ເດວິດ ເບັກແຮັມ ເປີດຕົວສະໂມສອນ ແລະ ໂລໂກ້ ລຸຍເມເຈີລີກ ອາເມຣິກາ 2020

ເດວິດ ເບັກແຮັມ ອາດີດຈອມປັ່ນຟຣີຄິກ ຂອງແມນເຊັສເຕີ ຢູໄນເຕັດ ອອກຖະແຫຼງການຂ່າວ ເຜີຍຊື່ສະໂມອນຕົນເອງທີ່ຈະສົ່ງລົງແຂ່ງຂັນເວທີ ເມເຈີ ລີກ ຊອກເກີ ຂອງອາເມຣິກາ ປີ 2020 ອອກມາເປັນທີ່ຮຽບຮ້ອຍແລ້ວ.
ຫຼັງຈາກລົງທືນກໍ່ຕັ້ງທີມຂຶ້ນມາໃໝ່ໃນໄມອາມີ ໂດຍຊື້ແຟຣນໄຊ ມາຕັ້ງແຕ່ປີ 2014 ຫຼ້າສູດ ອາດີດຫົວໜ້າທີມຊາດອັງກິດ ອາຍຸ 43 ປີ ໄດ້ເຜີຍຊື່ສະໂມສອນອອກມາວ່າ ຄລັບ ອິນເຕີເນຊັນແນລ ເດິ ຟຸດບອລ ໄມອາມີ (Club Internacional de Fútbol Miami).

ຢ່າງໃດກໍ່ດີ ຊື່ສະໂມສອນ ຈະມີສີດຳ ບົວ ແລະ ຂ່າວ ເປັນສີປະຈຳສະໂມສອນ ຈະຖືກຮ້ອງຊື່ສັ້ນໆວ່າ ອິນເຕີ ໄມອາມີ ຂະນະທີ່ ໂລໂກ້ສະໂມສອນ ເຊິ່ງຖືກອອກແບບມາໃນມື້ດຽວກັນເປັນຮູບນົກກະສາຄູ່ ສື່ຄວາມໝາຍເຖິງຄວາມເປັນອິດສະຫຼະ.
ທາງສະໂມສອນນ້ອງໃໝ່ ຖະແຫຼງວ່າ “ເມື່ອ 4 ປີກ່ອນ ພວກເຮົາຝັນເຖິງການສ້າງທີມເຕະບານ ເຊິ່ງ ໃນມື້ນີ້ພວກເຮົາມີຄວາມພາກພູມໃຈທີ່ຈະເປີດເຜີຍ ຊື່ສະໂມສອນຢ່າງເປັນທາງການ ແລະ ການເດີນທາງຫາກໍ່ເລິ່ມຕົ້ນເທົ່ານັ້ນ”.

ไม่มีข้อความกำกับภาพอัตโนมัติ

ທາງດ້ານ ເບັກແຮັມ ທີ່ເປັນທັງເຈົ້າຂອງ ແລະ ປະທານຝ່າຍບໍລິຫານ ທີມ ໄດ້ກ່າວວ່າ “ມັນເປັນວັນທີ່ຂ້ອຍພາກພູມໃຈທີ່ສຸດ ແລະ ເປັນກຽດທີ່ໄດ້ປະກາດຊື່ທີມ ແລະ ໂລໂກ້ສະໂມສອນຕໍ່ໜ້າກອງເຊຍຂອງພວກເຮົາ”.
ທັງນີ້ ທີມຂອງ ເບັກແຮັມ ຈະລົງແຂ່ງັນປີທຳອິດໂດຍໃຊ້ສະໜາມຊົ່ວຄາວໄປກ່ອນ ເນື່ອງຈາກສະໜາມຂອງສະໂມສອນທີ່ສາມາດ ບັນຊຸຜູ້ເຂົ້າຊົມໄດ້ປະມານ 25.000 ຄົນ ໂດຍໃຊ້ຊື່ວ່າ ໄມອາມີ ຟຣີດອມ ມີກຳໜົດກໍ່ສ້າງສຳເລັດໃນປີຖັດໄປ.

ไม่มีข้อความกำกับภาพอัตโนมัติ

 

%d bloggers like this: