ສະມາຄົມບານເຕະຈີນ ຈັບມືກັບ ແຈັກ ໝ່າ ສະໜັບສະໜຸນງົບທີມຊາດຜູ້ຍິງ

ສຳນັກຂ່າວຈູ໋ສິວເປົ້າ ຂອງຈີນລາຍງານວ່າ ຄະນະກຳມະການບໍລິຫານສະມາຄົມບານເຕະຈີນຕ້ອງການແກ້ໄຂບັນຫາການຂາດແຄນງົບປະມານສະໜັບສະໜຸນທີມບານເຕະທີມຜູ້ຍິງຂອງຈີນ ຈຶ່ງເຈລະຈາຮ່ວມມືກັບ ທ່ານ ແຈັກ ໝ່າ ນັກທຸລະກິດເຄືອຂ່າຍອາລີບາບາ ເພື່ອຂໍທຶນສະໜັບສະໜຸນ.

ດ້ານ ທ່ານ ແຈັກ ໝ່າ ກໍ່ຍິນດີ ແລະ ມີຄວາມກະຕືລືລົ້ນ ທີ່ຈະໃຫ້ຄວາມຊ່ວຍເຫຼືອເປັນຢ່າງດີ ເມື່ອເຖິງເວລາທີ່ຕ້ອງແຂ່ງຂັນຄາດວ່າ ແຈັກ ໝ່າ ຈະມອບເງິນສະໜັບສະໜຸນໃຫ້ທີມບານເຕະສາວຈີນທັງໝົດ ຕັ້ງແຕ່ການຝຶກຊ້ອມທີມເຍົາວະຊົນໄປຈົນເຖິງທີມຊາດ.
ເວລານີ້ ແຈັກ ໝ່າ ໄດ້ຈັດຕັ້ງຄະນະເຮັດວຽກເພື່ອດູແລເລື່ອງນີ້ຂຶ້ນມາໂດຍສະເພາະແລ້ວ ແລະ ທັງສອງຝ່າຍກໍ່ມີການຫາລືຕິດຕາມຄວາມຄືບໜ້າຢ່າງໃກ້ຊິດ ຄາດວ່າລາຍລະອຽດຂັ້ນຕອນຕໍ່ໄປໜ້າຈະມີການເປີດເຜີຍໄວໆນີ້.

CR: China Xinhua News

%d bloggers like this: