ນົມເຢັນດອກອັນຊັນ ເຄື່ອງດື່ມຊື່ນໃຈ

ຕື່ມແຄລຊຽມໃຫ້ຮ່າງກາຍດ້ວຍນົມເຢັນດອກອັນຊັນ ແລະ ດ້ວຍສີສັນຈາກດອກອັນຊັນທີ່ເຂັ້ມປະສົມກັບນົມເພີ່ມຄວາມຫອມຫວານດ້ວຍນົມຂຸ້ນຫວານ ຖ້າມັກກິນເຢັນກໍ່ໃສ່ນ້ຳກ້ອນ ຫຼື ຈະແຊ່ເຢັນແທນການໃສ່ນ້ຳກ້ອນກໍ່ໄດ້.

 

ສ່ວນປະສົມ:

  1. ດອກອັນຊັນສົດ 1 ຖ້ວຍໃຫຍ່.
  2. ນ້ຳຮ້ອນ 1 ຖ້ວຍໃຫຍ່.
  3. ນົມສົດ 350 ມິນລິລິດ.
  4. ນົມຂຸ້ນຫວານ 4 ບ່ວງແກງ.
  5. ນ້ຳກ້ອນຕາມໃຈມັກ.

ວິທີປະສົມ:

  • ເອົາດອກອັນຊັນມາຕົ້ມໃນນໍ້າຮ້ອນຈົນປ່ຽນເປັນສີເຂັ້ມຈຶ່ງປົງລົງແລ້ວຕອງເອົາແຕ່ນໍ້າໃສ່ໂຖກຽມໄວ້ ແລ້ວ ເອົານົມສົດ ແລະ ນົມຂຸ້ນຫວານປະສົມໃຫ້ເຂົ້າກັນ. ຈາກນັ້ນ, ເອົານໍ້າກ້ອນໃສ່ຈອກແລ້ວຖອກນົມທີ່ປະສົມແລ້ວລົງໄປກ່ອນ ແລະ ຈຶ່ງຖອກນ້ຳອັນຊັນລົງໄປໃຫ້ມັນເປັນຊັ້ນສວຍງາມເທົ່ານີ້ກໍ່ພ້ອມເສີບແລ້ວ ຫຼື ຈະປະສົມເຂົ້າກັນເລີຍຈຶ່ງຖອກໃສ່ນໍ້າກ້ອນກໍ່ໄດ້.

 

%d bloggers like this: