ທ່ານ ນາງ ທຸມມາລີ ວົງພະຈັນ ປະທານກໍາມາທິການຍຸຕິທໍາ ສະພາແຫ່ງຊາດ ໄດ້ຂຶ້ນ ປະກອບຄໍາເຫັນບົດຄະນະປະຈໍາສະພາແຫ່ງຊາດ ຕໍ່ບົດສະຫຼຸບ ລາຍງານຂອງສານປະຊາຊົນສູງສຸດ ໃນວາລະດໍາເນີນກອງປະຊຸມສະໄໝສາມັນ ເທື່ອທີ 8 ຂອງສະພາແຫ່ງຊາດ ຊຸດທີ IX ໃນວັນທີ 28 ພະຈິກ 2024 ພາຍໃຕ້ການເປັນປະທານຂອງທ່ານ ນາງ ສຸນທອນ ໄຊຍະຈັກ ຮອງປະທານສະພາແຫ່ງຊາດ.
ທ່ານ ນາງ ທຸມມາລີ ວົງພະຈັນ ໄດ້ກ່າວວ່າ: ຄະນະປະຈຳສະພາແຫ່ງຊາດ ສະແດງຄວາມຊົມເຊີຍ ແລະ ຕີລາຄາສູງ ຕໍ່ສານປະຊາຊົນສູງສູດ ທີ່ໄດ້ເອົາໃຈໃສ່ໃນການເຄື່ອນໄຫວວຽກງານປະຈໍາປີ 2024 ໂດຍສະເພາະ ແມ່ນການຈັດຕັ້ງປະຕິບັດທິດທາງລວມ, 6 ຄາດໝາຍສູ້ຊົນ ແລະ 10 ທິດທາງວຽກງານ ຂອງສານປະຊາຊົນ ຕາມທີ່ກຳນົດໄວ້ ໃນມະຕິກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ IX ສະບັບເລກທີ 115/ສພຊ, ລົງວັນທີ 21 ພະຈິກ 2023 ດ້ວຍຄວາມຮັບຜິດຊອບສູງ ແລະ ມີຜົນສຳເລັດໃນຫຼາຍດ້ານ ເປັນຕົ້ນ: ການປັບປຸງກົງຈັກການຈັດຕັ້ງຂອງສານປະຊາຊົນເຂດ, ການສັບຊ້ອນບ່ອນປະຈຳການຂອງຜູ້ພິພາກສາ ແລະ ພະນັກງານ-ລັດຖະກອນຂອງສານປະຊາຊົນທົ່ວປະເທດ, ການສອບເສັງຜູ້ພິພາກສາຊັ້ນສີ່, ການປັບປຸງຄຸນນະພາບ ຂອງການດຳເນີນຄະດີຢູ່ສານປະຊາຊົນ, ສຳເລັດການປັບປຸງຮ່າງກົດໝາຍວ່າດ້ວຍ ການດຳເນີນຄະດີແພ່ງ; ໄດ້ຄົ້ນຄວ້າສ້າງ ແລະ ປັບປຸງນິຕິກຳທີ່ພົວພັນກັບການຈັດຕັ້ງ ແລະ ການເຄື່ອນໄຫວ ຂອງສານປະຊາຊົນແຕ່ລະຂັ້ນ ໃຫ້ມີຄວາມຖືກຕ້ອງ, ສອດຄ່ອງກັບສະພາບການພັດທະນາເສດຖະກິດ-ສັງຄົມ ໃນແຕ່ລະໄລຍະ ເຮັດໃຫ້ການເຄື່ອນໄຫວວຽກງານຂອງສານປະຊາຊົນ ມີຄວາມໜັກແໜ້ນ ແລະ ເຂັ້ມແຂງຂຶ້ນ.ຄຽງຄູ່ກັບດ້ານດີ ແລະ ຜົນສຳເລັດດັ່ງກ່າວ, ຄະນະປະຈຳສະພາແຫ່ງຊາດ ເຫັນວ່າ ມີບາງດ້ານຄວນຈະໄດ້ສືບຕໍ່ເອົາໃຈໃສ່ແກ້ໄຂ ດັ່ງນີ້:
1) ການບຳລຸງສ້າງ ແລະ ສຶກສາອົບຮົມການເມືອງ-ແນວຄິດ ໃຫ້ພະນັກງານ-ລັດຖະກອນ ເຖິງ
ວ່າເຮັດໄດ້ຫຼາຍ ແຕ່ການຫັນປ່ຽນຍັງບໍ່ທັນສົມຄູ່, ຜູ້ພິພາກສາ, ພະນັກງານ-ລັດຖະກອນ ຈຳນວນ
ໜຶ່ງບໍ່ທັນກຳແໜ້ນແນວທາງຂອງພັກ, ນະໂຍບາຍຂອງລັດຢ່າງເລິກເຊິ່ງ ລວມທັງຄຸນທາດການ
ເມືອງ, ຄຸນສົມບັດສິນທຳປະຕິວັດ, ຈັນຍາບັນ, ຈັນຍາທຳ ແລະ ຄວາມຮູ້ຄວາມສາມາດທາງດ້ານ
ວິຊາສະເພາະຍັງຈຳກັດ ເຮັດໃຫ້ຄຸນນະພາບໃນການຕັດສິນ, ພິພາກສາຄະດີ ຍັງບໍ່ທັນຮອບດ້ານ,
ຄົບຖ້ວນ, ພາວະວິໄສ ແລະ ຖືກຕ້ອງກັບຄວາມເປັນຈິງ;
2) ກົງຈັກການຈັດຕັ້ງ ແລະ ບຸກຄະລາກອນ ຂອງສານປະຊາຊົນ ເຖິງວ່າໄດ້ມີການປັບປຸງ ແຕ່ກໍ
ຍັງບໍ່ທັນຕອບສະໜອງໄດ້ ກັບຄວາມຮຽກຮ້ອງຕ້ອງການຂອງສັງຄົມ ເປັນຕົ້ນ ການສ້າງຕັ້ງສານ
ປະຊາຊົນເຂດ ຍັງບໍ່ທັນບັນລຸຕາມແຜນການທີ່ກຳນົດໄວ້, ການສະໜອງບຸກຄະລາກອນ ເຂົ້າໃນ
ຕຳແໜ່ງງານ ຂອງສານປະຊາຊົນ ກໍຍັງບໍ່ທັນພຽງພໍ ກັບໜ້າທີ່ວຽກງານຕົວຈິງ;
2) ກົງຈັກການຈັດຕັ້ງ ແລະ ບຸກຄະລາກອນ ຂອງສານປະຊາຊົນ ເຖິງວ່າໄດ້ມີການປັບປຸງ ແຕ່ກໍ
ຍັງບໍ່ທັນຕອບສະໜອງໄດ້ ກັບຄວາມຮຽກຮ້ອງຕ້ອງການຂອງສັງຄົມ ເປັນຕົ້ນ ການສ້າງຕັ້ງສານ
ປະຊາຊົນເຂດ ຍັງບໍ່ທັນບັນລຸຕາມແຜນການທີ່ກຳນົດໄວ້, ການສະໜອງບຸກຄະລາກອນ ເຂົ້າໃນ
ຕຳແໜ່ງງານ ຂອງສານປະຊາຊົນ ກໍຍັງບໍ່ທັນພຽງພໍ ກັບໜ້າທີ່ວຽກງານຕົວຈິງ;
3) ການຄົ້ນຄວ້າພິຈາລະນາຕັດສິນຄະດີ ຂອງສານປະຊາຊົນ ບໍ່ທັນບັນລຸຄາດໝາຍ 85% ຕາມ
ທີ່ກຳນົດໄວ້ ໃນມະຕິຂອງກອງປະຊຸມສະພາແຫ່ງຊາດ; ການດຳເນີນຄະດີຂອງສານປະຊາຊົນ ບາງ
ກໍລະນີ ຍັງບໍ່ທັນຮັບປະກັນຄຸນນະພາບ ເປັນຕົ້ນ: ການສົ່ງໝາຍຮຽກໃຫ້ຄູ່ຄວາມ, ການໄກ່ເກ່ຍຂໍ້ຂັດ
ແຍ່ງບາງຄະດີຄູ່ກໍລະນີບໍ່ໄດ້ເຂົ້າຮ່ວມ ຫຼື ການກໍານົດເນື້ອໃນຂອງການໄກ່ເກ່ຍ ບໍ່ຈະແຈ້ງ; ການ
ວິເຄາະວິໄຈ, ກວດກາຊັ່ງຊາຕີລາຄາຫຼັກຖານ, ການລົງເກັບກຳຂໍ້ມູນ ແລະ ກວດກາສະຖານທີ່ເກີດ
ຂໍ້ຂັດແຍ່ງຕົວຈິງ, ການໂຕ້ແຍ່ງໂຕ້ຖຽງຢູ່ທີ່ປະຊຸມສານ, ການຕັດສິນລັບຫຼັງຄູ່ກໍລະນີ ຍັງບໍ່ທັນຮັບ
ປະກັນຄວາມຮອບດ້ານ, ໂປ່ງໃສ ແລະ ເປັນທຳຕາມກົດໝາຍ ແລະ ເຫດການຕົວຈິງ;
4) ການກວດກາ ແລະ ປະເມີນຜົນ ການພິຈາລະນາຕັດສິນຄະດີຂອງສານ ແຕ່ລະຂັ້ນ ຍັງບໍ່ທັນສະຫຼຸບຕີລາຄາໄດ້ຢ່າງຊັດເຈນ ດ້ານດີ, ດ້ານອ່ອນຂໍ້ຄົງຄ້າງ ແລະ ສາເຫດ ຢ່າງກົງໄປກົງມາ ເປັນຕົ້ນຄຳຕັດສີນມີເນື້ອໃນບໍ່ຈະແຈ້ງ, ຄຳຕັດສິນ ຄະດີແພ່ງ ແລະ ຄະດີອາຍາ ໃນເຫດການດຽວກັນ ມີເນື້ອໃນຂັດກັນ ພາໃຫ້ການດຳເນີນຄະດີຫຼົບໄປກັບມາ, ມີການຮ້ອງຂໍຮື້ຟື້ນ, ຮ້ອງທຸກໄປຫາຫຼາຍພາກສ່ວນ ເຮັດໃຫ້ຄໍາຕັດສີນຂອງສານ ທີ່ໃຊ້ໄດ້ຢ່າງເດັດຂາດ ບໍ່ສາມາດຈັດຕັ້ງປະຕິບັດໄດ້, ກົນໄກການປະສານສົມທົບກັບພາກສ່ວນກ່ຽວຂ້ອງ ເພື່ອກຳນົດມາດຕະການແກ້ໄຂບັນຫາດັ່ງກ່າວ ຍັງບໍ່ທັນເຂັ້ມງວດ ແລະ ເດັດຂາດ ເທົ່າທີ່ຄວນ;
5) ການຕິດຕາມກວດກາ ຜູ້ພິພາກສາ ແລະ ພະນັກງານລັດຖະກອນ ຂອງສານປະຊາຊົນເພື່ອຈຳກັດ ແລະ ສະກັດກັ້ນ ປາກົດການລະເມີດກົດໝາຍແຕ່ຫົວທີ ຍັງບໍ່ທັນແທດເຖິງແຕ່ລະກຸ່ມເປົ້າໝາຍ, ບາງກໍລະນີພົບເຫັນການກະທຳຜິດ ແຕ່ກໍບໍ່ໄດ້ຮັບການແກ້ໄຂທັນເວລາ ເຮັດໃຫ້ຜູ້ພິພາກສາ ແລະ ພະນັກງານລັດຖະກອນ ຈຳນວນໜຶ່ງ ຖືກປະຕິບັດວິໄນ.
