ໃນວັນທີ 30 ເມສາ 2025, ສສ ຫວຽດນາມ ໄດ້ຈັດພິທີສະເຫຼີມສະຫຼອງ 50 ປີແຫ່ງວັນປົດປ່ອຍພາກໃຕ້ ແລະ ທ້ອນໂຮມປະເທດຊາດເປັນເອກະພາບ ຢູ່ນະຄອນໂຮຈິມິນ ສສ ຫວຽດນາມ ຢ່າງຍິ່ງໃຫຍ່, ໂດຍມີການນຳຂັ້ນສູງພັກ-ລັດ ຂອງ ສສ ຫວຽດນາມ ແລະ ມີ ສະຫາຍ ທອງລຸນ ສີສຸລິດ ເລຂາທິການໃຫຍ່ ປະທານປະເທດ ແຫ່ງ ສປປ ລາວ ເຂົ້າຮ່ວມ.
ໃນພິທີ, ສະຫາຍເລຂາທິການໃຫຍ່ ໂຕ ເລີມ ເນັ້ນໜັກເຖິງ “ຄວາມໝາຍປະຫວັດສາດຂອງໄຊຊະນະໃນວັນທີ 30 ເມສາ 1975 ເປັນໄຊຊະນະແຫ່ງນ້ຳໃຈຮັກຊາດ, ວິລະຊົນປະຕິວັດ, ຄວາມສາມັກຄີຂອງຊາດ, ປະກອບສ່ວນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ. ຢືນຢັນຄວາມໝັ້ນຄົງຂອງປະເທດຊາດຢ່າງບໍ່ຢຸດຢັ້ງໃນການປົກປັກຮັກສາບັນດາຜົນງານທີ່ບັນລຸໄດ້, ຊຸກຍູ້ການປະດິດສ້າງ ແລະ ພັດທະນາ, ກໍ່ສ້າງຫວຽດນາມໃຫ້ເຂັ້ມແຂງ, ຮັ່ງມີເຂັ້ມແຂງ ແລະ ມີຄວາມສຸກ.”
ຂໍ້ມູນ: ຂ່າວສານຫວຽດນາມ
