ແຊນວິດຫໍ່ທູນາອາຫານເຊົ້າເຮັດງ່າຍ ລອງເບິ່ງເດີ

ສຳລັບຜູ້ທີ່ມີເວລາສັ້ນໃນຕອນເຊົ້າແນະນຳລາຍການອາຫານເຊົ້າມື້ນີ້ຈະຊ່ວຍປະຢັດເວລາ ແຖມຍັງໄດ້ສານອາຫານທີ່ຄົບຖ້ວນ, ຊ່ວຍໃຫ້ອີ່ມທ້ອງ ແລະ ດີຕໍ່ສຸຂະພາບນຳ. ມື້ນີ້, ແອັດມິນຈະມາແນະນຳເມນູອາຫານ ທີ່ເຮັດໄດ້ງ່າຍ ປະຢັດເວລາ ນັ້ນກໍ່ຄື ແຊນວິດຫໍ່ທູນາ ທີ່ໃຫ້ປະໂຫຍດທີ່ດີ ມາເບິ່ງຂັ້ນຕອນການເຮັດເລີຍ!!

ສ່ວນປະສົມ:

  • ເຂົ້າໜົມປັງໂຮວີດ 6 ແຜ່ນ.

  • ທູນາ 1 ກະປ໋ອງ.

  • ມາຍອງເນດ 2 ບ່ວງແກງ.

  • ນໍ້າສະອິ້ວ 1/2 ບ່ວງແກງ.

  • ຊ໋ອດໝາກເຫຼ່ນ 1 ບ່ວງແກງ.

  • ຫົວກາຣົດຂູດ 1/2 ຖ້ວຍນ້ອຍ.

  • ອາໂວຄາໂດຊອຍເປັນຕ່ອນຍາວຂະໜາດ 1 ນິ້ວ.

  • ໝາກແຕງຊອຍຄືກັນກັບອາໂວຄາໂດ

ວິທີປຸງແຕ່ງ:

ເອົາທູນ່າໃສ່ຊາມນ້ອຍໃສ່ມາຍອງເນດ, ນໍ້າສະອິ້ວ ແລະ ຊ໋ອດໝາກເຫຼ່ນຄົນໃຫ້ເຂົ້າກັນແລ້ວໃສ່ໄມ້ລີດແປ້ງລີດເຂົ້າໜົມປັງໂຮວີດໃຫ້ບາງລົງກຽມໄວ້. ເມື່ອຮຽບຮ້ອຍແລ້ວຈຶ່ງຈັດວາງທູນ່າ, ຫົວກາຣົດຂູດ, ອາໂວຄາໂດ ແລະ ໝາກແຕງໃສ່ແຜ່ນເຂົ້າໜົມທີ່ລີດແລ້ວຫໍ່ເຂົ້າກັນເປັນວົງມົນຕັດໃສ່ຈານພ້ອມເສີບ.

 

%d bloggers like this: