ຈະດື່ມກາເຟ ຍາມເຊົ້າ-ສວາຍ ຫຼື ຊື້ສິນຄ້າບໍລິໂພກກ່ອນກັບບ້ານເພື່ອເມືອຕ້ອນຄົນໃນຄອບຄົວ ກໍສະດວກສະບາຍ ສໍາລັບໃຜທີ່ຢູ່ໃກ້ເຂດບ້ານຫັດສະດີ ເມືອງຈັນທະບູລີ ນະຄອນຫຼວງວຽງຈັນ ຫຼື ແມ່ນກະທັງຜູ້ເດີນທາງຜ່ານກໍສາມາດແວ່ນັ່ງດື່ມກາເຟໃນຫ້ອງແອເຢັນໆເພື່ອພັກຜ່ອນກ່ອນເດີນທາງຕໍ່.
ພິທີເປີດຮ້ານ Kok kok mart ສາຂາບ້ານຫັດສະດີ ໄດ້ເປີດຂຶ້ນໃນຕອນເຊົ້າ ວັນທີ 11.11.2024 ໂດຍມີແຂກເຂົ້າຮ່ວມ ນຳໂດຍ: ທ່ານ ຊູນິນ ຈິນຕະນາການສາກົນ ຜູ້ອໍານວຍການຝ່າຍປະຕິບັດການ ກ໊ອກ ກ໊ອກ ມາດ ແຟຣນຊາຍ, ທ່ານ ກໍ່ການ ສາທິດຈັນ ຜູ້ອຳນວຍການ ຝ່າຍປະຕິບັດການທາງດ້ານການຄ້າ ກ໊ອກກ໊ອກ ມາດ, ນາຍບ້ານ ຫັດສະດີ ແລະ ແຂກຮັບເຊີນ ຕະຫຼອດຮອດສື່ມ່ວນຊົນທົ່ວໄປເຂົ້າຮ່ວມເປັນສັກຂີພະຍານ, ຮ່ວມສະແດງຄວາມຍິນດີ ແລະ ເຂົ້າໃຊ້ບໍລິການໃນ ກ໊ອກກ໊ອກ ມາດ ສາຂາ ຫັດສະດີ.
ທ່ານ ດຣ. ຝຸ່ນຄຳ ລັດຕະນະວົງ ຕ່າງໜ້າເຈົ້າຂອງ ສາຂາ ຫັດສະດີ ກໍໄດ້ກ່າວສະແດງຕ້ອນຮັບ ແລະ ກ່າວຂອບໃຈຜູ້ສະໜັບສະໜູນເຂົ້າໃຊ້ບໍລິການ ສາຂາຫັດສະດີ ທີ່ຈະໃຫ້ບໍລິການທຸກໆ ທ່ານ ພາຍໃຕ້ ຄຳຂວັນທີ່ວ່າ “ອີ່ມ ຄົບ ຈົບບ່ອນດຽວ”.
kok kok mart ສາຂາ ບ້ານຫັດສະດີ ມີການບໍລິການວາງຂາຍສິນຄ້ານັບ 1,000 ລາຍການຢູ່ຊັ້ນລຸ່ມ; ສ່ວນຊັ້ນເທິງ ເປັນສະຖານກິນດື່ມ ພົບປະສົນທະນາ ເຊິ່ງມີຫຼາຍໂຕະຮອງຮັບບໍລິການໃນຫ້ອງທີ່ເປີດແອຄອຍໄວ້ຕ້ອນຮັບທຸກທ່ານ.
ການເປີດ ສາຂາດັ່ງກ່າວ ຂອງ kok kok mart ຖືວ່າເປັນການຂະຫຍາຍສາຂາເພີ່ມຂຶ້ນເປັນ 45 ສາຂາທົ່ວນະຄອນຫຼວງວຽງຈັນ ແລະ ຈະສືບຕໍ່ຂະຫຍາຍເພີ່ມໄປເລື້ອຍໆ ເພື່ອສ້າງທາງເລືອກໃຫ້ກັບຜູ້ບໍລິໂພກ ຕິດພັນກັບການສົ່ງເສີມສິນຄ້າລາວດ້ວຍການຮັບເຂົ້າວາງຂາຍໃນສະຖານທີ່ດັ່ງກ່າວຢ່າງຫຼາກຫຼາຍເຊັ່ນກັນ.
kok kok mart ສາຂາ ບ້ານ ຫັດສະດີ ມີທີ່ຕັ້ງກົງກັນຂ້າມ ບໍລິສັດ ETL ຖະໜົນ ນາໄຮ່ດຽວ ເມືອງຈັນທະບູລີ ນະຄອນຫຼວງວຽງຈັນ.
ໄປຫາມາແວ່ໄດ້ເປີດບໍລິການທຸກໆວັນ ອໍານວຍຄວາມສະດວກເນັ້ນຄວາມຫຼາກຫຼາຍສະບາຍໃນການເລືອກເລືອກຊື້ “ອີ່ມ ຄົບ ຈົບບ່ອນດຽວ”
