ໂດນັລ ທຣຳ ຂູ່ຕັດການາດາ ອອກຈາກ ນາຟຕາ 2.0

ປະທະນາທິບໍດີໂດນນັລ ທຣຳ ຜູ້ນຳອາເມຣິກາ ກ່າວວ່າ ນາຢຕາ ໃນອະນາຄົດ ອາດຈະບໍ່ຈຳເປັນ ຕ້ອງມີປະເທດການາດາ ຫຼັງຈາກທັງສອງປະເທດຍັງບໍ່ສາມາດບັນລຸຂໍ້ຕົກລົງຮ່ວມກັນ ເພື່ອແກ້ໄຂເນື້ອຫາບາງສ່ວນຂອງການຮ່ວມມືການຄ້າ ກັບ ປະເທດເມັກຊິໂກ ທີ່ໃຊ້ມາດົນເຖິງ 24 ປີ.

ສຳນັກຂ່າວຕ່າງປະເທດລາຍງານຈາກນະຄອນວໍຊິງຕັນ ປະເທດອາເມຣິກາ ເມື່ອວັນທີ 1 ກັນຍາ ວ່າ ປະທະນາທິບໍດີໂດນັລ ທຣຳ ໄດ້ຂຽນຂໍ້ຄວາມລົງໃນທະວິດເຕີ ເມື່ອວັນເສົາຜ່ານມາ ວ່າ ການຕົກລົງການຄ້າເສລີອາເມຣິກາເໜືອ “ນາຟຕາ” (NAFTA: North American Free Trade Agreemen) ຖືເປັນຂໍ້ຕົກລົງການຄ້າລະຫວ່າງປະເທດທີ່ບໍ່ມີປະສິຕິພາບທີ່ສຸດ ເທົ່າທີ່ເຄີຍມີມາໃນໂລກ ແລະ ຖ້າຫາກຍັງບໍ່ມີການແກ້ໄຂເນື້ອໃນຫຼາຍປະເດັນ ເຊິ່ງມັນສົ່ງຜົນໃຫ້ອາເມຣິກາຕົກຢູ່ໃນສະຖານະເສຍປຽບເຊັ່ນຫຼາຍສິບປີຜ່ານມາ ຈຶ່ງບໍ່ມີຄວາມຈຳເປັນທາງການເມືອງ ທີ່ຈະໃຫ້ການາດາເປັນສ່ວນໜຶ່ງໃນສັນຍາ ນາຟຕາ ອີກຕໍ່ໄປ ແລະ ເຕືອນສະຖາຄອງເກຣສ ( United States Congress) ບໍ່ຄວນກ້າວກ່າຍເລື່ອງນີ້.

ในภาพอาจจะมี หนึ่งคนขึ้นไป และผู้คนกำลังนั่ง

ທັງນີ້ ທຣຳ ສົ່ງໜັງສືແຈ້ງໄປສະພາຄອງເກຣສ ເມື່ອວັນສຸກຜ່ານມາ ວ່າ ລາວຈະລົງນາມຂໍ້ຕົກລົງການຄ້າ ກັບ ເມັກຊິໂກ ທີ່ສາມາດເຫັນຊອບຮ່ວມກັນກ່ຽວກັບການແກ້ໄຂເນື້ອຫາບາງສ່ວນໃນ ນາຟຕາ ຈາກການເຈລະຈາຮ່ວມກັນທີ່ນະຄອນວໍຊິງຕັນ ເມື່ອຕົ້ນອາທິດຜ່ານມາ ເຊິ່ງປະເດັນທີ່ຈະມີການປ່ຽນແປງລວມເຖິງການຮ່ວມມືດ້ານອຸດສາຫະກຳຍານຍົນ ທີ່ຈະມີການເພິ່ມມາດຕະການຄຸມຄອງລູກຈ້າງ ແລະ 75% ຂອງຊິ້ນສ່ວນຍານຍົນທີ່ຈຳໜ່າຍໃນກຸ່ມ ນາຟຕາ ຕ້ອງຜະລິດໃນປະເທດສະມາຊິກ ຈາກເດິມຢູ່ທີ່ 62,5% ແລະ ໃຫ້ມີການກວດກາລາຍລະອຽດຂອງ ນາຟຕາ ທຸກໆ 6 ປີ ເພື່ອໃຫ້ສອດຄ່ອງຕາມສະຖານະການໂລກ ໂດຍປະທະນາທິບໍດີເອັນຣິເກ ເປຢາ ເນຍໂຕ ຈະລົງນາມໃນ ນາຟຕາ 2,0 ກ່ອນໝົດວາລະຜູ້ນຳເມັກຊິໂກ ໃນວັນທີ 1 ທັນວາ ນີ້.

ในภาพอาจจะมี 1 คน

ຢ່າງໃດກໍ່ຕາມ ການຫາລືກັບການາດາ ພັດບໍ່ມີຄວາມຄືບໜ້າ ແລະ ຍັງບໍ່ທັນໄດ້ຂໍ້ສະຫຼຸບ ໂດຍສະເພາະປະເດັນພາສີການຜະລິດທີ່ການາດາເຮີຍກເກັບກັບອາເມຣິກາໃນອັດຕາສູງ 300% ແຕ່ ທ່ານ ໂຣເບີດ ໄລທິເຊີ ຜູ້ແທນດ້ານນະໂຍບາຍການຄ້າຂອງອາເມຣິກາ ແລະ ທ່ານ ນາງ ຄຣິວເທຍ ຟຣີແລຍ ລັດຖະມົນຕີກະຊວງການຕ່າງປະເທດການາດາ ຕົກລົງວ່າຈະກັບມາເຈລະຈາກັນອີກຄັ້ງໃນກາງອາທິດນີ້.

ນາຟຕາ ເປັນການຮ່ວມມືທາງເສດຖະກິດ ແລະ ການຄ້າ ເພື່ອສ້າງເຄືອຂ່າຍໃຫ້ເປັນຕະຫຼາດດຽວ ລະຫວ່າງ ອາເມຣິກາ ກັບ ການາດາ ແລະ ເມັກຊິໂກ ຕາມແນວຄິດຜູ້ລິເລິ່ມໂດຍ ລັດຖະບານອາເມຣິກາ ສະໄໝ ປະທະນາທິບໍດີໂຣນັລ ເຣແກນ ໂດຍມີການພົບປະຫາລືກັນຢ່າງຕໍ່ເນື່ອງ ລະຫວ່າງ ທັງສອງປະເທດ ຈົນປະສົບຜົນສຳເລັດ ແລະ ລົງນາມຮ່ວມກັນໃນສະໄໝ ປະທະນາທີບໍດີດິບິລ ຄລິນຕັນ ເຊິ່ງນາຟຕາ ມີຜົນບັງຄັບໃຊ້ຕັ້ງແຕ່ວັນທີ 1 ມັງກອນ 1994.

 

%d bloggers like this: