ທີມບານເຕະນັກຮຽນແຂວງຫຼວງພະບາງ ຄວ້າແຊັມການແຂ່ງຂັນບານເຕະນັກຮຽນມັດທະຍົມສຶກສາທົ່ວປະເທດ ຊີງຂັນກະຊວງສຶກສາທິການ ແລະ ກິລາ, Copa Coca-Cola Lao ຄັ້ງທີ VII ປະຈຳປີ 2024, ສ່ວນແຊັມປະເພດທີມຍິງຕົກເປັນຂອງ ແຂວງ ຈຳປາສັກ ຫຼັງໄດ້ເລີ່ມການແຂ່ງຂັນ ວັນທີ 21 ຕຸລາ 2024 ແລະ ໄດ້ປິດລົງໃນວັນທີ 29 ພະຈິກ 2024 ຜ່ານມາ ທີ່ສະໜາມລ້ານຊ້າງ ສະເຕດ້ຽມ ບ້ານໜອງໄຮ ເມືອງຫາດຊາຍຟອງ ນະຄອນຫຼວງວຽງຈັນ.
ພິທີດັ່ງກ່າວໃຫ້ກຽດເຂົ້າຮ່ວມງານ ແລະ ກ່າວປິດງານທາງການໂດຍ ທ່ານ ປອ ສຳລານ ພັນຄະວົງ ຮອງລັດຖະມົນຕີ ກະຊວງສຶກສາທິການ ແລະ ກິລາ, ທ່ານ ສີຈັນ ຈິດຕະປັນຍາ ວ່າການຫົວໜ້າກົມກິລາລະດັບສູງ, ທ່ານ ສຸລິວັນ ເຊີນວິໄລ ຜູ້ອຳນວຍການສະຖາບັນກິລາ-ກາຍະກຳ, ທ່ານ ພະສິນ ປັນດີ ຜູ້ຈັດການໃຫຍ່ ບໍລິສັດ ລາວ ໂຄຄາ-ໂຄລາ ບ໊ອຕຕລິງ ຈຳກັດ, ທ່ານ ໄພບູນ ລັດຕະນະພຽນ ຜູ້ອຳນວຍການຝ່າຍຂາຍ ບໍລິສັດ ລາວ ໂຄຄາ-ໂຄລາ ບ໊ອຕຕລິງ ຈຳກັດ, ທ່ານ ປອ ສຸລິເດດ ແກ້ວບົວລະເພັດ ຫົວໜ້າພະແນກສຶກສາທິການ ແລະ ກິລາ ແຂວງຫຼວງພະບາງ, ທ່ານ ຄຳຫວັນ ນັນທະວົງ ປະທານສະຫະພັນບານເຕະນະຄອນຫຼວງວຽງຈັນ, ທ່ານ ພັນທະຈິດ ອິນທິລາດ ປະທານກິດຕິມະສັກ ສະຫະພັນບານເຕະນະຄອນຫຼວງວຽງຈັນ ພ້ອມດ້ວຍບັນດາທ່ານຫົວໜ້າກົມ, ຮອງກົມ, ອ້ອມຂ້າງກະຊວງສຶກສາທິການ ແລະ ກິລາ.
ທ່ານ ສຸລິວັນ ເຊີນວິໄລ ຜູ້ອຳນວຍການສະຖາບັນກິລາ-ກາຍະກຳ ໄດ້ຂຶ້ນກ່າວລາຍງານວ່າ: ງານດັ່ງກ່າວເລີ່ມແຕ່ວັນທີ 21 ຕຸລາ 2024 ເປັນຕົ້ນແມ່ນຮອບຄັດເລືອກທົ່ວນະຄອນຫຼວງວຽງຈັນ ເພື່ອຄັດເລືອກເອົາທິມຊະນະເລີດ ທິມຊາຍ 4 ທີມ ແລະ ທີມຍິງ 2 ທີມ ເປັນຕົວແທນຂອງນະຄອນຫຼວງວຽງຈັນ.
ວັນທີ 12 – 14 ພະຈິກ 2024 ຮອບຄັດເລືອກເຂດພາກເໜືອ (ຈັດຢູ່ ແຂວງອຸດົມໄຊ) ເພື່ອຄັດເລືອກເອົາ ທີມຊາຍ 2 ທີມ ແລະ ທີມຍິງ 1 ທີມ ເປັນຕົວແທນເຂດພາກເໜືອ.
ວັນທີ 19 – 21 ພະຈິກ 2024 ຮອບຄັດເລືອກເຂດພາກໃຕ້ (ຈັດຢູ່ແຂວງ ສະຫວັນນະເຂດ) ເພື່ອຄັດເລືອກເອົາ ທີມຊາຍ 2 ທີມ ແລະ ທີມຍິງ 1 ທີມ ເປັນຕົວແທນເຂດພາກໃຕ້.
ເຊິ່ງຜົນຂອງການແຂ່ງຂັນຮອບຄັດເລືອກມີດັ່ງນີ້:
ຕົວແທນໃຫ້ແກ່ນະຄອນຫຼວງມີ 4 ທີມຊາຍ: ໂຮງຮຽນ ມສ ດອນໜູນ (ເມືອງ ໄຊທານີ), ໂຮງຮຽນ ມສ ເຄເອັນຊີ (ເມືອງຫາດຊາຍຟອງ), ໂຮງຮຽນ ມປ ໂນນສະຫວ່າງ ( ເມືອງໄຊເສດຖາ) ແລະ ໂຮງຮຽນ ມສ ນາຊາຍທອງ (ເມືອງນາຊາຍທອງ) ແລະ 2 ທີມຍິງ: ໂຮງຮຽນ ມສ ໂຄກສີວິໄລ (ເມືອງໄຊທານີ ) ແລະ ມສ ສົມສະຫວາດ (ເມືອງປາກງື່ມ).
ຕົວແທນໃຫ້ແກ່ພາກເໜືອ ທີມມຊາຍ 2 ທີມ ແຂວງ ຫຼວງນ້ຳທາ ແລະ ແຂວງ ຫຼວງພະບາງ, ທີມຍິງ 1 ທີມ ແຂວງຫຼວງພະບາງ.
ຕົວແທນໃຫ້ແກ່ພາກໃຕ້ ທີມຊາຍ 2 ທີມ ແຂວງ ສະຫວັນນະເຂດ ແລະ ແຂວງ ສາລະວັນ , ທີມຍິງ 1 ທີມ ແຂວງຈຳປາສັກ
ຜ່ານການແຂ່ງຂັນສາມາດສະຫຼຸບຜົນການແຂ່ງຂັນໄດ້ດັ່ງນີ້:
ລາງວັນ ຜູ້ຮັກສາປະຕູດີເດັ່ນ:
• ທີມຍິງ ໄດ້ແກ່ : ນາງ ຕຸກຕາ ຈັນທະວົງ ທີມ ແຂວງ ຫຼວງພະບາງ
• ທີມຊາຍ ໄດ້ແກ່ : ທ້າວ ແສງຕາວັນ ຈັນທະລາ ທີມ ແຂວງ ຫຼວງພະບາງ
ລາງວັນ ຜູ້ຊ່ວຍຍິງປະຕູ:
• ທີມຍິງ ໄດ້ແກ່ : ນາງ ນ້ຳຟ້າ ພົມມາ ທີມ ແຂວງ ຫຼວງພະບາງ
• ທີມຊາຍ ໄດ້ແກ່ : ທ້າວ ດາວພະຫັດ ກຳກາຊົມພູ ທີມ ນະຄອນຫຼວງວຽງຈັນ (ໂຮງຮຽນ ມສ ດອນໜູນ )
ລາງວັນ ຜູ້ຍິງປະຕູສູງສຸດ:
• ທີມຍິງ ໄດ້ແກ່ : ນາງ ສຸກສະຫວັນ ພົມມະວົງໄຊ ທີມ ແຂວງ ຫຼວງພະບາງ
• ທີມຊາຍ ໄດ້ແກ່ : ທ້າວ ຫະລະພາ ປັນຍາທອງ ທີມ ນະຄອນຫຼວງວຽງຈັນ (ໂຮງຮຽນ ມສ ເຄເອັນຊີ )
ລາງວັນ ນັກກິລາດີເດັ່ນ:
• ທີມຍິງ ໄດ້ແກ່ : ນາງ ແຈັກ ວົງຕາແສງ ທີມ ແຂວງ ຈຳປາສັກ
• ທີມຊາຍ ໄດ້ແກ່ : ທ້າວ ສິດທິລາດ ຈັນມາລີ ທີມ ແຂວງ ຫຼວງພະບາງ
ລາງວັນ ຄູຝຶກດີເດັ່ນ :
• ທີມຍິງ ໄດ້ແກ່ : ທ່ານ ວິໄຊ ຄຳຊົມພູ ທີມ ແຂວງ ຈຳປາສັກ
• ທີມຊາຍ ໄດ້ແກ່ : ທ່ານ ທິບພະສອນ ສິດທິພອນ ທີມ ແຂວງ ຫຼວງພະບາງຫ
ປະເພດທີມຍິງ:
1. ລາງວັນຊະນະເລີດ ໄດ້ແກ່ທີມ ແຂວງ ຈຳປາສັກ ໄດ້ຮັບຂັນ 1 ໜ່ວຍ, ຫຼຽນລາງວັນພ້ອມເງິນສົດ ແລະ ຜະລິດຕະພັນອື່ນໆ ລວມມູນຄ່າ 70,000,000 ກີບ.
2. ລາງວັນອັນດັບ ທີ 2 ໄດ້ແກ່ທີມ ນະຄອນຫຼວງວຽງຈັນ (ໂຮງຮຽນ ມສ ໂຄກສີວິໄລ) ໄດ້ຮັບຫຼຽນລາງວັນພ້ອມເງິນສົດ ແລະ ຜະລິດຕະພັນອື່ນໆ ລວມມູນຄ່າ 40,000,000 ກີບ.
3. ລາງວັນອັນດັບທີ 3 ທີມ ແຂວງ ຫຼວງພະບາງ ໄດ້ຮັບຫຼຽນລາງວັນພ້ອມເງິນສົດ ແລະ ຜະລິດຕະພັນອື່ນໆ ລວມມູນຄ່າ 20,000,000 ກີບ .
ປະເພດທີມຊາຍ:
1. ລາງວັນຊະນະເລີດ ໄດ້ແກ່ທີມ ແຂວງ ຫຼວງພະບາງ ໄດ້ຮັບຂັນ 1 ໜ່ວຍ, ຫຼຽນລາງວັນພ້ອມເງິນສົດ ແລະ ຜະລິດຕະພັນອື່ນໆ ລວມມູນຄ່າ 70,000,000 ກີບ.
2. ລາງວັນອັນດັບ ທີ 2 ໄດ້ແກ່ທີມ ນະຄອນຫຼວງວຽງຈັນ (ໂຮງຮຽນ ມສ ດອນໜູນ )ໄດ້ຮັບຫຼຽນລາງວັນພ້ອມເງິນສົດ ແລະ ຜະລິດຕະພັນອື່ນໆ ລວມມູນຄ່າ 40,000,000 ກີບ.
3. ລາງວັນອັນດັບທີ 3 ທີມ ນະຄອນຫຼວງວຽງຈັນ (ໂຮງຮຽນ ມສ ເຄເອັນຊີ )ໄດ້ຮັບຫຼຽນລາງວັນພ້ອມເງິນສົດ ແລະ ຜະລິດຕະພັນອື່ນໆ ລວມມູນຄ່າ 20,000,000 ກີບ.
ະ ຜະລິດຕະພັນອື່ນໆ ລວມມູນຄ່າ 20,000,000 ກີບ.
