ກອງປະຊຸມນະໂຍບາຍອາຊຽນ ວ່າດ້ວຍ ການສຶກສາຊັ້ນສູງ 2024 ໄດ້ໄຂຂຶ້ນຢ່າງເປັນທາງການ ໃນນະຄອນຫຼວງວຽງຈັນ, ສປປ ລາວ, ວັນທີ 11 ພະຈິກ 2024 ທີ່ໂຮງແຮມຄຣາວພລາຊາ ນະຄອນຫຼວງວຽງຈັນ ສປປ ລາວ ໂດຍງານດັ່ງກ່າວກອງປະຊຸມແມ່ນໃຊ້ເວລາ 2 ວັນ ເຊິ່ງ ພາຍໃຕ້ການເປັນເຈົ້າພາບ ໂດຍ ກະຊວງສຶກສາທິການ ແລະ ກິລາ ຮ່ວມກັບອົງການ UNESCO ແລະ ແຜນງານການເຊື່ອມໂຍງແບບ ຍືນຍົງຂອງ EU-ASEAN-ໂຄງການການສຶກສາຊັ້ນສູງ (SCOPE-HE), ຈັດຕັ້ງປະຕິບັດໂດຍ ອົງການ Nuffic ແລະ DAAD.
ໃຫ້ກຽດເຂົ້າຮ່ວມໂດຍ ທ່ານ ຮສ. ປອ. ພຸດ ສິມມາລາວົງ, ລັດຖະມົນຕີ ກະຊວງສຶກສາ ແລະ ກີລາ ແຫ່ງ ສປປ ລາວ, ທ່ານ ແຊນວິນ, ຮອງເລຂາທິການໃຫຍ່ປະຊາຄົມວັດທະນະທໍາ-ສັງຄົມອາຊຽນ; ທ່ານ ນ. ແວລີ ສະເມັດ ຫົວໜ້າຝ່າຍຮ່ວມມື, ຄະນະຜູ້ແທນ ອີຢູ ປະຈຳ ສປປ ລາວ; ທ່ານ ນາງ ຊູຮຸນ ຄົມຜູ້ອຳນວຍການພາກພື້ນ, ຫ້ອງການພາກພື້ນຂອງອົງການ UNESCO ປະຈຳ ບາງກອກ ແລະ ທ່ານ ບັກໂຮເດີ້ ເບີການົບ, ຜູ້ປະສານງານອົງການສະຫະປະຊາຊາດ, ສປປ ລາວ ພ້ອມດ້ວຍຕາງໜ້າຈາກບັນຫາປະເທດອາຊຽນ ແລະ ສື່ມວນຊົນເຂົ້າຮ່ວມຢ່າງພ້ອມພຽງ.
ໂອກາດດັ່ງກ່າວ ທ່ານ ຮສ. ປອ. ພຸດ ສິມມາລາວົງ, ລັດຖະມົນຕີ ກະຊວງສຶກສາ ແລະ ກີລາ ແຫ່ງ ສປປ ລາວ ໄດ້ໃຫ້ກຽດຂຶ້ນກ່າວເປີດງານຢ່າງເປັນທາງການ
ໂດຍເນື້ອໃຈສໍາຄັນໃນກອງປະຊຸມຄັ້ງນີ້ແມ່ນການມີສ່ວນຮ່ວມໃນການຂັບເຄື່ອນການສຶກສາຊັ້ນສູງ: ການສ້າງຄວາມຍືນຍົງແລະ ຄວາມຫຼາກຫຼາຍ ໂດຍຜ່ານການເຊື່ອມໂຍງ ແລະ ການມີສ່ວນຮ່ວມຂອງທຸກພາກສ່ວນ”, ກອງປະຊຸມໄດ້ເຕົ້າໂຮມເອົາບັນດາຜູ້ ສ້າງໂຍບາຍ, ນັກວິຊາການ, ຜູ້ນໍາທາງດ້ານອຸດສາຫະກຳ ແລະ ອົງການຈັດຕັ້ງສາກົນຈາກທົ່ວພາກພື້ນອາຊຽນ ເພື່ອຊຸກຍູ້ການຮ່ວມມື ແລະ ແກ້ໄຂສິ່ງທ້າທາຍທີ່ປະເຊີນໜ້າກັບການສຶກສາຊັ້ນສູງ. ດ້ວຍຈຸດປະສົງທີ່ແນໃສ່ ການສ້າງຄວາມຍືນຍົງ, ການປັບຕົວ, ແລະ ການລວມມີສ່ວນຮ່ວມ, ຜູ້ເຂົ້າຮ່ວມໄດ້ຄົ້ນຫາຍຸດທະສາດຕ່າງໆ ເພື່ອສ້າງຄວາມເຂັ້ມແຂງໃຫ້ບັນດາລະບົບການສຶກສາຊັ້ນສູງຂອງອາຊຽນເພື່ອຕອບສະໜອງກັບຄວາກ້າວຫນ້າ ທາງດ້ານເຕັກໂນໂລຢີທີ່ໄວວາ, ການປ່ຽນແປງທາງດ້ານເສດຖະກິດ ແລະ ສັງຄົມ, ແລະ ສິ່ງທ້າທາຍຕ່າງໆທາງ ດ້ານວິທະຍາສາດ ແລະ ສິ່ງແວດລ້ອມເປັນຕົ້ນ.
ກອງປະຊຸມນະໂຍບາຍອາຊຽນ ທີ່ນະຄອນຫຼວງວຽງຈັນໃນຄັ້ງນີ້ ເປັນຂີດໝາຍໃນການເລີ່ມຕົ້ນລໍາດັບ ການສົນທະນາດ້ານນະໂຍບາຍທີ່ສໍາຄັນ, ກຳນົດທິດໃຫ້ແກ່ການສົນທະນາທີ່ມີຄວາມຄືບໜ້າ ແລະ ຍືນຍົງ, ເຊິ່ງ ສິ່ງດັ່ງກ່າວນີ້ຈະຊ່ວຍໃຫ້ບັນດາປະເທດສະມາຊິກອາຊຽນ ແລະ ອີຢູ ເຮັດວຽກຮ່ວມກັນເພື່ອແນໃສ່ສ້າງການ ສຶກສາຊັ້ນສູງທີ່ເຊື່ອມໂຍງ ແລະ ເຊື່ອມຈອດກັນໃຫ້ຫຼາຍຂື້ນ. ໃນໄລຍະ 4 ປີຕໍ່ໜ້າ, ຈະມີແຜນຈັດກອງປະຊຸ ມື ແລະ ສົນທະນາທາງດ້ານນະໂຍບາຍຈໍານວນ 06 ຄັ້ງຈະຖືກຈັດຂື້ນຢູ່ບັນດາປະເທດ ອາຊຽນ ແລະ ເອີລົບ. ການສົນທະນາເຫຼົ່ານີ້ຈະກວມເອົາບັນດາປະເດັນທີ່ສໍາຄັນເຊັ່ນ ການຈ້າງງານ, ທັກສະດິຈິຕອນ, ແລະ ການສຶກ ສາແບບຍືນຍົງ.
ຂະນະດຽວກັນຍັງມີພິທີຖະແຫຼງຂ່າວກ່ຽວກັບກອງປະຊຸມຄັ້ງນີ້ ໂດຍ ທ່ານ ຫຼ້າວັນ ວົງຄໍາສານ ຫົວໜ້າກົມການສຶກສາຊັ້ນສູງ ກະຊວງສຶກສາທິການ ແລະ ກິລາ ໄດ້ກ່າວວ່າ: ເພື່ອ ຮັບປະກັນ ແລະ ຂັບເຄື່ອນການຫັນເປັນສາກົນຂອງສະຖາບັນການສຶກສາຊັ້ນສູງ, ສປປ ລາວ ກາຍເປັນຄວາມ ຈິງ. ມັນມີຄວາມຈໍາເປັນທີ່ຈະຕ້ອງເນັ້ນໜັກເຖິງການເຄື່ອນຍ້າຍນັກສຶກສາ, ການໂອນໜ່ວຍກິດ, ການຮັບຮອງການຮັບຮູ້ ແລະ ການຄົ້ນຄວ້າຮ່ວມມື. ນອກຈາກນັ້ນ, ມັນຍັງມີຄວາມຈໍາເປັນເພື່ອປັບປຸງ ແລະ ສ້າງເຄື່ອງມື ຄຸ້ມຄອງມະຫາວິທະຍາໄລທີ່ທັນສະໄໝ ແລະ ເພີ່ມທະວີການຮ່ວມມືໃນພາກພື້ນ ທີ່ເປັນຂໍ້ລິເລີ່ມເພື່ອສົ່ງເສີມ ການຮ່ວມມື ແລະ ຄູ່ຮ່ວມພັດທະນາລະຫວ່າງປະເທດສຳມະຊິກອາຊຽນ, ສະຫະພາບເອີຣົບ ແລະ ບັນດາ ພາກສ່ວນກ່ຽວຂ້ອງອື່ນໆ. ນອກຈາກນັ້ນ, ມັນຍັງມີຄວາມຈຳເປັນໃນການສົ່ງເສີມການຫັນປ່ຽນທາງດ້ານດີ ຈິຕອລໄປສູ່ການສຶກສາຊັ້ນສູງ ແລະ ສະໜັບສະໜູນບັນດາມະຫາວິທະຍາໄລເພື່ອ
