ບໍລິສັດ ໂອໂຕ ລາວ ນຳສະເໜີລົດເບັນ The New CLS – Class ໃໝ່ ຕອບຮັບຄວາມຫຼູຫຼາໜ້າຫຼົງໄຫຼ

ບໍລິສັດ ໂອໂຕ ລາວ ຈໍາກັດຜູ້ດຽວ ໄດ້ນໍາສະເໜີ ເມີເຊເດສ ເບັນ The New CLS – Class ເຊິ່ງເປັນລົດທີ່ຫາກໍ່ນໍາເຂົ້າມາໃໝ່ຫຼ້າສຸດ ລຸ້ນ CLS 450, ຈັກ 3.000 CC, 6 ສູບ, 367 ແຮງມ້າ, ເປັນຈັກແອັດຊັງ ອັດຕາໃຊ້ນໍ້າມັນ ສະເລ່ຍ 7,81/100 km ຫຼື 12,82 km ຕໍ່ລິດ.

ເຄື່ອງຈັກຂອງ CLS ລຸ້ນໃໝ່ນີ້ ເປັນລຸ້ນທີ 3 ເຊິ່ງນໍາໃຊ້ລະບົບ EQ BOOST ຊ່ວຍໃຫ້ການອອກໂຕໄດ້ໄວຂຶ້ນ ດ້ວຍພະລັງງານໄຟຟ້າທີ່ມາເສີມກັບແຮງຈັກ ເຮັດໃຫ້ເພີ່ມຄວາມໄວ ແລະ ຫຼຸດອັດຕາສິ້ນເປືອງຂອງນໍ້າມັນ ເຊິ່ງພັດທະນາ ແລະ ຖອດແບບມາຈາກລົດແຂ່ງ F1 M – B.

ในภาพอาจจะมี รถยนต์

ສ່ວນຮູບຊົງໃໝ່ຂອງ The New CLS – Class ຖືໄດ້ວ່າມີການປ່ຽນແປງຮູບແບບໃໝ່ເກືອບໝົດທຸກຢ່າງ ບໍ່ວ່າຈະເປັນທາງດ້ານໜ້າ, ດ້ານຫຼັງ, ດ້ານຂ້າງ ລວມທັງພາຍໃນທີ່ມີການອອກແບບຢ່າງທັນສະໄໝ, ລະບົບໄຟສາມາດປັບໄດ້ຫຼາຍກວ່າ 60 ສີແສງ.

ທ່ານ ອະໂນລັກ ທໍາມະວົງ ອໍານວຍການຝ່າຍຂາຍ ບໍລິສັດ ໂອໂຕ ລາວ ເປີດເຜີຍວ່າ: The New CLS – Class ຖືໄດ້ວ່າມີການປ່ຽນແປງໃໝ່ເກືອບໝົດທຸກຢ່າງ ໂດຍສະເພາະດ້ານໜ້າຂອງລົດມີການປ່ຽນແປງໃໝ່ ເຊັ່ນ: ຕາໄຟມີການອອກແບບໃຫ້ມີຄວາມເປັນ Sport ຫຼາຍຂຶ້ນ ແລະ ດ້ານໜ້າມີການອອກແບບທີ່ມີ ຄວາມສວຍງາມ, ໂລໂກ້ ເບັນ ໃຫ້ມີຄວາມໂດດເດັ່ນ, ທໍ່ອາກາດດ້ານໜ້າກໍ່ໄດ້ເພີ່ມ 2 ຂີດເຂົ້າມາ ເຮັດໃຫ້ລົດມີຄວາມ Sport ຍິ່ງຂຶ້ນ.

ในภาพอาจจะมี รถยนต์

■  The New CLS – Class ຍັງມາພ້ອມຊຸດແຕ່ງຂອງ AMG ໝົດທັງຄັນ ເຮັດໃຫ້ມີຮູບຊົງສວຍງາມໂດດເດັ່ນໃນຮູບແບບລົດຫຼູ.

■  ສໍາລັບດ້ານຂ້າງຂອງ The New CLS – Class ກໍ່ຈະສັງເກດເຫັນເສັ້ນສາຍ ແລະ ລວດລາຍຍາວຕັ້ງແຕ່ໜ້າລົດຈົນເຖິງທ້າຍລົດ ເຊິ່ງຈະໃຫ້ລົດມີຄວາມໂດດເດັ່ນ ແລະ Sport ຂຶ້ນ ພ້ອມທັງລະບົບປະຕູດູດແບບອັດຕະໂນມັດ ແລະ ຍັງມີລະບົບ ຄີເລດໂກ ໃນການລັອກລົດ ແລະ ເປີດລົດດ້ວຍການເຊັນເຊີ ບ່ອນຈັບປະຕູລົດກໍ່ຈະລັອກໃຫ້ແບບອັດຕະໂນມັດ, ມາພ້ອມລໍ້ແມັກ AMG ລາຍ 5 ກ້ານ ໃນຂອບຢາງ 19.

ในภาพอาจจะมี รถยนต์

■  ສ່ວນດ້ານຫຼັງຂອງລົດລຸ້ນນີ້ກໍ່ມີການປ່ຽນແປງໃໝ່ ບໍ່ວ່າຈະເປັນທາງດ້ານຕາໄຟທ້າຍທີ່ອອກແບບໃຫ້ມີຄວາມທັນສະໄໝ ໂດຍສະເພາະການເພີ່ມໄຟສະທ້ອນ ແລະ ທໍ່ໄອເສຍ 2 ທໍ່ ກໍ່ເປັນຊຸດແຕ່ງຂອງ AMG ອີກ.

■  ທາງດ້ານໃນຂອງລົດມາພ້ອມສີແດງຕັດດໍາ, ມີ 5 ບ່ອນນັ່ງ, ສິ່ງທີ່ໂດດເດັ່ນເຫັນໄດ້ແຈ່ມແຈ້ງກໍ່ຄືທາງດ້ານໜ້າຈໍຈະມີຂະໜາດໃຫຍ່ ແລະ ກວ້າງກວ່າເກົ່າ ເຊິ່ງຈະເຮັດໃຫ້ລົດມີຄວາມສວຍງາມ ແລະ ທັນສະໄໝຫຼາຍຍິ່ງຂຶ້ນ ພ້ອມດ້ວຍການປັບປ່ຽນໄຟສີພາຍໃນລົດໄດ້ເຖິງ 64 ສີ.

ในภาพอาจจะมี ผู้คนกำลังนั่ง

■  ນອກຈາກນັ້ນ, ຍັງມີຫຼາຍຢ່າງພາຍໃນໜ້າຈໍ ໂດຍການໃຊ້ທັດແພັດທີ່ເພີ່ມເຂົ້າມາຢູ່ພວງມະໄລ 2 ຂ້າງ ເປັນຕົວຄວບຄຸມໃນການສໍາຜັດຫຼິ້ນລາຍການຕ່າງໆເທິງໜ້າຈໍ. ນອກຈາກນີ້, ຍັງມີບ່ອນສາກໂທລະສັບແບບອັດຕະໂນມັດ ( ບໍ່ມີສາຍສາກ ), ນອກເໜືອໄປກວ່ານັ້ນໜ້າຈໍເບື້ອງຄົນຂັບຍັງສາມາດປັບປ່ຽນການຫຼິ້ນໄດ້ເຖິງ 3 ໂໝດ ບໍ່ວ່າຈະເປັນຮູບແບບ Sport, ຮູບແບບ Classic ແລະ ຮູບແບບ Progressive.

■  ສ່ວນລະບົບການຂັບຂີ່ກໍ່ມີຢູ່ 5 ລະບົບ ເຊັ່ນ: Eco, Comfort, Sport, Sport+ ແລະ Individual; ສໍາລັບເກຍ ກໍ່ເປັນເກຍໂອໂຕ ມີ 9 ເກຍ Speed ແລະ ມາພ້ອມດ້ວຍກ້ອງ 360 ອົງສາ. ນອກນີ້, ຍັງມີແຮນອັບດິສເພລ ເຊິ່ງເປັນຕົວສະແດງຂໍ້ມູນຢູ່ກະຈົກລົດ ເຊັ່ນ: ຄວາມໄວທີ່ເຮົາແລ່ນໄປດ້ວຍອັດຕາເລັ່ງເທົ່າໃດ ມັນກໍ່ຈະສະແດງໃຫ້ເຮົາເຫັນຢູ່ໜ້າກະຈົກລົດທັນທີເລີຍ.

ในภาพอาจจะมี รถยนต์

ສໍາລັບລູກຄ້າທ່ານໃດສົນໃຈຢາກຈະມາສໍາຜັດກັບລົດ The New CLS – Class ກໍ່ສາມາດເຂົ້າມາເບິ່ງ ແລະ ສໍາຜັດດ້ວຍຕົວຂອງທ່ານເອງໄດ້ ທີ່ສູນ     ລົດເບັນ ບໍລິສັດ ໂອໂຕ ລາວ ຕັ້ງຢູ່ຖະ  ໜົນທ່າເດື່ອ ບ້ານວັດນາກ ( ຫຼັກ 3 ) ເມືອງສີສັດຕະນາກ ນະຄອນຫຼວງວຽງຈັນ  ຫຼື ຈະໂທເຂົ້າມາສອບຖາມໄດ້ທີ່   ເບີ 021 244 472.

ນອກຈາກນີ້, ບໍລິສັດ ໂອໂຕ ລາວ ຍັງມີການບໍລິການຫຼັງການຂາຍໄວ້ຄອຍບໍລິການທ່ານຕະຫຼອດ 24 ຊົ່ວໂມງ ແລະ ສາມາດໂທເຂົ້າມາສາຍດ່ວນໄດ້ທີ່ເບີ 1868 ທ່ານຈະໄດ້ທຸກຄຳຕອບ.

ພິເສດ! ສຳລັບລູກຄ້າທີ່ມາຈອງໃນໄລຍະໂປຣໂມຊັນນີ້ ຈະໄດ້ຮັບຂອງແຖມຫຼວງຫຼາຍ ເຊັ່ນ: ນ້ຳມັນເຕັມຖັງ, ປ່ຽນຖ່າຍນ້ຳມັນເຄື່ອງ ແລະ ປະກັນໄພໃຫ້ອີກ 1 ປີ.

ในภาพอาจจะมี รถยนต์

ຄລິກໂຄສະນາເພື່ອເຂົ້າສູ່ເພຈ໌ AUTO LAO

ในภาพอาจจะมี รถยนต์

%d bloggers like this: