ອອກຈາກຢາເສບຕິດດ້ວຍຢາພື້ນເມືອງກາດອກບົວ

ຄວາມຄຶກຄະນອງຂອງໄວລຸ້ນທີ່ຮູ້ເທົ່າບໍ່ເຖິງການ ນໍາມາໃຫ້ເກີດຄວາມສ່ຽງຕໍ່ອະນາຄົດຂອງພວກເຂົາຍ້ອນຢາກຫຼິ້ນຢາກລອງ ມີຫຼາຍຄົນເຖິງກ້າວໄປສູ່ການຫຼົງໄຫຼໃນທາງທີ່ຜິດ ເຮັດໃຫ້ຄອບຄົວ ແລະ ສັງຄົມເດືອດຮ້ອນນໍາ; ພາຍຫຼັງທີ່ພໍ່ – ແມ່ຮູ້ເລື່ອງກໍ່ສຸດເສຍໃຈ ຈຶ່ງພະຍາຍາມຫາທາງອອກໃຫ້ລູກດ້ວຍຫຼາຍວິທີ ເຊິ່ງນີ້ກໍ່ເປັນອີກໜຶ່ງສະຖານທີ່ປິ່ນປົວຜູ້ຕິດສິ່ງເສບຕິດດ້ວຍສະໝູນໄພພື້ນເມືອງກາດອກບົວ ພຽງ 1 ອາທິດກໍ່ເຫັນຜົນ.

ในภาพอาจจะมี 1 คน, กำลังนั่ง

ທ່ານໝໍ ຫງວຽນຟົງຟູ ໄດ້ເວົ້າສູ່ຟັງວ່າ: ຢາກາດອກບົວນີ້ເຄີຍໃຊ້ເຫັນຜົນຢູ່ຫວຽດນາມມາກ່ອນແລ້ວ. ຫຼັງຈາກນັ້ນ, ໃນປີ 2014 ໄດ້ນໍາມາເຜີຍແຜ່ຢູ່ລາວດ້ວຍການເຄື່ອນໄຫວປິ່ນປົວແບບບໍ່ເສຍຄ່າຢູ່ຫຼາຍບ່ອນ, ປີ 2015 ໄດ້ສະເໜີຜ່ານກະຊວງສາທາລະນະສຸກ, 2016 ໄດ້ຮັບການຢັ້ງຢືນຄຸນນະພາບຈາກກົມອາຫານ ແລະ ຢາ ( ອຢ ) ພ້ອມເປີດສະຖານທີ່ໃຊ້ບໍລິການແບບເກັບຄ່າໃຊ້ຈ່າຍໃນວັນທີ 10 ສິງຫາ 2018; ຕັ້ງແຕ່ມື້ເປີດຮອດປັດຈຸບັນສາມາດປິ່ນປົວຄົນຕິດຢາເສບຕິດໄດ້ແລ້ວ 200 ກວ່າຄົນ.

ในภาพอาจจะมี 1 คน, สถานที่ในร่ม

ທ່ານໝໍ ຫງວຽນຟົງຟູ ໃຫ້ຮູ້ອີກວ່າ: ພາຍຫຼັງທີ່ເປີດບໍລິການໃນປີ 2016 ກໍ່ມີຫຼາຍຄອບຄົວໃນຂອບເຂດທົ່ວປະເທດມາຝາກລູກ – ຫຼານຂອງຕົນເພື່ອປິ່ນປົວ ເຊິ່ງທ່ານໝໍຈະເລືອກຮັບເອົາສະເພາະຜູ້ທີ່ມີຄວາມຕັດສິນໃຈຢາກເຊົາແທ້ໆ. ສໍາລັບວິທີການປິ່ນປົວແມ່ນຮົມຢາ – ດື່ມຢາພື້ນເມືອງຕາມໝໍສັ່ງ ແລະ ມີການຕິດຕາມອາການຂອງຄົນເຈັບທຸກໆມື້ ລວມທັງການບຳບັດທາງຈິດ ເຊັ່ນ: ເນັ້ນຮູບແບບການຂຽນຂໍ້ຄວາມທີ່ເປັນຄະຕິເຕືອນໃຈ, ຄວາມເປັນຕາຢ້ານຂອງຢາເສບຕິດ, ສະແດງຮູບພາບໃຫ້ເຫັນເຖິງຄວາມອັນຕະລາຍ ແລະ ວາງລະບຽບຢ່າງເຄັ່ງຄັດເພື່ອໃຫ້ປະຕິບັດ. ທີ່ສໍາຄັນການໄປພັກເຊົາເພື່ອປິ່ນປົວນັ້ນທ່ານເນັ້ນໃຫ້ທຸກຄົນຮູ້ສຶກເໝືອນກັບຢູ່ເຮືອນຕົນເອງແບບສະບາຍ ພຽງແຕ່ໃຫ້ອອກເຄື່ອນໄຫວທາງນອກເທົ່ານັ້ນ.

ດ້ານສັບພະຄຸນຂອງຢາພື້ນເມືອງກາດອກບົວ ສາມາດເຮັດໃຫ້ຄົນທີ່ບໍລິໂພກເຊົາຕ້ອງການຢາເສບຕິດພາຍໃນ 5 – 7 ມື້ ແລະ ກ້າວໄປສູ່ການມີສຸຂະພາບແຂງແຮງ; ສ່ວນຜູ້ທີ່ມີອາການຂ້ອນຂ້າງຮຸນແຮງ ກໍ່ຈະໃຊ້ເວລາບໍ່ເກີນ 1 ເດືອນ ຂໍພຽງແຕ່ຕັ້ງໃຈຢາກເຊົາແທ້.

+ ສໍາລັບຜູ້ທີ່ມີອາການຂັ້ນຮຸນແຮງທ່ານມີວິທີຮັບມືຄືແນວໃດ?

ທ່ານໝໍຕອບວ່າ: ບໍ່ຄ່ອຍມີບັນຫາຫຍັງເພາະໄດ້ຮ່ວມມືກັບອໍານາດການປົກຄອງບ້ານ ແລະ ມີຜູ້ຊ່ວຍວຽກນໍາອີກຫຼາຍຄົນ.

ປັດຈຸບັນ ທ່ານໝໍ ຟົງຟູ ຕັ້ງຫຼັກປັກຖານຢູ່ລາວ, ມີພັນລະຍາ ແລະ ລູກຮັກຄອຍເປັນກໍາລັງໃຈສະເໝີ ເຊິ່ງທ່ານກໍ່ບໍ່ເຄີຍລົດລະ ຄວາມຕັ້ງໃຈໃນການຊ່ວຍເຫຼືອສັງຄົມຕະຫຼອດມາ.

ໃຜທີ່ມີລູກຫຼານຫຼົງຜິດຕິດສິ່ງເສບຕິດຕ່າງໆກໍ່ສາມາດພົວພັນ ຫຼື ປຶກສາໄດ້ ເຊິ່ງທ່ານໝໍ ຫງວຽນຟົງຟູ ພ້ອມທີ່ຈະໃຫ້ຄໍາປຶກສາ ແລະ ຍິນດີກວດສຸຂະພາບໃຫ້ຄົນຕິດຢາແບບບໍ່ເສຍຄ່າ.

ในภาพอาจจะมี 5 คน, คนที่ยิ้ม, ผู้คนกำลังยืน

ພິເສດ: ຜູ້ທີ່ເຊົາຈາກສິ່ງເສບຕິດ ຫຼື ປິ່ນປົວດີແລ້ວທ່ານໝໍຍັງຍິນດີຮັບເຮັດວຽກນໍາໂດຍມີການເຊັນສັນຍານໍາກັນຄັກແນ່ເພື່ອໃຫ້ເຂົາເຈົ້າມີວຽກເຮັດ ແລະ ມີລາຍຮັບ ເຊິ່ງທ່ານມີກິດຈະການດ້ານຫັດຖະກໍາ ແລະ ກະສິກໍາທີ່ເຮັດມາຫຼາຍປີແລ້ວ.

ຮ້ານຂາຍຢາພື້ນເມືອງກາດອກບົວ ເປີດບໍລິການທຸກໆວັນ ເລີ່ມແຕ່ 7:00 – 19:00 ໂມງ ສະຖານທີ່ຕັ້ງຢູ່ບ້ານໄຜ່ລ້ອມ ເມືອງໄຊທານີ ນະຄອນຫຼວງວຽງຈັນ ໂທ: 030 9898668; 020 56555379.

ไม่มีข้อความกำกับภาพอัตโนมัติ

%d bloggers like this: