ອາການບອກເຫດເມື່ອເບຣກລົດເລີ່ມມີບັນຫາ

ລະບົບເບຣກເປັນລະບົບທີ່ມີຄວາມສຳຄັນອັນດັບຕົ້ນໆຂອງລົດ ເພາະເປັນລະບົບທີ່ໃຊ້ໃນການຢຸດລົດ, ການຜ່ອນລົດເພື່ອຄວບຄຸມລົດໃນຂະນະເຂົ້າທາງໂຄ້ງ ແລະ ທາງຊັນ ຍິ່ງໃນສະຖານະການຂັບຂັນລະບົບເບຣກຍິ່ງມີຄວາມສຳຄັນ ແລະ ເປັນສິ່ງທີ່ຜູ້ໃຊ້ລົດຄວນໃສ່ໃຈ.

ໃນລົດໃໝ່ລະບົບເບຣກອາດບໍ່ແມ່ນບັນຫາໃຫຍ່, ພຽງແຕ່ເຮົາໝັ່ນກວດເບິ່ງນໍ້າມັນເບຣກບໍ່ໃຫ້ຕໍ່າກວ່າລະດັບປົກກະຕິເທົ່ານັ້ນ ແລະ ອາດສັງເກດຈາກສຽງດັງໃນເວລາ   ເບຣກ ຫຼື ຢຽບເບຣກບໍ່ຢູ່ ແລະ ຕ້ອງໄດ້ເພີ່ມແຮງຢຽບຂຶ້ນຈຶ່ງຈະຢູ່ ເຊິ່ງປະສິດທິພາບນັ້ນກໍ່ແລ້ວແຕ່ຄວາມສາມາດຂອງລະບົບເບຣກໃນລົດແຕ່ລະລຸ້ນ, ຊະນິດ ຫຼື ຜ້າເບຣກ ແລະ ສະພາບເສັ້ນທາງວ່າເປັນແນວໃດ?.

ไม่มีข้อความกำกับภาพอัตโนมัติ

ລະບົບເບຣກເລີ່ມມີບັນຫາ ສັງເກດຈາກຫຍັງແນ່?:

ຂະນະທີ່ເບຣກມີສຽງເກີດຂຶ້ນເປັນອາການບົ່ງບອກວ່າເບຣກມີບັນຫາແລ້ວ, ທຳອິດທີ່ແນ່ນອນທີ່ສຸດກໍ່ຄືເວລາເບຣກມີສຽງດັງຄ້າຍຄືເຫຼັກຖູກັນ ເຊິ່ງເກີດຈາກຂີ້ຝຸ່ນ ຫຼື ເສດຜົງຈາກຜ້າເບຣກເຂົ້າໄປໃນຈານເບຣກຈຶ່ງເກີດສຽງດັງ ເຊິ່ງລັກສະນະນີ້ຈະຫາຍໄປ ແລະ ກັບມາເປັນອີກແຕ່ບໍ່ມີຜົນກັບສະມັດຖະພາບຂອງເບຣກ.

ไม่มีข้อความกำกับภาพอัตโนมัติ

ຂະນະທີ່ເບຣກມີສຽງຄ້າຍຄືເຫຼັກຂູດກັນ, ລັກສະນະນີ້ເປັນສັນຍານບອກວ່າຜ້າເບຣກຈະໝົດ ຫຼື ໝົດແລ້ວ ນັ້ນຄືຜ້າເບຣກເຫຼືອໜ້ອຍກວ່າມາດຕະຖານ ຫຼື ອາດໝົດກ້ຽງຈົນຮອດແຜ່ນເຫຼັກ, ຖ້າປະໄວ້ຈະເຮັດໃຫ້ຈານເບຣກເປັນຮອຍ ເຊິ່ງຄວນປ່ຽນທັນທີ ເພາະຖ້າປະໄວ້ດົນຈານເບຣກຈະເປັນຮອຍ ແລະ ເຮັດໃຫ້ປະສິດທິພາບຫຼຸດລົງ.

ສຽງດັງຄ້າຍກັບມີຊິ້ນສ່ວນໃດໜຶ່ງຫຼວມ, ເປັນສຽງດັງຂອງຜ້າເບຣກທີ່ເຄື່ອນໄປ – ມາໃນຂະນະເບຣກ, ວີທີແກ້ແມ່ນຄວນເຂົ້າສູນບໍລິການເພື່ອປັບຕັ້ງ ແລະ ທຳຄວາມສະອາດຄືນໃໝ່່.

ในภาพอาจจะมี 1 คน, รถยนต์

%d bloggers like this: