ກະຊວງອຸດສາຫະກຳ ແລະ ການຄ້າ ຮ່ວມກັບ AMEICC ຈັດກອງປະຊຸມວິຊາການອຸດສາຫະກຳຍານພາຫະນະຄັ້ງທີ 24 ໃນວັນທີ 21 ພະຈິກ 2024, ທີ່ໂຮງແຮມດັບເບີ້ນທີ ເປັນປະທານຮ່ວມຂອງທ່ານ ມະໂນທອງ ວົງໄຊ ຮອງລັດຖະມົນຕີກະຊວງອຸດສາຫະກໍາ ແລະ ການຄ້າ, ມີຜູ້ເຂົ້າຮ່ວມຈາກພາກລັດ, ຕ່າງໜ້າຂະແໜ່ງອຸດສາຫະກຳ, ນັກຊ່ຽວຊານຈາກບັນດາປະເທດສະມາຊິກອາຊຽນ ແລະ ຍີ່ປຸ່ນ 70 ທ່າ
ກອງປະຊຸມໄດ້ສຸມໃສ່ຊຸກຍູ້ການຮ່ວມມືໃນພາກພື້ນ ການອັບເດດນະໂຍບາຍທີ່ກ່ຽວຂ້ອງກັບຂະແໜງການອຸດສາຫະກໍາຍານພາຫະນະ ແລະ ການຄົ້ນຄ້ວາຍຸດທະສາດທີ່ຊຸກຍູ້ຂະແໜງຍານພາຫະນະ, ຖືເປັນການປະກອບສ່ວນອັນສຳຄັນໃຫ້ແກ່ການຂະຫຍາຍໂຕໃນຂະແໜງເສດຖະກິດ ແລະ ການພັດທະນາແບບຍືນຍົງ.
ບັນດາຜູ້ແທນໄດ້ມີການແລກປ່ຽນບົດຮຽນ, ທ່າອ່ຽງການຂະຫຍາຍໂຕຂອງອຸດສາຫະກຳຍານພາຫະນະ ແລະ ການຮ່ວມມືໃນພາກພື້ນ ເພື່ອແກ້ໄຂບັນຫາສິ່ງທ້າທາຍ ແລະ ຍາດແຍ່ງກາລະໂອກາດໃນວິວັດການເຄື່ອນໄຫວຍານພາຫະນະ.
ວາລະກອງປະຊຸມ ຍັງໄດ້ຈັດກິດຈະກໍາລົງຢ້ຽມຢາມ ແລະ ຕິດຕາມການຜະລິດຂອງ ໂຮງງານປະກອບລົດຈັກຮອນດ້າ ແລະ ເຂດເສດຖະກິດພິເສດ VITA Park ເຊິ່ງຈັດຂຶ້ນໃນວັນທີ 22 ພະຈິກ 2024
ການຢ້ຽມຢາມສະຖານທີ່ທັງສອງໄດ້ຮັບຄວາມສົນໃຈຈາກຄະນະຜູ້ແທນໂດຍມີການຖາມຄໍາຖາມ ແລະ ແລກປ່ຽນຄໍາເຫັນຮ່ວມກັນ ເພື່ອວາງແຜນກໍານົດ ການເຕີບໂຕຂອງຂະແໜງຍານພາຫະນະ.
