ຢູ 19 ລາວ ແພ້ແຮງປະທະ ເສຍໃຫ້ ມາເກົາ 0-1 ຈອດພຽງຮອບຄັດເລືອກ

ທີມຊາດລາວ ລຸ້ນອາຍຸບໍ່ເກີນ 19 ປີ ລົງສະໜາມນັດທີ 2 ເສຍໃຫ້ກັບ ມາເກົາ 0-1 ໃນການແຂ່ງຂັນບານເຕະຊີງແຊັມອາຊີ 2018 ລຸ້ນອາຍຸບໍໍ່ເກີນ 19 ຮອບຄັດເລຶອກ ໃນວັນທີ 6 ພະຈິກ 2017. ປະຕູຂອງ ມາເກົາ ທີ່ດັບຝັນທີມຊາດລາວ ເກີດຂຶ້ນໃນເຄິ່ງເວລາທີ 2 ພຽງ 9 ນາທີ ຈາກການຍິງຂອງ SOU SA IURY RoGERIO ນາທີໆ 54 ກ່ອນຈົບການແຂ່ງຂັນ ມາເກົາ ເອົາຊະນະໄປ 1-0.

ຈາກຜົນດັ່ງກ່າວ, ສົ່ງຜົນໃຫ້ ທີມຊາດລາວຕົກຮອບເປັນທີ່ແນ່ນອນແລ້ວ ເພາະຫວຽດນາມ ກັບ ໄຕຫວັນ ລົງ 1 ນັດມີ 3 ຄະແນນ ແລະ ມາເກົາ ລົງ 2 ນັດມີ 3 ຄະແນນ, ຂະນະທີ່ ທີມຊາດລາວ ບໍ່ມີຈັກຄະແນນທັງທີ່ເຫຼືອການແຂ່ງຂັນພຽງ 1 ນັດ.

ໂດຍທີມຊາດລາວ ຢູ ກຸ່ມ H ໄດ້ຈັດຂຶ້ນຢູ່ທີ່ ໄຕ້ຫວັນ ໄດ້ຮັບກຽດເປັນເຈົ້າພາບ ໃນລະຫວ່າງວັນທີ 04-08/11/2017 ໂດຍມີ 4 ທີມ ປະກອບມີ : ໄຕ້ຫວັນ ( ເຈົ້າພາບ ), ຫວຽດນາມ, ລາວ ແລະ ມາເກົາ.

ສໍາລັບ ນັດສຸດທ້າຍ ທີມຊາດລາວ ຈະລົງສະໜາມພົບກັບ ຫວຽດນາມ ໃນວັນທີ 8 ພະຈິກ 2017 ເວລາ 13:00 ໂມງ ແຂ່ງຂັນຢູ່ທີ່ສະຫນາມ HSINCHU COUNTRY SECOND STADIUM , HSINCHU.

%d bloggers like this: