ບໍລິສັດພຣີມ້ຽມໂອໂຕລາວ ນຳສະເໜີລົດ BMW X2 ດ້ວຍຮູບຮ່າງສະປອດ ສະດຸດທຸກສາຍຕາ

BMW Group ຍັງຄົງເດີນໜ້າສ້າງສັນລົດລຸ້ນໃໝ່ຂຶ້ນຢ່າງຕໍ່ເນື່ອງ ເພື່ອຕອບໂຈດຜູ້ບໍລິໂພກທົ່ວໂລກຢ່າງບໍ່ຢຸດຢັ້ງ. ຫລ້າສຸດພຣີມ້ຽມໂອໂຕລາວ ກໍ່ໄດ້ເປີດໂຕ ລົດບີເອັມດັບເບິລຢູເອັກ2(The first-ever BMW X2 ) ພາຍໃຕ້ຄອນເຊັບ Be The One Who Dares ລົດອະເນກປະສົງ ໃນສະໄຕຣ ຄູເປ້ ຫຼື SAC – Sports Activity Coupe ຢູ່ນະຄອນຫຼວງວຽງຈັນ ສປປລາວຢ່າງເປັນທາງການ ເພື່ອໃຫ້ເປັນທາງເລືອກສໍາລັບຜູ້ຊົມໃຊ້ລົດ ທີ່ມີຄຸນນະພາບ.

The first-ever BMW X2 ເປັນລົດສະປອດເຕັມຮູບແບບ ດ້ານໜຶ່ງໂດດເດັ່ນ ອີກດ້ານໜຶ່ງແຕກຕ່າງ ເຊິ່ງຫຼາຍທ່ານບອກວ່າ ເປັນລົດທີ່ມີຄວາມສາມາດຫຼາກຫຼາຍກວ່າລົດອະເນກປະສົງ ລຸ້ນຫລ້າສຸດໃນ ບີເອັມດັບເບີລຢູເອັກ ຊີຣີ ເລີ່ມແຕ່ການອອກແບບທີ່ຫຼຸດຄ່າແຮງກະທົບຂອງອາກາດ ຫຼົງເຫຼືອພຽງ 0,28 Cd ບົນຂະໜາດຕົວຖັງ 4.360 ມີນລີແມັດ. ຄວາມກວ້າງ 1.824 ມິນລີແມັດ. ຄວາມສູງ 1.526 ມີນລີແມັດ . ໄລຍະຖານລໍ້ 2.670 ມີນລີແມັດ . ຄວາມສູງໃຕ້ທ້ອງລົດ 182 ມິນລິແມັດ.

ຮູບຮ່າງພາຍນອກມີຄວາມພິເສດ ກັບຊຸດກະຈ່າງໜ້າ ທີ່ອອກແບບຂະໜາດໃຫຍ່ (ເບິ່ງຄືວ່າດຸດັນຂຶ້ນກວ່າເກົ່າ) ສ່ວນລຸ່ມມີຄວາມຍາວກວ່າດ້ານເທິງ ແລະ ເພີ່ມຄວາມສະປອດດ້ວຍໂທນສີດໍາເງົາ High-gloss Black ຂອບໂຄຣມຽມ ຕາມມາດ້ວຍການອອກແບບຊ່ອງດັກອາກາດ ໃນຊຸດກັນຊົນໜ້າໃຫ້ສະປອດ ລວມທັງໄຟໜ້າແບບ Sporty Looks ແລະ ຊຸດໄຟ Daytime Driving Light ແບບ LED.

ສ່ວນດ້ານຂ້າງຂອງລົດ ແມ່ນເບິ່ງລວມໆແບບຄ້ອຍຕໍ່າລົງສະໄຕຣຄູເປ້ ເບິ່ງມີຄວາມສະປອດຍິ່ງຂຶ້ນ .ມີຄວາມຕ່າງກັນໄປໃນແຕ່ລະລຸ້ນ ຂະໜາດຂອງລໍ້ 19 – 20 ນິ້ວ ທຸກລາຍຂອງລໍ້ແມັກຈະມີການອອກແບບໃຫ້ເຂົ້າກັບງານດີໄຊຂອງສະເກີດສ ດ້ານຂ້າງ. ສ່ວນຫຼັງຄາໂດດເດັ່ນດ້ວຍເສົາ C-Pillars ເຊິ່ງໄດ້ຮັບແຮງບັນດານໃຈຈາກສິ່ງທີ່ເອີ້ນວ່າ BMW Hofmeister ພ້ອມເພີ່ມຄວາມທັນສະໄໝເຂົ້າໄປດ້ວຍແນວເສັ້ນ ຫຼັງຄາສະໄຕຣ Coupe ທີ່ເສີມດ້ວຍສະປອດເລີ້ດ້ານຫຼັງ ຍຸດລະດັບຄວາມສະດຸດຕາດ້ວຍຊຸດໄຟທ້າຍຮູບຊົງ T-Shape ແບບ LED, ຊຸດກັນຊົງຫຼັງອອກແບບໃໝ່ ຈະມາກັບຄວາມສະປອດເຕັມຂັ້ນ ທີ່ອອກແບບ Diffuser.


ພ້ອມນັ້ນຍັງມີທໍ່ໄອເສຍແບບຄູ່ ຊົງກົມທີ່ມີຂະໜາດເສັ້ນຜ່າສູງກາງ 90 ມີນລີແມັດ ປິດທ້າຍດ້ວຍການຕົກແຕ່ງວັດສະດຸໂທນສີເທົາ Frozen Grey ຮອບຄັນຊ່ວຍເນັ້ນຄວາມເປັນສະປອດຂຶ້ນອີກລະດັບ.
&tm;ພາຍໃນ ນໍາໃຊ້ຟີມແບບສະປອດ ເຊິ່ງຈະມີຢູ່ໃນ BMW M Sport X ຍັງຄົງເນັ້ນຄວາມສະປອດດ້ວຍໂທນສີ ແລະ ງານອອກແບບ ພ້ອມກັບການຕິດຕັ້ງ ອ໊ອບຊັ້ນອໍານວຍຄວາມສະດວກມາໃຫ້ແບບຄົບທຸກຢ່າງຕາມສະໄຕຣ ເຊິ່ງລູກຄ້າ ສາມາດເລືອກໄດ້ ຕາມໄລໄຕຣຂອງລູກຄ້າ. ຫ້ອງເກັບເຄື່ອງດ້ານທ້າຍທີ່ມີຄວາມສາມາດບັນຈຸໄດ້ເຖິງ 470 ລິດ ແລະ ສາມາດເພີ່ມເປັນ 1.355ລິດ ໄດ້ໂດຍການພັບເບາະ.

ສ່ວນເຄື່ອງຈັກ 4 ສູບ 192 ແຮງມ້າ, ອັດຕາເລັ່ງ 0 – 100 ກິໂລແມັດ ໃຊ້ເວລາ 7,4 ວິນາທີ. ອັດຕາການສິ້ນເປືອງ 15,8ກີໂລແມັດຕໍ່ລິດ. The first-ever BMW X2 ແມ່ນລົດ ຍອດນະວັດຕະກໍາ ດ້ານໜຶ່ງແມ່ນໂດດເດັ່ນ, ດ້ານໜຶ່ງແມ່ນແຕກຕ່າງ ແລະ ໜຶ່ງແມ່ນທັນຍຸກທັນສະໄໝເມື່ອທ່ານອ່ານມາຮອດຈຸດນີ້ແລ້ວ ກໍ່ຈະສາມາດວາດພາບລົດອອກໄດ້ວ່າເປັນລົດທີ່ມີຄວາມຫຼູຫຼາ ເປັນສະປອດ ແນ່ນອນວ່າ ຂໍ້ມູນຈາກການອ່ານອາດບໍ່ພຽງພໍ. ຂໍແນະນໍາໃຫ້ເຂົ້າສໍາຜັດລົດໂຕຈິງທີ່ຫ້ອງຂາຍ ພຣີມ້ຽມໂອໂຕລາວ ຖະໜົນ 23 ສິງຫາ ບ້ານໜອງບອນ ເມືອງໄຊເຊດຖາ ນະຄອນຫຼວງວຽງຈັນໄດ້.


ພິທີເປີດໂຕລົດ BMW X2 ຈັດຂຶ້ນໃນທ້າຍອາທິດຜ່ານມາ ທີ່ຮ້ານອາຫານ 1819 ບ້ານໂພນໄຊ ນະຄອນຫຼວງວຽງຈັນ ໂດຍການເຂົ້າຮ່ວມຂອງທ່ານ ປອ ຄໍາຂັນ ນະພາວົງ ຮອງປະທານໃຫຍ່ ກຸ່ມ ບໍລິສັດໂຄລາວ, ມີ ທ່ານ ກວັກ ໂຫວ ກຸນ ປະທານຜູ້ບໍລິຫານ ພຣີມ້ຽມໂອໂຕລາວ. ພ້ອມດ້ວຍ ຄະນະຜູ້ບໍລິຫານລະດັບສູງຈາກກຸ່ມບໍລິສັດໂຄລາວ ພ້ອມດ້ວຍແຂກທັງພາຍໃນ ແລະ ຕ່າງປະເທດເຂົ້າຮ່ວມ.


%d bloggers like this: