ອົງການກາແດງລາວ ຊ່ວຍ 97 ລ້ານກວ່າກີບ ແກ່ບ້ານຕະມໍຢອດ ເມືອງສະໜາມໄຊ

ອາທິດຜ່ານມາອົງການກາແດງລາວ, ກາແດງແຂວງອັດຕະປື ແລະ ອົງການອາສາສະໝັກສາກົນປະເທດຍີ່ປຸ່ນ ເຊິ່ງນຳພາໂດຍ ທ່ານ ດຣ. ສີວິໄລ ໄຊຍະລາດ ຮອງຫົວໜ້າກອງຊ່ວຍເຫຼືອບັນເທົາທຸກອົງການກາແດງລາວ ແລະ ທ່ານ ນາງ ດາວັງ ນາມສີນາ ຮອງຫົວໜ້າອົງການ ກາແດງ ແຂວງອັດຕະປື ພ້ອມດ້ວຍ ທ່ານ ນາງ ຊາຊິໂກະ ໂທມິນາກະ ຜູ້ຕາງໜ້າອົງການອາສາສະໝັກປະເທດຍີ່ປຸ່ນເຂົ້າຮ່ວມ.

ເຄື່ອງທີ່ນຳມາຊ່ວຍເຫຼືອໃນຄັ້ງນີ້ ປະກອບມີ: ໝໍ້ໜຶ້ງເຂົ້າ – ຫວດ 145 ຊຸດ, ຕິບເຂົ້າ 145 ໜ່ວຍ, ຖ້ວຍ – ຈານ 870 ໃບ, ຜ້າຫົ່ມ 560 ຜືນ, ຖົງດຳໃສ່ຂີ້ເຫຍື້ອ 145 ແກັດ, ເກີບໂບກ 780 ຄູ່, ຜ້າເຊັດໜ້າ 700 ຜືນ, ໂອຕັກນໍ້າ 195 ອັນ, ຕຸກສຳລັບໃສ່ນໍ້າ 10 ລິດ 145 ໜ່ວຍ, ປຶ້ມຂຽນ 100 ໜ້າ 750 ຫົວ ແລະ ບິກ 1 ພັນກ້ານ ລວມມູນຄ່າການຊ່ວຍເຫຼືອທັງໝົດ 97 ລ້ານກວ່າກີບ ເຊິ່ງເຄື່ອງຈຳນວນດັ່ງກ່າວແມ່ນໄດ້ຮັບການສະໜັບສະໜູນຈາກອົງການອາສາສະໝັກປະເທດຍີ່ປຸ່ນ.

( ຮູບ – ຂ່າວ: ນຸ້ມນິ້ມ )

%d bloggers like this: