ບາເຊໂລນາ ປະກາດ 4 ຫົວໜ້າທີມແທນ ອິເນສຕາ ເປັນທາງການ

ບາເຊໂລນາ ປະກາດແຕ່ຕັ້ງ 4 ຫົວໜ້າທີມຄົນໃໝ່ໃນລະດູການໜ້າແລ້ວ ຫຼັງຈາກ ອັນເດຣສ ອິນເນສຕ້າ ເຈົ້າຂອງປອກແຂນຄົນເກົ່າຍ້າຍໄປຮ່ວມທີມ ວິລເຊລ ໂກເບ ຂອງ ຍີ່ປຸ່ນ.

ບາເຊໂລນາ ແຊັມເກົ່າລາລີກາ ຂອງແອັສປາຍ ລະດູການຫຼ້າສຸດ ປະກາດຢືນຢັນ ໃນວັນສຸກ ທີ 10 ສິງຫາ ວ່າໄດ້ແຕ່ງຕັ້ງ ລີໂອເນລ ເມສຊີ, ເຊຄິໂອ ບູສເກສ, ເຄຣາດ ປີເກ ແລະ ເຊີຈີ ໂຣແບໂຕ້ ຈະເປັນ 4 ຫົວໜ້າທີມ ໃນລະດູການ 2018-2019 ໂດຍທັງໝົດແມ່ນກ້າວຂຶ້ນມາຈາກສູນຝຶກເຍົາວະຊົນ ລາ ມາເຊຍ ຂອງສະໂມສອນ.

ເມສຊີ ຈະເປັນຫົວໜ້າທີມອັບດັບ 1 ຫຼັງຈາກ ອັນເດຣສ ອິເນສຕ້າ ຫົວໜ້າທີມຄົນເກົ່າ ຍ້າຍໄປຮ່ວມທີມ ວິສເຊລ ໂກເບ ສະໂມສອນຈາກ ເຈລີ ປະເທດຍີ່ປຸ່ນ ໂດຍດາວຍິງທີມຊາດອັກຊັງຕິນ ຮັບໜ້າທີ່ຮອງຫົວໜ້າທີມຕັ້ງແຕ່ປີ 2015.

ຂະນະທີ່ ບູສເກສ ຈະເປັນຮອງຫົວໜ້າທີມ ສ່ວນປີເກ ເປັນຫົວໜ້າທີມອັນດັບ3 ແລະ ໂຣແບໂຕ້ ເປັນຫົວໜ້າທີມອັນດັບ 4.

ຮູບຈາກ: https://www.fcbarcelona.com

%d bloggers like this: