ດູເຕີເຕ ກ່າວໂທດ ທຣຳ ເປັນສາເຫດເຮັດໃຫ້ຄ່າເງິນ ເປໂຊຟິລິບປິນ ເຟີ້

ປະທານາທິບໍດີໂຣດຣິໂກ ດູເຕີເຕ ຂອງປະເທດຟິລິບປິນ ກ່າວໂທດໃຫ້ປະທານາທິບໍດີໂດນັລ ທຣຳ ຜູ້ນຳອາເມຣິກາ ວ່າ ເປັນສາເຫດ ທີ່ເຮັດໃຫ້ອັດຕາເງິນເຟີ້ຂອງ ຟິລິບປິນ ເພິ່ມຂຶ້ນສູງ ໃນຮອບ 9 ປີ ຂະນະທີ່ຜົນສຳຫຼວດຊີ້ຄະແນນນິຍົມຂອງ ຄູເຕເຕ ຫຼຸດລົງຕ່ຳສຸດ ນັບຕັ້ງແຕ່ເຂົ້າຮັບຕຳແໜ່ງ.

ສຳນັກຂ່າວເອເອັຟພີ ແລະ ຣອຍເຕີ ລາຍງານຈາກນະຄອນມະນິລາ ປະເທດຟິລິບປິນ ເມື່ອວັນເສົາ ທີ 8 ກັນຍາ ວ່າ ຖືວ່າເປັນຂໍ້ອ້າງທີ່ບໍ່ຄາດຄິດຈາກປາກຂອງ ດູເຕີເຕ ຜູ້ນຳຂອງຟິລິບປິນ ທີ່ຄັ້ງໜຶ່ງເຄີຍກ່າວໂຈມຕີອາເມຣິກາຢ່າງຮຸນແຮງ ແຕ່ໃຫ້ການຍອມຮັບ ທຣຳ ຫຼັງຈາກນັກທຸລະກິດມະຫາເສດຖີ  ຊະນະການເລືອກຕັ້ງປະທານາທິບໍດີອາເມຣິກາ ໃນເດືອນພະຈິກ 2015.

ในภาพอาจจะมี 1 คน, เครา, สถานที่กลางแจ้ง และภาพระยะใกล้

ຄຳຖາມຂອງນັກຂ່າວກ່ຽວກັບຕົວເລກອັດຕາເງິນເຟີ້ຂອງຟີລິບປິນ 6,4% ໃນເດືອນສິງຫາ ຜ່ານມາ ເຊິ່ງສູງສຸດໃນຮອບ 9 ປີ ແລະ ເກີດຄວາມຄາດໝາຍຂອງນັກວິເຄາະສ່ວນໃຫຍ່ ດູເຕີເຕ ໄດ້ກ່າວໂທດນະໂຍບາຍເສດຖະກິດຂອງ ທຣຳ ເປັນສາເຫດ “ໃຜເປັນຄົນເລິ່ມຂຶ້ນອັດຕາດອກເບ້ຍ ອາເມຣິກາແມ່ນບໍ່? ເມື່ອອາເມຣິກາຂຶ້ນໃຜກະຂຶ້ນນຳ ນັ້ນແຫຼະຄືສາເຫດ ພວກເຮົາບໍ່ສາມາດເຮັດຫຍັງໄດ້” ດູເຕີເຕ ກ່າວ.

ຜົນສຳຫຼວດຄວາມຄິດເຫັນສາທາລະນະ ໂດຍສຳນັກສຳຫຼວດອິດສະຫຼະ ໂຊຊຽວ ເວເຊີ ສະເຕຊັ່ນ (SWS: Social Weather Station) ຂອງຟິລິບປິນ ໄດ້ເຜີຍແຜ່ ເມື່ອວັນເສົາ ຜ່ານມາ ພົບວ່າ ຄວາມເຊື່ອໝັ້ນຂອງປະຊາຊົນທີ່ມີຕໍ່ປະທານາທິບໍດີໂຣດຣິໂກ ຄູເຕເຕ ຫຼຸດລົງ 8 ຈຸດ ໃນໄລຍະໄຕມາດ 2 ຫຼື +57 ຈາກ +65 ໃນການສຳຫຼວດຄັ້ງກ່ອນ ນັບເປັນຄະແນນຕ່ຳທີ່ສຸດ ຕັ້ງແຕ່ເຂົ້າຮັບຕຳແໜ່ງໃນເດືອນມິຖຸນາ 2015.

%d bloggers like this: