ໂກລແພງທີ່ສຸດໃນໂລກຄົນໃໝ່! ບິລບາວ ຕົກລົງຂາຍ ເກປາ ໃຫ້ເຊລຊີ

ແອັດເລຕິກ ບິລບາວ ຕອບຕົກລົງ ເຊລຊີ ຍອມຈ່າຍຄ່າຈີກສັນຍາ ມູນຄ່າ 71 ລ້ານປອນ ຄວ້າຕົວ ເກປາ ອາຣີຊາບາລາກ້າ ພ້ອມກາຍເປັນຜູ້ຮັກສາປະຕູແພງທີ່ສຸດໃນໂລກທັນທີ.
ບິລບາວ ສະໂມສອນຈາກເວທີ ລາລີກາ ແອັສປາຍ ປະກາດຢືນຢັນຢ່າງເປັນທາງການ ໃນວັນພຸດ ທີ 8 ສິງຫາ ວ່າ ເຊລຊີ ຍອມຈ່າຍຄ່າຈີກສັນຍາເພື່ອດຶງ ເກປາ ອາຣີຊາບາລາກ້າ ຜູ້ຮັກສາປະຕູທີມຊາດແອັສປາຍ ໄປເສີມທີມ ເປັນທີ່ຮຽບຮ້ອຍ.
ເຊລຊີ ຍອມຈ່າຍຄ່າຈີກສັນຍາຂອງຜູ້ຮັກສາປະຕູ ບິວບາວ ອາຍຸ 23 ປີ ທີ່ຕັ້ງໄວ້ 71 ລ້ານປອນ ສະນັ້ນ ຖ້າກາຍຍ້າຍທີມເກີດຂຶ້ນຈິງ ເກປາ ຈະກາຍເປັນຜູ້ຮັກສາປະຕູແພງທີ່ສຸດໃນໂລກ ແທນທີ່ຂອງ ອາລີຂອນ ເບັກເກີ ທີ່ຍ້າຍຈາກ ໂຣມາ ໄປຢູ່ກັບ ລີເວີພູລ ດ້ວຍຄ່າຕົວ 66,8 ລ້ານປອນ ໃນເດືອນກໍລະກົດຜ່ານມາ.
ເກປາ ຜູ້ຮັກສາປະຕູມືສອງ ທີມຊາດແອັສປາຍ ລົງສະໜາມໃຫ້ ບິວບາວ ເມື່ອປີ 2016 ກ່ອນຈະສ້າງຜົນງານໄດ້ຢ່າງໂດດເດັ່ນ ຈົນໄດ້ຮັບການຍ້ອງຍໍວ່າເປນຜູ້ຮັກສາປະຕູທີ່ຈະພັດທະນາຂຶ້ນໄປໄກໃນອານາຄົດ ພ້ອມຍັງມີຊື່ຕິດທີມຊາດແອັສປາຍ ໄປແຂ່ງຂັນບານໂລກ 2018 ທີ່ປະເທດຣັສເຊຍດ້ວຍ.

%d bloggers like this: