ຫົວຜັກທຽມໂທນ ເປັນຫົວຜັກທຽມຫົວດຽວ ທີ່ຄົນລາວເຮົາມັກກັນ, ແຕ່ຈະມີມູນຄ່າສູງກວ່າຫົວຜັກທຽມນ້ອຍພື້ນເມືອງລາວ ແລະ ຫົວຜັກທຽມໃຫຍ່ທີ່ນຳເຂົ້າຈາກຕ່າງປະເທດ.
ຫົວຜັກທຽມໂທນນອກຈາກຈະສາມາດນຳມາປະກອບໃນການປຸງແຕ່ງອາຫານແລ້ວ ຫົວຜັກທຽມໂທນຍັງມີສັບພະຄຸນຫຼາຍຢ່າງໃນການບັນເທົາອາການຕ່າງໆ ແລະ ສາມາດເຮັດເປັນຢາປົວພະຍາດໄດ້ອີກດ້ວຍ.
ຫົວຜັກທຽມໂທນ ຈະມີໃບຄືກັບຫົວຜັກທຽມນ້ອຍພື້ນເມືອງເຮົາ ແຕ່ຫົວຈະມີລັກສະນະຫົວນ້ອຍ ແຕ່ເປັນຫົວດຽວ, ແຕ່ຫົວຜັກທຽມໂທນ ຈະເປັນທີ່ຕ້ອງການຂອງຕະຫຼາດ ແລະ ມີມູນຄ່າສູງ, ດັ່ງນັ້ນມື້ນີ້ພວກເຮົາຈະມາແນະນຳວິທີປູກຫົວຜັກທຽມໂທນໃຫ້ທ່ານເພື່ອນຳໄປປູກໄວ້ກັນ ຫຼື ເປັນສິນຄ້າ.
▶ການກະກຽມດິນ: ກ່ອນອື່ນໄຖດິນແລ້ວຕາກດິນໄວ້ປະມານ 5-10 ວັນ, ກ່ອນໄຖໃຫ້ຫວ່ານປຸ໋ຍຄອກ ອັດຕາ 1-2 ໂຕນຕໍ່ໄລ່ ຫຼື ຫຼາຍກວ່າ ຈາກນັ້ນໄຖອີກຮອບໃຫ້ດິນມີຄວາມລະອຽດ, ຈາກນັ້ນກໍ່ຄູໝານຂຶ້ນສູງປະມານ 15-20 ຊັງຕີແມັດ ແລ້ວເຮັດຮ່ອງຂ້າງໜານປະມານ 70 ຊັງຕີແມັດ ຫາ 1,5 ແມັດ, ສ່ວນຄວາມຍາວແມ່ນຂຶ້ນຕາມພື້ນທີ່ດິນ ຫຼື ຕາມໃຈໝັກ.
▶ວິທີປູກ: ນຳຫົວຜັກທຽມໂທນ ທີ່ກຽມໄວ້ເປັນແນວພັນ (ເຊິ່ງຈະໃຊ້ຫົວແກ່ ແລະ ສົມບູນ).
[ farmlandthai ]
