ອິນໂດເນເຊຍ ຝຶກຊ້ອມຮັບມືປ້ອງກັນຄວາມບໍ່ສະຫງົບ ກ່ອນເປີດ ອາຊຽນ ເກມ

ປະເທດອິນໂດເນເຊຍ ຝຶກຊ້ອມຮັບມືເມື່ອເກີດເຫດການກໍ່ການຮ້າຍກ່ອນເປີດການແຂ່ງຂັນ ອາຊຽນ ເກມ ດ້ານກະຊວງທ່ອງທ່ຽວຄາດມີນັກທ່ອງທ່ຽວຕ່າງຊາດເດີນທາງເຂົ້າມາໄລຍະນີ້ 170.000 ຄົນ.

ในภาพอาจจะมี 1 คน, กำลังยืน และสถานที่กลางแจ้ง

ວັນທີ 1 ສິງຫາ 2018 ທາງການອິນໂດເນເຊຍ ໄດ້ຈັດການຝຶກຊ້ອມເພື່ອຮັບມືກັບເຫດການກໍ່ການຮ້າຍກ່ອນທີ່ຈະເປີດການແຂ່ງຂັນ ອາຊຽນ ເກມ ຢ່າງເປັນທາງການ ໃນກາງເດືອນນີ້ ໂດຍຈຳລອງເຫດການຂວ່າງລະເບີດໜ້າທາງເຂົ້າໂຮງແຮມໃນນະຄອນຈາກາຕາ ການຈັບຕົວປະກັນພ້ອມກັບຍິງປະທະລະຫວ່າງ ເຈົ້າໜ້າທີ່ ກັບ ຜູ້ກໍ່ເຫດ.

ในภาพอาจจะมี หนึ่งคนขึ้นไป และสถานที่กลางแจ้ง

ຫຼາຍຝ່າຍກັງວົນເຖິງການຮັກສາຄວາມປອດໄພໃນອິນໂດເນເຊຍ ເຊິ່ງພົບກັບເຫດໂຈມຕີຈາກກຸ່ມຕິດອາວຸດຫຼາຍຄັ້ງກ່ອນໜ້ານີ້ ທາງການຈຶ່ງໄດ້ກຳໜົດຈັດການຝຶກຊ້ອມຮັບມືເຫດກໍ່ການຮ້າຍຢ່າງໜ້ອຍ 2 ຄັ້ງ ເພື່ອໃຫ້ໝັ້ນໃຈວ່າ ກອງກຳລັງພິເສດສາມາດຮັບມືກັບໄພຄຸກຄາມດ້ານຄວາມໝັ້ນຄົງ ທີ່ບໍ່ຄາດຄິດໃນລະຫວ່າງທີ່ອິນໂດເປັນເຈົ້າພາບມະຫະກຳກີລາອາຊຽນ ເກມ 2018.

ในภาพอาจจะมี 1 คน

ກອງທັບອິນໂດເນເຊຍ ເປີດເຜີຍສະຖານທີ່ ທີ່ອາດຈະຜະເຊີນກັບໄພຄຸກຄາມ ເຊິ່ງລວມເຖິງພື້ນທີ່ຂອບເຂດສະໜາມກີລາຫຼັກ ເກ-ລໍ-ຣາ ບັງກາໂນ ສະເຕດ້ຽມ ແລະ ບ້ານພັກນັກກີລາ

ກີລາອາຊຽນ ເກມ ຈະຈັດຂຶ້ນລະຫວ່າງ ວັນທີ 18 ສິງຫາ – 2 ກັນຍາ ໂດຍຄາດການວ່າຈະມີນັກກີລາ ແລະ ນັກທ່ອງທ່ຽວ ເຂົ້າຮ່ວມເກືອບ 170.000 ຄົນ ແລະ ຜູ້ຊົມອີກກວ່າ 1 ແສນຄົນ. ຂະນະທີ່ ທາງການຈັດກໍາລັງຕໍາຫຼວດ ແລະ ທະຫານຫຼາຍໝື່ນຄົນມາປ້ອງກັນລະຫວ່າງການແຂ່ງຂັນ ທັງໃນນະຄອນຈາກາຕາ ແລະ ເມືອງປາເລມບັງ ເຊິ່ງໃຊ້ເປັນສະຖານທີ່ຈັດການແຂ່ງຂັນ.

ในภาพอาจจะมี ท้องฟ้า

ສື່ທ້ອງຖິ່ນ ລາຍງານວ່າ ທ່ານອາຣີພ ຢາຢາ (Arief Yahya) ລັດຖະມົນຕີທ່ອງທ່ຽວອິນໂດເນເຊຍ ຕັ້ງເປົ້າວ່າ ຈະມີນັກທ່ອງທ່ຽວຕ່າງປະເທດ ປະມານ 170.000 ຄົນ ເດີນທາງໄປທ່ອງທ່ຽວອິນໂດເນເຊຍ ໃນໄລຍະການແຂ່ງຂັນອາຊຽນ ເກມ ພ້ອມກັບຕຽມມາດຕະການກະຕຸ້ນການທ່ອງທ່ຽວ ເຊັ່ນ: ການຫຼຸດລາຄາສິນຄ້າ ທີ່ຈະຈັດຂຶ້ນໃນວັນທີ 8 ສິງຫາ.

%d bloggers like this: