ຜິວສະອາດຊຸ່ມຊື່ນກັບຜະລິດຕະພັນຄຣີມອາບນໍ້າ ເມລ້ອນ

ບໍລິສັດ ຈະເລີນສຸກ ຂາເຂົ້າ – ຂາອອກ ຈຳກັດຜູ້ດຽວ ໄດ້ເປີດໂຕຜະລິດຕະພັນຄຣີມອາບນໍ້າ ເມລ້ອນ ຢ່າງເປັນທາງການ ໃນວັນທີ 17 ກັນຍາ 2018 ທີ່ໂຮງແຮມ ຢູ່ສຸກ ນະຄອນຫຼວງວຽງຈັນ ຮ່ວມເປັນປະທານໂດຍ ທ່ານ ອາລິຍະກອນ ກອງໄຊຍະສັກ ຜູ້ອຳນວຍການ ບໍລິສັດ ຈະເລີນສຸກ ຂາເຂົ້າ – ຂາອອກ ຈຳກັດຜູ້ດຽວ, ທ່ານ ນາງ ໄພວັນ  ສິລິວົງສາ ຜູ້ຈັດການຝ່າຍການຕະຫຼາດ ບໍລິສັດ ຈະເລີນສຸກ ຂາເຂົ້າ – ຂາອອກ ຈຳກັດຜູ້ດຽວ ແລະ ທ່ານ ນາງ ຈັນດາລີ ສິດພະໄຊ ນາງແບບໂຄສະນາ ແລະ ເຈົ້າຂອງຍີ່ຫໍ້ຄຣີມອາບນໍ້າ ເມລ້ອນ ພ້ອມດ້ວຍຫົວໜ້າສູນຈຳໜ່າຍສິນຄ້າ.

ນາງ ໄພວັນ ສິລິວົງສາ ຜູ້ຈັດການຝ່າຍການຕະຫຼາດ ບໍລິສັດ ຈະເລີນສຸກ ຂາເຂົ້າ – ຂາອອກ ຈຳກັດຜູ້ດຽວ ໄດ້ກ່າວວ່າ: ເພື່ອເປັນການຂະຫຍາຍສິນຄ້າຂອງຄົນລາວໃຫ້ພົ້ນເດັ່ນ ທາງບໍລິສັດແມ່ນໄດ້ຜະລິດເຄື່ອງອຸປະໂພກ ແລະ ບໍລິໂພກທີ່ຂຽນສະຫຼາກເປັນພາສາລາວ ໂດຍເປັນຂອງຄົນລາວ 100%. ຜະລິດຕະພັນຄຣີມອາບນໍ້າ ເມລ້ອນ ແມ່ນໄດ້ມີການປັບສູດຫຼາຍຢ່າງເພື່ອໃຫ້ແທດເໝາະກັບຜິວຂອງຄົນລາວເຮົາເອງ ເປັນຕົ້ນແມ່ນໃນສະພາບອາກາດຮ້ອນ ໂດຍມີສ່ວນປະສົມຂອງໝາກໄມ້ຫຼາຍກວ່າ 10 ຊະນິດ ແລະ ເປັນຄຣີມອາບນໍ້າທີ່ຊ່ວຍເພີ່ມວິຕາມິນໃຫ້ຜິວພັນດີຂຶ້ນ.

ນອກຈາກນີ້, ຄຣີມອາບນໍ້າ ເມລ້ອນ ຍັງຊ່ວຍບຳລຸງຜິວໃຫ້ຜິວພັນໄດ້ຮັບສານອາຫານທີ່ດີ ເຊິ່ງເປັນນະວັດຕະກຳໃໝ່ທີ່ຄິດຄົ້ນໂດຍຫ້ອງທົດລອງອັນດັບ 3 ຂອງປະເທດໄທ ແລະ ຜະລິດໃນໂຮງງານທີ່ມີມາດຕະຖານ ພ້ອມທັງຜ່ານ ອຢ ໃນປະເທດໄທ ແລະ ສປປ ລາວ ເປັນທີ່ຮຽບຮ້ອຍ ໃນເບື້ອງຕົ້ນທາງບໍລິສັດຈະຈໍາໜ່າຍພຽງແຕ່ 1 ແສນຕຸກ ເພື່ອເປັນການເປີດຕະຫຼາດໃໝ່ຂອງຜະລິດຕະພັນຄຣີມອາບນໍ້າ ແລະ ແຜນ 5 ປີ ແມ່ນຈະມີການຈຳໜ່າຍໃຫ້ບັນລຸ 2 ລ້ານຕຸກ. ການສົ່ງເສີມໃຫ້ສິນຄ້າຂອງຄົນລາວມີບົດບາດໃນປະເທດເຮົາຫຼາຍຂຶ້ນ ແລະ ຫຼຸດຜ່ອນການນຳເຂົ້າສິນຄ້າຈາກຕ່າງປະເທດ ຈຶ່ງຢາກໃຫ້ຄົນລາວຫັນປ່ຽນມາໃຊ້ຜະລິດຕະພັນຂອງລາວ  ນອກຈາກຄຣີມອາບນໍ້າເມລ້ອນ ສູດນີ້ ຍັງມີແຜນຜະລິດຄຣີມອາບນໍ້າ ເມລ້ອນ ສູດອື່ນໆຕາມມາ.

ທ່ານ ນາງ ຈັນດາລີ ສິດພະໄຊ ນາງແບບໂຄສະນາ ແລະ ເຈົ້າຂອງຍີ່ຫໍ້ຄຣີມອາບນໍ້າ ເມລ້ອນ ໄດ້ກ່າວວ່າ: ການໃຊ້ຜະລິດຕະພັນຂອງຄົນລາວແມ່ນເປັນການຕໍ່ຍອດ ແລະ ຂະຫຍາຍເສດຖະກິດຂອງຄົນລາວໃຫ້ກວ້າງຂວາງຂຶ້ນ. ໃນນາມນາງແບບໂຄສະນາ ແລະ ເຈົ້າຂອງຍີ່ຫໍ້ຄຣີມອາບນໍ້າເມລ້ອນ ແມ່ນໄດ້ທົດລອງໃຊ້ເອງມາກ່ອນ 2 ເດືອນ ຍອມຮັບໄດ້ເລີຍວ່າເປັນຄຣີມອາບນໍ້າທີ່ດີຕໍ່ສຸຂະພາບຜິວພັນ, ຊ່ວຍໃຫ້ຜິວສະອາດ, ສົດໃສ, ຊ່ວຍໃຫ້ຜິວຊຸ່ມຊື່ນ ແລະ ມີກິ່ນຫອມທີ່ຕິດດົນ.

ເນື້ອຄຣີມທີ່ປະກອບດ້ວຍວິຕາມິນທີ່ເຂັ້ມຂຸ້ນ ໂດຍຈະຊ່ວຍຂັດເຊລຜິວເກົ່າອອກ ແລະ ບໍ່ຈຳເປັນຕ້ອງໃຊ້ໃນປະລິມານຫຼາຍ ເພາະໜ້ອຍແຕ່ມີຄຸນນະພາບ ສາມາດຊື້ໃນສູນຈຳໜ່າຍນະຄອນຫຼວງ 2 ສູນ, ສູນຈຳໜ່າຍພາກເໜືອ 1 ສູນ ແລະ ສູນຈຳໜ່າຍພາກໃຕ້ 1 ສູນ ໃນລາຄາ 39 ພັນກີບຕໍ່ຕຸກ ໃນຂະໜາດ 250 ມິນລີລິດ.

[ ຂ່າວ: ນຸ້ມນິ້ມ; ຮູບ: ວິລະສັກ ]

%d bloggers like this: