ເສຍຊີວິດກວ່າ 400 ຄົນແລ້ວ ຈາກຜົນກະທົບແຜ່ນໄຫວ ທີ່ເກາະສຸລາເວສີ

ຈຳນວນຜູ້ເສຍຊີວິດຈາກເຫດການໄພພິບັດທີ່ເກາະສຸລາເວສີ ຂອງອິນໂດນເນເຊຍ ເພິ່ມຂຶ້ນຫຼາຍກວ່າ 400 ຄົນແລ້ວ ແລະ ມີແນວໂນມສູງຂຶ້ນຫຼາຍກວ່ານີ້ ຂະນະທີ່ ອັຟເຕີຊັອກ ຍັງເກີດຂຶ້ນຢ່າງຕໍ່ເນື່ອງ.

ສຳນັກຂ່າວຕ່າງປະເທດລາຍງານຈາກນະຄອນຫຼວງຈາກາຕ້າ ປະເທດອິນໂດເນເຊຍ ເມື່ອວັນອາທິດ ທີ 30 ກັນຍາ ວ່າ ສໍານັກງານບໍລິຫານຈັດການໄພພິບັດແຫ່ງຊາດ ຂອງອິໂດນເນເຊຍ (BNPB: Badan Nasional Penanggulangan Bencana) ລານງານຈໍານວນຜູ້ເສຍຊີວິດຈາກເຫດການໄພພິບັດທີ່ເກາະສຸລາເວສີ ເຊິ່ງເກີດແຜ່ນດິນໄຫວ 7,5 ແມັກນິຈູດ ແລະ ຄື້ນຍັກສຶນາມິທີ່ມີຄວາມສູງ 3 ແມັດ ພັດເຂົ້າສູ່ຊາຍຝັ່ງ ເມື່ອຕອນແລງຂອງວັນສຸກຜ່ານມາ ວ່າຈຳນວນຜູ້ເສຍຊີວິດເພິ່ມເປັນ 420 ຄົນ ແລະ ມີຜູ້ບາດເຈັບປະມານ 540 ຄົນ ແຕ່ມີຄວາມເປັນໄປໄດ້ສູງທີ່ຈຳນວນຜູ້ເສຍຊີວິດຈະເພິ່ມຂຶ້ນອີກຫຼາຍ.

ຂະນະດຽວກັນ ມີລາຍງານການເກີດແຜ່ນດິນໄຫວຕາມຫຼັງ ຫຼື ອັຟເຕີຊັອກ (aftershock) ແລ້ວຫຼາຍຄັ້ງ ວັດແທກຄວາມຮຸນແຮງໄດ້ມຮາ 6,7 ແມັກນິຈູດ ຍິ່ງສ້າງຄວາມວິຕົກກັງວົນຕໍ່ປະຊາຊົນໃນພື້ນທີ່ຢ່າງໜັກ ໂດຍສະເພາະທີ່ເມືອງປາລູ ເມືອງຫຼັກຂອງແຂວງສຸລາເວສີກາງ ເຊິ່ງມີປະຊາຊົນອາໄສຫຼາຍເຖິງ 350.000 ຄົນ ເປັນໜຶ່ງໃນບໍລິເວນທີ່ໄດ້ຮັບຄວາມເສຍຫາຍຫຼາຍທີ່ສຸດ ທັງຈາກແຜ່ນດິນໄຫວ ແລະ ສຶນາມິ ໂດຍຕັ້ງຢູ່ຫ່າງຈາກຈຸດສູນກາງຂອງແຜ່ນດິນໄຫວ ພຽງ 80 ກິໂລແມັດເທົ່ານັ້ນ ປະຊາຊົນຫຼາຍກວ່າ 17 ພັນຄົນ ຕ້ອງອົບພະຍົບຈາກບ້ານເຮືອນໄປກະຈາຍຢູ່ສູນພັກເຊົາຊົ່ວຄາວທີ່ໜ່ວຍງານບັກເທົາທຸກຈັດຕັ້ງໄວ້ແລ້ວ 50 ແຫ່ງ ແຕ່ຍັງບໍ່ພຽງພໍສົ່ງຜົນໃຫ້ປະຊາຊົນຈຳນວນຫຼາຍຕ້ອງໄດ້ສ້າງທີ່ພັກຊົ່ວຄາວກັນເອງ ຫຼື ຍອມອາໄສນອນຢູ່ພື້ນກາງເດີ່ນໄປກ່ອນ.

ในภาพอาจจะมี 1 คน, กำลังยิ้ม, รองเท้า และสถานที่กลางแจ้ง

ในภาพอาจจะมี 1 คน, กำลังนั่ง, ตาราง และสถานที่กลางแจ้ง

ດ້ານ ທ່ານຊູໂຕໂປ ປູໂວ ນູໂກຣໂຮ ໂຄສົກຂອງ BNPB ກ່າວວ່າ ຄວາມເສຍຫາຍຈາກແຜ່ນດິນໄຫວ ແລະ ສຶນາມິ ທີ່ເກາະສຸລາເວສີ ໃນຄັ້ງນີ້ຍັງບໍ່ທັນຊັດເຈນ ແຕ່ຄວາມຮຸນແຮງ ແລະ ເປັນພື້ນທີ່ກວ້າງ ເນື່ອງຈາກສຶນາມິພັດຜ່ານທະເລເປີດມາດ້ວຍຄວາມໄວ 800 ກິໂລແມັດຕໍ່ຊົ່ວໂມງ ກ່ອນເຂົ້າສູ່ຊາຍຝັ່ງ ແລະ ສ້າງຄວາມເສຍຫາຍເປັນໄລຍະທາງໄກເຖິງ 300 ກິໂລແມັດ ຂະນະທີ່ກອງທັບອິນໂດເນເຊຍ ລະດົມກຳລັງທະຫານລົງພື້ນທີ່ປະສົບໄພເພື່ອໃຫ້ຄວາມຊ່ວຍເຫຼືອປະຊາຊົນ ແລະ ສະໜັບສະໜຸນປະຕິບັດການຂອງໜ່ວຍກູ້ໄພ.

ในภาพอาจจะมี หนึ่งคนขึ้นไป และสถานที่กลางแจ้ง

ສະຖານະການທີ່ເກີດຂຶ້ນເທິງເກາະສຸລາເວສີແລ້ວ ກ່ອນໜ້ານີ້ພຽງ 1 ເດືອນ ກໍ່ເກີດມີແຜ່ນດິນໄຫວຮຸນແຮງ 4 ຄັ້ງ ທີ່ເກາະລອມບອກ ເມື່ອເດືອນສິງຫາຜ່ານມາ ໂດຍຄັ້ງຮຸນແຮງທີ່ສຸດຄື ແຜ່ນດິນໄຫວ 6,9 ແມັກນິຈູດ ເມື່ອວັນທີ່ 5 ສິງຫາ ທີ່ຜາານມາ ພາກຊີວິດປະຊາຊົນ ໃນພື້ນທີ່ຫຼາຍກວ່າ 500 ຄົນ. ນອກຈາກນີ້ ຖ້າຢ້ອນກັບໄປ ເມື່ອເດືອນທັນວາ ປີ 2004 ເກີດແຜ່ນດິນໄຫວຮຸນແຮງເຖິງ 9,1 ແມັກນິຈູດ ນອກຊາຍຝັ່ງທາງພາກເໜືອຂອງເກາະສຸມາຕຣາ ໃນອິນໂດເນເຊຍ ສົ່ງຜົນໃຫ້ເກີດຄື້ນສຶນາມິຂະໜາດໃຫຍ່ພັດເຂົ້າສູ່ງຊາຍຝັ່ງຂອງ 14 ປະເທດ ມີຜູ້ເສຍຊີວິດລວມກັນຫຼາຍກວ່າ 227.000 ຄົນ ໂດຍຈຳນວນນີ້ ປະມານ 120.000 ຄົນ ເປັນຜູ້ທີ່ເສຍຊີວິດໃນປະເທດອິນໂດ.

ในภาพอาจจะมี 3 คน, ผู้คนกำลังนั่ง, รถมอเตอร์ไซค์, เด็ก และสถานที่กลางแจ้ง

ในภาพอาจจะมี หนึ่งคนขึ้นไป

ในภาพอาจจะมี อาหาร

ในภาพอาจจะมี สถานที่กลางแจ้ง

ในภาพอาจจะมี หนึ่งคนขึ้นไป

ในภาพอาจจะมี หนึ่งคนขึ้นไป และสถานที่กลางแจ้ง

ในภาพอาจจะมี หนึ่งคนขึ้นไป, ผู้คนกำลังนั่ง และสถานที่กลางแจ้ง

ในภาพอาจจะมี ท้องฟ้า, สถานที่กลางแจ้ง และน้ำ

%d bloggers like this: