼາຍໆຄົນບໍ່ວ່າຈະເປັນຄົນລາວ ແລະ ຄົນຕ່າງປະເທດ.
ຂັ້ນຕອນການບໍລິການກໍບໍ່ມີຫຍັງຫຍຸ້ງຍາກ ພຽງແຕ່ທ່ານຕິດຕໍ່ຫາບໍລິສັດ ແລ້ວກໍຈະໄດ້ຮັບລາຍລະອຽດກ່ຽວກັບການດໍາເນີນງານ ແລະ ນໍາໄປສູ່ຜົນສໍາເລັດໄດ້ດັ່ງໃຈ ເໝາະສົມກັບຍຸກປັດຈຸບັນທີ່ໃຜໆກໍຫຍຸ້ງນໍາວຽກງານ ແລະ ຕ້ອງການຄວາມເລັ່ງດ່ວນ ທາງບໍລິສັດ ທີດີິເອສ ພ້ອມໃຫ້ບໍລິການສະເໝີ.

ในภาพอาจจะมี ผู้คนกำลังนั่ง และสถานที่ในร่ม

ສໍາລັບລາຄາແມ່ນອີງຕາມໜ້າວຽກຕົວຈິງ ແລະ ໄລຍະຄວາມເລັ່ງດ່ວນ ເຊິ່ງຜູ້ໃຊ້ບໍລິການສາມາດຕົກລົງກັບ ບໍລິສັດໄດ້.
ທີດີເອສ ເນັ້ນບໍລິການວ່ອງໄວ ລາຄາຍຸຕິທໍາ ຈິ່ງເປັນທີ່ໄວ້ໃຈຂອງລູກຄ້າຕະຫຼອດມາ ບໍ່ວ່າຈະເປັນລູກຄ້າລາຍເກົ່າ ແລະ ໃໝ່ກໍມາໃຊ້ບໍລິການດ້ວຍດີເປັນທີ່ພູມໃຈ.
ທ່ານ ບຸນໄທ ແກ້ວວິໄລ ຝາກຂອບໃຈບັນດາທ່ານທຸກທົ່ວໜ້າທີ່ໄວ້ເນື້ອເຊື່ອໃຈໃຊ້ບໍລິການນໍາບໍລິສັດ ທີດີເອສ ພ້ອມຫວັງວ່າຈະໄດ້ຮັບແຮງສະໜັບສະໜູນຈາກບັນດາທ່ານຕື່ມອີກໃນອະນາຄົດ ແລະ ຜູ້ທີ່ບໍ່ເຄີຍໃຊ້ບໍລິການກໍ ສາມາດຕິດຕໍ່ໄດ້ເຊັ່ນກັນ.
ບໍ່ວ່າທ່ານຈະຢູ່ໃກ້ ຫຼື ໄກ ຕິດຕໍ່ພົວພັນໄດ້ທີ່ເບີ: 021 313339; 020 99900287 ຫຼື ຈະສົ່ງຈົດໝາຍທາງອອນລາຍກໍໄດ້: E-mail: tds_co@hotmail.com

ບໍລິສັດ ທີດີເອສ ຕັ້ງຢູ່ຖະໜົນຄູວຽງ ບ້ານບຶງຂະຫຍອງ ເມືອງສີສັດຕະນາກ ນະຄອນຫຼວງວຽງຈັນ

%d bloggers like this: