ແທ້? ມາດຣິດ ພ້ອມຕອບຮັບຂໍ້ສະເໜີ ຈາກ ຢູເວນຕູສ ຊື້ ໂຣນັລໂດ້

ເຣອັລ ມາດຣິດ ຕົກເປັນຂ່າວພ້ອມຮັບຂໍ້ສະເໜີ 100 ລ້ານເອີໂຣ ຈາກ ຢູເວນຕູສ ເພື່ອຂໍຊື້ ຄຣິສເຕຍໂນ ໂຣນັລໂດ ກອງໜ້າຕົວເກັ່ງ ໃນຕະຫຼາດຮອບນີ້. ຫຼັງຈາກ ຢູເວນຕູສ ເລິ່ມເຈລະຈາ ກັບ ມາດຣິດ ແລ້ວ ແລະ ພ້ອມທີ່ຈະປະເຄນຄ່າເມື່ອຍໃຫ້ ຫົວໜ້າ ທີມຊາດປັອກຕຸຍການ ເປັນສະຖິຕິສະໂມສອນດ້ວຍ.

ในภาพอาจจะมี 1 คน, กำลังเล่นกีฬา และสถานที่กลางแจ้ง
ເຣອັລ ມາດຣິດ ສະໂມສອນ ຈາກເວທີ ລາລີກາ ຂອງ ແອັສປາຍ ຕົກເປັນຂ່າວພ້ອມຮັບຂໍ້ສະເໜີ 100 ລ້ານເອີໂຣ ຂອງ ຢູເວນຕູສ ຈາກເວທີ ກັລຊິໂອ້ ຊີຣີສ ເອ ຂອງ ອິຕາລີ ເພື່ອຂໍຊື້ ຄຣິສເຕຍໂນ ໂຣນັລໂດ ກອງໜ້າຕົວເກັ່ງ ໄປຮ່ວມທີມ ໃນຕະຫຼາດຮອບນີ້ ຈາກການລາຍງານ ເມື່ອວັນພຸດ ທີ 4 ກໍລະກົດ.

ในภาพอาจจะมี 1 คน, สถานที่กลางแจ้ง
ມີການອ້າງຈາກແຫຼ່ງຂ່າວວ່າ ກອງໜ້າດາວດັງທີມຊາດປັອກຕຸຍການ ອາຍຸ 33 ປີ ໄດ້ຮັບອະນຸຍາດໃຫ້ຍ້າຍທີມ ໃນໜ້າຮ້ອນນີ້ ຫຼັງຈາກທີ່ຢູ່ກັບ ມາດຣິດ ມາຍາວນານເຖິງ 9 ປີ ໂດຍກ່ອນໜ້ານີ້ ໂຣນັລໂດ ເຜີຍວ່າ ຍັງບໍ່ຮູ້ອະນາຄົດຂອງຕົວເອງ ຫຼັງຈາກທີ່ຊ່ວຍ ມາດຣິດ ຄວ້າແຊັມ ຢູຟ້າ ແຊັມປ້ຽນ ລີກ 3 ສະໄໝຊ້ອນ ແລະ ການເຈລະຈາສັນຍາສະບັບໄໝ່ກໍ່ບໍ່ມີຄວາມຄືບໜ້າ.
ໜັງສືພິມມາກ້າ ຂອງ ແອັສປາຍ ໄດ້ລາຍງານວ່າ ເຣອັລ ມາດຣິດ ໄດ້ເລິ່ມຕົ້ນເຈລະຈາກັບ ຢູເວນຕູສ ແລ້ວ ແລະ ນ່າຈະສາມາດບັນລຸຂໍ້ຕົກລົງກັນໄດ້ໃນທ້າຍທີ່ສຸດ ຂະນະທີ່ ເອ ໂບລ່າ ສຳນັກຂ່າວຂອງ ປັອກຕຸຍການ ກໍ່ລະບຸວ່າ ທັງ 2 ສະໂມສອນກຳລັງເຈລະຈາກັນ.

ในภาพอาจจะมี 1 คน, กำลังเล่นกีฬา และสถานที่กลางแจ้ง
ນອກຈາກນີ້ ຄ່າຕົວທີ່ແພງເປັນສະຖິຕິສະໂມສອນແລ້ວ ຄາດວ່າ ຢູເວນຕູສ ກໍ່ພ້ອມທີ່ຈະຈ່າຍຄ່າເມື່ອຍ ໃຫ້ກັບ ໂຣນັລໂດ ສູງສຸດເປັນປະຫວັດສາດຂອງສະໂມສອນດ້ວຍ ໂດຍ ມາກ້າ ຄາດວ່າ ຢູເວນຕູສ ຈະມອບຄ່າເມື່ອຍ ໃຫ້ດາວຍິງມາດຣິດ ເຖິງປີລະ 30 ລ້ານຢູໂຣ ເລີຍ.
ທັງນີ້ ເຊື່ອວ່າ ມາດຣິດ ນ່າຈະນຳເອົາເງິນທີ່ໄດ້ຈາກການຂາຍ ໂຣນັລໂດ ໄປຊື້ຕົວ ເນມາ ກອງໜ້າຕົວເກັ່ງຈາກ ປາຣີສ ແຊັງແຊັກແມັງ ສະໂມສອນມະຫາເສດຖີ ຈາກເວທີ ລີກເອິງ ຂອງ ຝຣັ່ງ ເຂົ້າມາແທນ.

%d bloggers like this: