ກະຊວງອຸດສາຫະກຳການຄ້າ ຫວຽດນາມ ແລະ ກະຊວງການຄ້າ ກຳປູເຈຍ ຈະສູ້ຊົນຊຸກຍູ້ການຄ້າສອງຝ່າຍໃຫ້ບັນລຸ 20 ຕື້ໂດລາໂດຍໄວ, ປະກອບສ່ວນເຂົ້າໃນການພັດທະນາດ້ານການຄ້າສອງຝ່າຍ, ໃນພາກພື້ນອາຊຽນ ແລະ ໃນໂລກ.
ຕອນຄ່ຳວັນທີ 28 ເມສາ, ທ່ານນາຍົກລັດຖະມົນຕີ ຟ້າມມິງຈິງ ໄດ້ໃຫ້ການຕ້ອນຮັບ ທ່ານ ນາງ Cham Nimul ລັດຖະມົນຕີກະຊວງການຄ້າ ກຳປູເຈຍ ແລະ ບັນດາພະນັກງານຂັ້ນສູງຂອງກະຊວງໃນການຢ້ຽມຢາມ ແລະ ເຮັດວຽກຢູ່ ຫວຽດນາມ.
ທ່ານນາຍົກລັດຖະມົນຕີ ຟ້າມມິງຈິງ ຖືວ່າຂໍ້ຕົກລົງຊຸກຍູ້ດ້ານການຄ້າສອງຝ່າຍ ລະຫວ່າງ ລັດຖະບານຫວຽດນາມ ແລະ ລັດຖະບານ ກຳປູເຈຍ ໄລຍະ 2025 – 2026 ແມ່ນເອກະສານດ້ານນິຕິກຳສຳຄັນ, ສ້າງເງື່ອນໄຂສະດວກໃຫ້ແກ່ດ້ານການຄ້າຜ່ານບັນດາບຸລິມະສິດພາສີ, ຂຸດຄົ້ນລັກສະນະເພີ່ມຕື່ມຂອງສອງພື້ນຖານເສດຖະກິດ, ເພີ່ມທະວີການເຊື່ອມຕໍ່ລະບົບສະໜອງ, ສ້າງພື້ນຖານເພື່ອໃຫ້ສອງປະເທດບັນລຸໄດ້ຄາດໝາຍ 20 ຕື້ໂດລາ ໃນໄລຍະຈະມາເຖິງໂດຍໄວ.
ທ່ານນາຍົກລັດຖະມົນຕີ ສະເໜີກະຊວງການຄ້າອຸດສາຫະກຳສອງປະເທດ ສືບຕໍ່ຫັນບັນດາຂໍ້ຕົກລົງຂັ້ນສູງເປັນລະອຽດ, ຊຸກຍູ້ການເຊື່ອມຕໍ່ສອງພື້ນຖານເສດຖະກິດ, ເຊື່ອມຕໍ່ພື້ນຖານໂຄງລ່າງ, ການຄ້າ, ການລົງທຶນ.
ສ່ວນທ່ານລັດຖະມົນຕີກະຊວງການຄ້າ ກຳປູເຈຍ ຢືນຢັນ: ກະຊວງອຸດສາຫະກຳການຄ້າ ຫວຽດນາມ ແລະ ກະຊວງການຄ້າ ກຳປູເຈຍ ຈະມານະພະຍາຍາມນຳວົງເງິນການຄ້າສອງຝ່າຍບັນລຸ 20 ຕື້ໂດລາໂດຍໄວ, ປະກອບສ່ວນເຂົ້າໃນການພັດທະນາດ້ານການຄ້າສອງຝ່າຍ, ໃນພາກພື້ນອາຊຽນ ແລະ ໃນໂລກ.
