ຄວມຄຸມນ້ຳໜັກດ້ວຍສະຫຼັດນ້ຳໃສ ລອງເຮັດເບິ່ງເດີສາວໆ

ສຳລັບ ວັນພັກຜ່ອນບວກກັບບັນຍາກາດຝົນຕົກລິນແບບນີ້,  ເຮົາລອງມາເຮັດອາຫານເປັນການຜ່ອນຄາຍດີກວ່າສາວໆ ມື້ນີ້, ແອັດມິນຈະມານຳສະເໜີລາຍການອາຫານເບົາໆທີ່ດີຕໍ່ສຸຂະພາບ ແລະ ເປັນເມນູສຳລັບສາວຕ້ອງການຫຼຸດນ້ຳໜັກອີກດ້ວຍ. ນອກຈາກ, ຈະເປັນອາຫານທີ່ເຮັດງ່າຍແລ້ວ ຍັງມີຄຸນປະໂຫຍດທີ່ໄດ້ຈາກໄຍອາຫານນຳອີກ ເຊິ່ງເຮັດໃຫ້ຮ່າງກາຍໄດ້ຮັບສານອາຫານຄົບຖ້ວນ.

 

 

ສ່ວນປະສົມ:

  • ສະຫຼັດ 5 ຂີດ.
  • ໝາກເຫຼ່ນ 2 ໜ່ວຍ.
  • ໝາກແຕງ 2 ໜ່ວຍ.
  • ຫົວກາຣົດ 1 ຫົວ.
  • ຫົວຜັກບົ່ວໃຫ່ຍ 1 ຫົວ.
  • ຜັກເຊີເນຣີ 2 ຕົ້ນ.
  • ຫົວຜັກບົ່ວໃບ 3 ຕົ້ນ.

 

 

ສ່ວນປະສົມນ້ຳສະຫຼັດ.

  • ມາດສຕາດ (mustard) 2 ບ່ວງແກງ.
  • ນ້ຳສົ້ມສາຍຊູ 6 ບ່ວງແກງ.
  • ນ້ຳຕານ 1/2 ບ່ວງກາເຟ.
  • ເກືອ 1 ບ່ວງກາເຟ.
  • ຫົວຜັກບົ່ວແດງສັບ 1 ບ່ວງກາເຟ.
  • ນ້ຳມັນໝາກກອກ 1/2 ຖ້ວຍ.
  • ພິກໄທ 1/2 ບ່ວງກາເຟ.
  • ນ້ຳໝາກນາວ 1-2 ບ່ວງແກງ.

 

 

ວິທີປຸງແຕ່ງ.

  • ກຽມລ້າງຜັກຕ່າງໆແລ້ວປະໄວ້ໃຫ້ສະເດັດນ້ຳຈຶ່ງນຳມາຊອຍເປັນຕ່ອນເຮັດລະຫຼັດທົ່ວໆໄປ. ຈາກນັ້ນ, ກໍ່ກຽມເຮັດນ້ຳສະຫຼັດໂດຍເອົາສ່ວນປະກອບຂອງນ້ຳສະຫຼັດມາປະສົມໃຫ້ເຂົ້າກັນ ແລະ ເອົາຜັກທັງໝົດລົງໃສ່ຊາມແລ້ວລາດນ້ຳສະຫຼັດລົງໄປຄົນຄ່ອຍໆໃຫ້ເຂົ້າກັນຕັກໃສ່ຈານພ້ອມເສີບ (ຖ້າຢາກຈະໃສ່ໝາກໄມ້, ກຸ້ງ, ໄຂ່ຕົ້ມເພີ່ມກໍ່ໄດ້).

 

%d bloggers like this: