ເອັຟເວີຕັນ ປະກາດປົດ ແຊມ ອັລລາໄດຊ໌ ແລ້ວ

ແຊມ ອັລລາໄດຊ໌ ຜູ້ຈັດການທີມ ຖືກ ເອັຟເວີຕັນ ໄລ່ອອກແລ້ວ ຫຼັງເຈົ້າມາຄຸມທີມໄດ້ພຽງ 7 ເດືອນເທ່ານັ້ນ ຂະນະທີ່ ມາຣ໌ໂກ ຊິລວາ ເປັນເປົ້າໝາຍທີ່ຈະເຂົ້າມາຮັບໜ້າທີ່ແທນ.

ເອັຟເວີຕັນ ສະໂມສອນຈາກ ພຣີເມຍ ລີກ ຂອງອັງກິດ ປະກາດປົດ ແຊມ ອັລລາໄດຊ໌ (sam allardyce) ອອກຈາກຕຳແໜ່ງຜູ້ຈັດການທີມໃນຖິ່ນ ກູດິສັນ ພາກ ເປັນທີ່ຮຽບຮ້ອຍແລ້ວ ເມື່ອວັນພຸດທີ 16 ພຶດສະພາທີ່ຜ່ານມາ.

ແຊມ ອັລລາໄດຊ໌ (sam allardyce)

ອັລລາໄດຊ໌ ໄດ້ຮັບການແຕ່ງຕັ້ງໃຫ້ເຂົ້າມາຄຸມ ເອັຟເວີຕັນ ຕໍ່ຈາກ ໂຣນັລດ໌ ຄູມັນ ໃນເດືອນ ພະຈິກ ປີ2017 ແລະ ສ້າງຜົນງານດີລະດັບໜຶ່ງ ຢູ່ອັນດັບ 8 ມີ 49 ຄະແນນ ຕາມຫຼັງ ເບີນລີ ອັນດັບ 7 ຢູ່ 5 ຄະແນນ ເຊິ່ງເປັນພື້ນທີ່ໄດ້ຮັບສິດໄປແຊ່ງຂັນລາຍການ ຢູໂຣປາ ລີກ ໃນລະດູການໜ້າ ເຮັດໃຫ້ທາງຝ່າຍຜູ້ບໍລະຫານຕັດສິນໃນປ່ຽນແປງຜູ້ນຳທີມອີກຄັ້ງ.

ສ່ວນທາງ ເອັຟເວີຕັນ ກໍ່ມີ ມາຣ໌ໂກ ຊິລວາ (Marco silva) ຜູ້ຈັດການທີມຂອງ ວັດຟອດ ຄູ່ແຂ່ງຮ່ວມລີກ ເປັນຕົວເລືອກລຳດັບຕົ້ນໆທີ່ຈະໃຫ້ເຂົ້າມາຮັບໜ້າທີ່ຄຸມທີມແທນ.

ມາຣ໌ໂກ ຊິລວາ (Marco silva)

ຮູບ AP

%d bloggers like this: