ສະຖາບັນການເງິນສາກົນ ລາຍງານວ່າ: ໜີ້ທົ່ວໂລກເພີ່ມຂຶ້ນສູ່ລະດັບ 318.000 ຕື້ໂດລາ ໂດຍທີ່ຕະຫຼາດເກີດໃໝ່ມີອັດຕາສ່ວນ65% ແລະຄາດວ່າປີນີ້ ຈະເພີ່ມຂຶ້ນອີກ5ພັນຕື້ໂດລາ.
ສຳນັກຂ່າວຕ່າງປະເທດລາຍງານວ່າ: ສະຖາບັນການເງິນສາກົນ (Institute of International Finance) ຫລື IIF ໄດ້ເປີດເຜີຍບົດລາຍງານວ່າໃນປີ 2024 ອັດຕາສ່ວນໜີ້ຕໍ່ລວມຍອດຜະລິດຕະພັນພາຍໃນປະເທດ ຫຼື ຈີດີພີ ໂດຍມູນຄ່າໜີ້ທົ່ວໂລກຫຼາຍເຖິງ318.00ຕື້ໂດລາສະຫະລັດ ທ່າມກາງທີ່ເສດຖະກິດໂລກຂະຫຍາຍຕົວຊ້າລົງ.
ເຖິງວ່າການເພີ່ມຂຶ້ນຂອງໜີ້ສາທາລະນະທົ່ວໂລກ 7ພັນຕື້ໂດລາໃນປີ 2024 ໜ້ອຍກວ່າເຄິ່ງໜຶ່ງຂອງການເພີ່ມຂຶ້ນໃນປີ2023 ເຊິ່ງໃນຕອນນັ້ນມີການຄາດການວ່າທະນາຄານກາງສະຫະລັດ ຫລືເຟດ ຈະຫຼຸດອັດຕາດອກເບ້ຍ ເຊິ່ງແມ່ນປັດໄຈກະຕຸ້ນໃຫ້ມີການກູ້ຢືມເງິນຫຼາຍຂຶ້ນ.
ນອກນີ້ IIF ຍັງເຕືອນວ່າກຸ່ມນັກລົງທຶນໃນຕະຫຼາດພັນທະບັດ ທີ່ອາດເທຂາຍພັນທະບັດລັດຖະບານ ຫາກເຫັນວ່າລັດຖະບານດຳເນີນນະໂຍບາຍທີ່ບໍ່ຮອບຄອບ ເຊິ່ງຈະສົ່ງຜົນໃຫ້ລາຄາພັດທະບັດຫຼຸດລົງ ແລະ ອັດຕາຜົນຕອບແທນພັນທະບັດທີ່ສູງຂຶ້ນ ເຊິ່ງອາດເຮັດໃຫ້ຕົ້ນທຶນການກູ້ຢືມຂອງລັດຖະບານເພີ່ມຂຶ້ນ.
