ຄະນະ ແລະ ນັກກິລາເພາະກາຍທີມຊາດ ຈໍານວນ 10 ຄົນ ໄດ້ເດີນທາງໄປຮ່ວມແຂ່ງຂັນກິລາເພາະກາຍຊິງແຊ້ມໂລກ ຄັ້ງທີ 15 ລະຫວ່າງວັນທີ 5-11 ພະຈິກ 2024 ທີ່ເປະເທດເມົາດີຟ
ໂດຍວັນທີ 8 ພະຈິກ 2024 ມີຊິງໄຊຫຼຽນຄໍາຈໍານວນທັງຫມົດ 19 ຫຼຽນຄໍາ ໃນນັ້ນ ມີນັກກິລາເພາະກາຍທີມຊາດລົງ ລົງແຂ່ງຂັນ ຊິງໄຊ 3 ລຸ້ນແຂ່ງຂັນຄື:
1. ທ້າວ ອິນກອນ ສີວິໄລ, ລົງແຂ່ງຂັນເພາະກາຍຊາຍນໍ້າຫນັກບໍ່ເກີນ 55 ກິໂລ
2. ທ້າວ ຄໍາຫລ້າ ສາມະວົງ, ລົງແຂ່ງຂັນເພາະກາຍປະເພດສະແດງລີລາປະກອບເພງ ຄວາມສູງບໍ່ເກີນ 165cm
3. ນາງ ສີຕາ ທອງສຸລິນ, ລົງແຂ່ງຂັນເພາະກາຍຍິງ ລຸ້ນສະແດງລີລາປະກອບເພງ ຄວາມສູງບໍ່ເກີນ 165cm
ຜົນການແຂ່ງຂັນ:
– ທ້າວ ຄໍາຫລ້າ ສາມະວົງ, ແຂ່ງຂັນເພາະກາຍປະເພດສະແດງລີລາປະກອບເພງ ຄວາມສູງບໍ່ເກີນ 165cm ສາມາດຍາດໄດ້ຫລຽນຄໍາ ໂດຍຫຼຽນເງິນ ໄດ້ແກ່ນັກກິລາຈາກປະເທດໄທ ແລະ ຫຼຽນທອງໄດ້ແກ່ນັກກິລາຈາກປະເທດຫວຽດນາມ, ຊຶ່ງຫຼຽນຄໍາດັ່ງກ່າວ ສະຫະພັນກິລາເພາະກາຍແຫ່ງຊາດລາວ ແລະ ທ້າວ ຄໍາຫລ້າ ສາມະວົງ ສາມາດຍາດມາໄດ້ ຖືວ່າເປັນຫຼຽນຄໍາປະຫວັດສາດ ນັກກິລາລາວຍາດມາໄດ້ ເປັນແຊ້ມໂລກຄົນໃຫມ່. ສໍາລັບນັກກິລາອີກ 2 ຄົນ ທີມຊາດລາວ ບໍ່ຜ່ານຮອບຄັດເລືອກ.
ນອກນີ້, ວັນທີ 9 ພະຈິກ 2024 ຍັງມີການຊິງໄຊຫລຽນຄໍາ 23 ຫຼຽນ ໃນນັ້ນມີນັກກິລາເພາະກາຍທີມຊາດລາວ ລົງແຂ່ງຂັນ 8 ລຸ້ນ (8ຫຼຽນຄໍາ) ຜົນການແຂ່ງຂັນຈະເປັນແນວໄດຕື່ມນັ້ນ ຈະອັບເດດຕື່ມ
ຂ່າວ-ຮູບຈາກ: ສະຫະພັນກິລາເພາະກາຍແຫ່ງຊາດລາວ/Lao BBF
