ຢູທູບ ເພີ່ມຟີເຈີແຮັດແທັກເບິ່ງວິດີໂອທີ່ມັກໄດ້ສະດວກຂຶ້ນ

ຫຼັງຈາກທີ່ YouTube ມີຟີເຈີທີ່ບໍ່ລະບຸຕົວຕົນໃນ ແອນດຣອຍ ໄປແລ້ວ, ຫຼ້າສຸດກໍ່ມີຟີເຈີທີ່ເພີ່ມຄວາມສະດວກສະບາຍແກ່ການຄົ້ນຫາໝວດໝູ່ວິດີໂອ ນັ້ນກໍ່ຄືຟີເຈີແຮັດແທັກ ທີ່ສາມາດກົດຄົ້ນຫາວິດີໂອທີ່ຕົນເອງມັກໄດ້ແບບສະດວກຍິ່ງຂຶ້ນ.

ແຮັດແທັກ ເປັນອີກແອັບພລິເຄຊັນໜຶ່ງທີ່ຊ່ວຍໃຫ້ເຮົາສາມາດຄົ້ນຫາວິດີໂອທີ່ນິຍົມ ຫຼື ທີ່ເຮົາມັກໄດ້ງ່າຍຂຶ້ນ ໂດຍແຮັດແທັກຈະປະກົດເປັນແຖບສີຟ້າຢູ່ລຸ່ມວິດີໂອ, ຜູ້ໃຊ້ງານສາມາດກົດເພື່ອເປີດໜ້າຕ່າງສຳລັບຄຳຄົ້ນຫານັ້ນ ໂດຍຊື່ຈະຂຶ້ນມາຢ່າງໜ້ອຍ 3 ແຮັດແທັກ ແລະ ຍັງມີກົດອື່ນໆເວລາທີ່ຕັ້ງແຮັດແທັກ ເຊັ່ນ: ບໍ່ຄວນຍະຫວ່າງລະຫວ່າງຄຳ ແລະ ບໍ່ຄວນຕັ້ງຄຳໃນແຮັດແທັກຫຼາຍກວ່າ 15 ຄຳ ເພາະອາດຈະເຮັດໃຫ້ Google ຄົ້ນຫາບໍ່ໄດ້.
ນອກຈາກນີ້, ຍັງມີນະໂຍບາຍການຄວບຄຸມແຮັດແທັກໃຫ້ຢູ່ໃນເນື້ອຫາທີ່ບໍ່ລ່ວງລະເມີດ ແລະ ນຳໄປສູ່ຄວາມກຽດຊັງອີກດ້ວຍ ແລະ ຟີເຈີນີ້ໃຊ້ງານ ໄດ້ແລ້ວໃນຮູບແບບຫຼ້າສຸດຂອງ YouTube ໃນ ແອນດຣອຍ ລວມເຖິງໃນໂປຣແກຣມ Google Chrome, ສ່ວນທາງດ້ານຂອງ iOS ຕ້ອງລໍໄປກ່ອນ.

%d bloggers like this: