5 ຕົວແທນ! ຖ້າ ອາຊາ ອຳລາເຊລຊີ

ຫຼາຍຄັ້ງທີ່ ເອເດນ ອາຊາ ໄດ້ໃຫ້ສຳພາດເຖິງຄວາມຝັນສູງສຸດທີ່ຈະໄດ້ລົງແຂ່ງຂັນໃຫ້ກັບທີມ ເຣອັລ ມາດຣິດ ເຊິ່ງຄັ້ງນີ້ມັນກໍ່ອາດຈະເປັນໄປໄດ້ສູງທີ່ຈະຍ້າຍໄປຢູ່ກັບທີມທີ່ຕົວເອງຝັນ. ເນື່ອງຈາກ ມາດຣິດ ໄດ້ຂາຍ ໂຣນັລໂດ ອອກຈາກທີມໄປແລ້ວ ອາຊາ ຈຶ່ງເປັນເປົ້າໝາຍທີ່ຈະດຶງຕົວມາທົດແທນ ໃຫ້ໄວທີ່ສຸດ ເພາະວ່າເວລາການຊື້-ຂາຍ ຕະຫຼາດຮອບນີ້ຍັງເຫຼືອບໍ່ຮອດເດືອນ ດັ່ງນັ້ນຖ້າ ອາຊາ ໄດ້ຍ້າຍທີມຈິງ ເຊລຊີຈະດຶງໃຜມາແທນ.

ເອີວິງ ໂຣຊາໂນ (Hirving Lozano)

ในภาพอาจจะมี 1 คน, พื้นหญ้า และสถานที่กลางแจ้ง
ເປັນນັກເຕະທີ່ບໍ່ຄຸ້ນຊື່ເລີຍ ຈົນບານໂລກ 2018 ທີ່ປະເທດຣັສເຊຍ ໂຣຊາໂນ ປີກທີມຊາດເມັກຊິໂກ ຈາກສະໂມສອນພີເອັສວີ ໄອໂອເຟນ ຂອງໂຮນລັງ ກໍ່ສ້າງຜົນງານຄວາມສາມາດອອກມາຢ່າງໂດດເດັ່ນ ຈົນເປັນທີ່ສົນໃຈຂອງທີມໃຫຍ່ຫຼາຍທີມ ໂດຍລະດູການທີ່ຜ່ານມາກັບ ພີເອັສວີ ຍິງໄປເຖິງ 17 ປະຕູ ຈາກ 29 ນັດ.
ດ້ວຍຈັງຫວະການຫຼິ້ນຂອງນັກເຕະຄ້າຍໆກັບ ອາຊາ ຢືນຕຳແໜ່ງປີກຊ້າຍ ແຕ່ຖະນັດຕີນຂວາ ມັກຫຼອກຕັດເຂົ້າໃນເພື່ອຫາໂອກາດຍິງ ຫຼື ເປີດ.

ດຣີສ ເມີເທັນ (Dries Mertens)

ในภาพอาจจะมี 1 คน, กำลังยิ้ม
ກອງກາງເພື່ອນຮ່ວມຊາດຂອງ ອາຊາ ອາດຈະເປັນໄປໄດ້ຍາກທີ່ຈະໄດ້ຕົວມາເສີມທີມ ເນື່ອງ ນາໂປລີ ຫາກໍ່ຂາຍ ຈໍຈິນໂຢ ໃຫ້ກັບ ເຊລຊີ ແຕ່ດ້ວຍອາຍຸ 31 ປີແລ້ວ ກໍ່ອາດຈະເປັນການເສີມທີມໄລຍະສັນ ເຊິ່ງເຊລຊີ ກໍ່ບໍ່ມີບັນຫາການຈ່າຍຄ່າຕົວປະມານ 24,7 ລ້ານປອນ ຕະຫຼອດ 2 ປີ ທີ່ຢູ່ ນາໂປລີ ເມີເທັນ ຍິງໄປແລ້ວ 46 ປະຕູ.

ລີອອນ ເບລີ (Leon Bailey)

ในภาพอาจจะมี 1 คน, สถานที่กลางแจ้ง และภาพระยะใกล้
ປີກຕົວເກັ່ງຂອງ ໄບເອີ ເລເວີຄູເຊັນ ເປັນໜຶ່ງໃນນັກເຕະດາວເດັ່ນ ທີ່ທີມໃຫຍ່ກຳລັງຕິດຕາມຜົນງານ ຕອນນີ້ນັກເຕະຫາກໍ່ 20 ປີເທົ່ານັ້ນ ຈຸດເດັ່ນຄືຄວາມໄວ ແລະ ຄວາມຄ່ອງໃນການລາກໜີຕົວປະກົບ ຖ້າຫາກນັກເຕະໄດ້ຄູຝຶກທີ່ດີມາຊ່ວຍສອນ ກໍ່ຈະພັດທະນາຂຶ້ນໄປໄດ້ອີກໄກ ແມນຢູ ແລະ ເຊລຊີ ເປັນ 2 ທີມກຳລັງໃຫ້ຄວາມສົນໃຈຢູ່ຕອນນີ້.

ວິລເຟຣດ ຊາຮາ (Wilfried)

ในภาพอาจจะมี 1 คน, สถานที่กลางแจ้ง
ຖ້າຈະຫານັກເຕະອາຍຸນ້ອຍ ແລະ ມີປະສົບການໃນພຣີເມຍ ລີກ ປີກຂອງ ຄຣິສຕັນ ພາເລຊ ກໍ່ເປັນຕົວເລືອກທີ່ເໝາະສົມ ເຖິງຈະຢູ່ທີມນ້ອຍ ແຕ່ເມື່ອບໍ່ມີ ວິລເຟຣດ ຊາຮາຢູ່ໃນສະໜາມ ພາເລຊ ກໍ່ບໍ່ຊະນະເຖິງ 9 ນັກ ຖືວ່າເປັນນັກເຕະຕົວສຳຄັນຂອງທີມ ທີ່ແບກທີມຈົນໜີຕົກຊັ້ນສຳເລັດ.

ແກເຣັດ ເບລ (Gareth Bale)

ในภาพอาจจะมี 1 คน, กำลังเล่นกีฬา และสถานที่กลางแจ้ง
ດ້ວຍຄຸນສົມບັດທີ່ມີຄົບທຸກຢ່າງ ລະດູການຜ່ານມາ ຍິງ 16 ປະຕູ ຈາກການລົງສະໜາມ 26 ນັດ ເນື່ອງຈາກອາການບາດເຈັບຈຶ່ງເຮັດໃຫ້ລົງສະໜາມໜ້ອຍ ແຕ່ກໍ່ກັບມາຍິງ 2 ປະຕູສຳຄັນ ໃນນັດຊີງຊະນະເລີດ ຢູຟາ ແຊັມປ້ຽນ ລີກ ໃນຖານະຕົວສຳຮອງ ຖ້າເຊລຊີ ຈະດຶງຕົວມາຮ່ວມທີມກໍ່ຕ້ອງໄດ້ໃຊ້ງົບມະຫາສານ ແຕ່ກໍ່ບໍ່ໄດ້ເປັນບັນຫາຂອງເຊລຊີ ຖ້າຕ້ອງການຕົວມາແທນ ອາຊາ.

%d bloggers like this: