ຢາກໃຫ້ລູກໃນທ້ອງເກີດມາມີຜິວພັນດີ, ຜົມດົກຄິ້ວໜາ ແມ່ຖືພາຄວນກິນອາຫານປະເພດໃດແນ່

ອາຫານຖືເປັນເລື່ອງສຳຄັນສຳລັບແມ່ຖືພາເປັນຢ່າງຍິ່ງ ເນື່ອງຈາກວ່າແມ່ຖືພາຄວນໄດ້ຮັບສານອາຫານທີ່ເປັນປະໂຫຍດ ແລະ ພຽງພໍຕໍ່ຄວາມຕ້ອງການຂອງຮ່າງກາຍ, ແຕ່ການທີ່ຈະເຮັດໃຫ້ລູກນ້ອຍເກີດອອກມາມີຜິວພັນທີ່ດີ, ຜົມດົກ, ຄິ້ວໜາ ແມ່ຄວນກິນອາຫານປະເພດໃດ.

 

 

ສະນັ້ນ, ເຮົາມາເບິ່ງນໍາກັນເລີຍວ່າ ອາຫານປະເພດໃດແນ່ ທີ່ແມ່ຖືພາຄວນຮັບປະທານ ເພື່ອເຮັດໃຫ້ລູກນ້ອຍເກີດມາມີຜິວພັນທີ່ດີມາເບິ່ງນຳກັນເລີຍ.

  1. ນ້ຳອັນຊັນ: ໃນດອກອັນຊັນຈະມີສານແອນໂທໄຊຍານີນ ທີ່ຊ່ວຍກະຕຸ້ນການໄຫຼວຽນຂອງເລືອດ ເຮັດໃຫ້ເລືອດໄປລ້ຽງສ່ວນຕ່າງໆໄດ້ດີ ໂດຍສະເພາະບໍລິເວນຮາກຜົມ ຈຶ່ງມີສ່ວນຊ່ວຍເຮັດໃຫ້ເສັ້ນຜົມເງົາງາມ ແລະ ເຮັດໃຫ້ຄິ້ວດົກອີກດ້ວຍ.

 

 

  1. ງາດຳ: ໃນງາມີທາດຊີລີນຽມ ແລະ ແຄລຊຽມເປັນຈຳນວນຫຼາຍ ໂດຍສະເພາະງາດຳ ເນື່ອງງາມີນ້ຳມັນຊະນິດໜຶ່ງທີ່ສາມາດເຮັດໃຫ້ຜົມດົກໄດ້ ແລະ ນອກຈາກນັ້ນ, ຍັງມີສັບພະຄຸນຊ່ວຍບຳລູງກະດູກຂອງລູກນ້ອຍໄດ້.

 

 

  1. ທັນຍາພືດ: ແມ່ຖືພາຄວນກິນທັນຍາພືດເຊັ່ນ: ເຂົ້າກ້ອງ, ໝາກເດືອຍ, ຖົ່ວຊະນິດຕ່າງໆ, ນ້ຳເຕົ້າຮູ້, ນົມຖົ່ວເຫຼືອງ ເຊິ່ງທັນຍາພືດຊະນິດນີ້ ອຸດົມໄປດ້ວຍໂປຣຕີນ ແລະ ວິຕາມມິນ ຈະຊ່ວຍເຮັດໃຫ້ຜິວພັນມີສຸຂະພາບດີ ສະຫວ່າງສົດໃສ.

 

 

  1. ຜັກ ແລະ ໝາກໄມ້: ແມ່ຖືພາຄວນກິນຜັກ ແລະ ໝາກໄມ້ ທີ່ມີສ່ວນໃນການບຳລູງຜິວພັນເຊັ່ນ: ໝາກອື, ແຄລ໊ອດ, ໝາກເລັ່ນ, ໝາກຮຸ່ງສຸກ, ອາງຸ່ນ ແລະ ໝາກພິລາ ຄວນກິນສະຫຼັບກັນໄປ ເພື່ອຄວາມສົມດຸນ ແລະ ປະໂຫຍດທີ່ຫຼາກຫຼາຍ.

 

 

  1. ຮັບປະທານອາຫານປະເພດປາ: ໃນເນື້ອປາປະກອບມີ ໂອເມກ້າ 3 ແລະ ໂອເມກ້າ 6 ນອກຈາກຈະຊ່ວຍບຳລູງສະໝອງ ແລະ ພັດທະນາລູກນ້ອຍໃນທ້ອງໄດ້ ແລ້ວຍັງສາມາດຊ່ວຍປົກປ້ອງ ແລະ ຊ້ອມແຊ້ມເຊວຜິວ. ສະນັ້ນ, ແມ່ຖືພາຄວນຮັບປະທານເມນູປາຫຼາຍໆ ເປັນແມ່ນປາທະເລ.

 

 

  1. ດື່ມນ້ຳຫຼາຍໆ: ການດື່ມນ້ຳຫຼາຍໆຈະຊ່ວຍບຳລູງຜິວພັນໃຫ້ຊຸ່ມຊື່ນ ແລະ ຍັງຊ່ວຍຂັບສານພິດອອກຈາກຮ່າງກາຍ ເຮັດໃຫ້ຜິວພັນກະຈ່າງໃສທັງແມ່ ແລະ ລູກນ້ອຍ.

 

ຈາກ: th.theasianparent.com

%d bloggers like this: