ຫົວເຫວຍ ແຊງ ແອັບເປິລ ຂຶ້ນເບີ 2 ຕະຫຼາດສະມາດໂຟນໂລກ

ຫົວເຫວຍ ຜູ້ຜະລິດສະມາດໂຟນຈີນ ກ້າວຂຶ້ນອັນດັບ 2 ຕະຫຼາດສະມາດໂຟນໂລກ ເມື່ອຍອດຂາຍແຊງໜ້າ ແອັບເປິລ.

ບໍລິສັດວິໄຈດ້ານການຕະຫຼາດ ອິນເຕີເນຊັ່ນແນລ ດາຕ້າ ຄອບປໍເລຊັ່ນ (IDC: International Data Corporation) ເຜີຍແຜ່ຂໍ້ມູນຫຼ້າສຸດ ລະບຸວ່າ ຫົວເຫວຍ ຜູ້ຜະລິດສະມາດໂຟນລາຍໃຫຍ່ຂອງຈີນ ໄຕ່ອັນດັບຂຶ້ນເປັນອັນດັບ 2 ໃນຕະຫຼາດສະມາດໂຟນໂລກ ເມື່ອປຽບທຽບຍອດຂາຍ ໄລຍະໄຕມາດ 2 ຂອງປີນີ້.

ຫົວເຫວຍ ແຊງໜ້າ ແອັບເປິລ ເຈົ້າຂອງ ໄອໂຟນ ຖືວ່າເປັນຄັ້ງທຳອິດ ຕັ້ງແຕ່ປີ 2010 ທີ່ແອັບເປິລ ບໍ່ຕິດ ອັນດັບ 1 ແລະ 2 ຂະນະທີ່ ອັນດັບ 1 ຍັງເປັນຂອງຊຳຊຸງ.

ລາຍງານຂອງ IDC ລະບຸວ່າ ຊຳຊຸງ ມີຍອດຂາຍລວມທັງໝົດ 71,5 ລ້ານໜ່ວຍ ຫຼຸດລົງ 10,4% ເມື່ອທຽບກັບໄຕມາດດຽວກັນຂອງປີກ່ອນ ສ່ວນຫົວເຫວຍ ມີຍອດຂາຍ 54,2 ລ້ານໜ່ວຍ ເພິ່ມຂຶ້ນ 40,9% ແລະ ແອັບເປິລ ມີຍອດຂາຍ 41,3 ລ້ານໜ່ວຍ ເພິ່ມຂຶ້ນ 0,7% ສ່ວນຍອດຂາຍສະມາດໂຟນລວມທັງໝົດໃນໄຕມາດຫຼ້າສຸດແມ່ນ 342 ລ້ານໜ່ວຍ.

ในภาพอาจจะมี 1 คน, โทรศัพท์

ທ່ານ ໄຣອັນ ຣິດ ຮອງປະທານໂຄງການຈັດລາຍງານຂອງ IDC ເຫັນວ່າ ການເຕີບໂຕຢ່າງຕໍ່ເນື່ອງຂອງຫົວເຫວຍ ເປັນເລື່ອງທີ່ໜ້າປະທັບໃຈ ແລະ ສາມາດກ້າວເຂົ້າມາໃນຕະຫຼາດທັ້ງທີ່ ແບຣນ ຍັງບໍ່ໄດ້ເປັນທີ່ຮູ້ຈັກເປັນວົງກວ້າງ.

ຊຳຊຸງ ແລະ ຫົວເຫວຍ ຈຳໜ່າຍສະມາດໂຟນຫຼາກຫຼາຍລຸ້ນ ແລະ ເປີດຕົວໂທລະສັບມືຖືລູ້ນໃໝ່ໆອອກມາຕະຫຼອດ ແຕ່ແອັບເປິລ ຄວາມຫຼາກຫຼາຍຂອງຜະລິດຕະພັນມີໜ້ອຍກວ່າ ແລະ ມັກຈະເປີດຕົວຜະລິດຕະພັນໃໝ່ໃນເດືອນກັນຍາ ເຊິ່ງມັກມີຍອດສັ່ງຈຳນວນຫຼາຍ ນັ້ນໝາຍຄວາມວ່າ ຫົວເຫວຍ ອາດຈະຖືກແອັບເປິລ ແຊງກັບຂຶ້ນມາຄືນໃນໄຕມາດຕໍ່ໆໄປ.

ในภาพอาจจะมี โทรศัพท์

ເຖິງວ່າຍອດຂາຍໄອໂຟນ ໃນໄຕມາດຫຼ້າສຸດ ຈະບໍ່ຄຶກຄື້ນ ແຕ່ວ່າ ໄອໂຟນ x ທີ່ມີລາຄາແພງໄດ້ດັນໃຫ້ຜົນປະກອບການ ໄຕມາດ 3 ລະຫວ່າງ ເດືອນເມສາ-ເດືອນມິຖຸນາ ຍັງເຕີບໂຕຕໍ່ເນື່ອງ ໂດຍລາຍໄດ້ຂອງແອັບເປິລເພິ່ມຂຶ້ນ 17% ຢູ່ທີ່ 53.270 ລ້ານດອລລາ. ສ່ວນກຳໄລ ຕົກຢູ່ 11.500 ລ້ານດອລລາ ເພິ່ມຂຶ້ນ 32% ຈາກໄລຍະດຽວກັນຂອງປີກ່ອນ.

ຢ່າງໃດກໍ່ຕາມ ການມີຍອດຂາຍລວມທີ່ສູງຂຶ້ນຂອງຫົວເຫວຍ ເຮັດໃຫ້ມີສັດສ່ວນຕະຫຼາດສະມາດໂຟນໂລກ ຢູ່ທີ່ 15.8% ຂະນະທີ່ຊຳຊຸງ ຄອງຕະຫຼາດ 20,9% ແລະ ແອັບເປິລ 12.1%.

%d bloggers like this: