ສຳນັກຂ່າວ ຊິນຮວາລາຍງານວ່າ: ກຳປູເຈຍ ໄດ້ເປີດຕົວສູນ ບໍລິການ ການສົ່ງອອກ (Export Service Center – ESC) ເພື່ອສະໜັບສະໜູນ ໃຫ້ບໍລິສັດຕ່າງໆ ກາຍເປັນກຸ່ມຜູ້ສົ່ງອອກທີ່ມີຄວາມສາມາດໃນການແຂ່ງຂັນລະດັບໂລກ.
ທ່ານ ນາງ ຈອມ ນິມ ( Cham nimul ) ລັດຖະມົນຕີກະຊວງ ກ່າວລະຫວ່າງງານເປີດຕົວສູນ ໃນນະຄອນຫຼວງພະນົມເປັນຂອງ ກຳປູເຈຍ ລະບຸວ່າ: ສູນແຫ່ງນີ້ຈະໃຫ້ຄຳແນະນໍາ ບໍລິສັດນ້ອຍ – ໃຫຍ່ ເພື່ອເອົາຊະນະຄວາມສັບຊ້ອນທາງການຄ້າສາກົນ. ພ້ອມທັງ ເນັ້ນໜັກວ່າ: ຈະມີບໍລິການ ສະໜັບສະໜູນແບບສະເພາະ ເຈາະຈົງໃຫ້ກັບທຸລະກິດຕ່າງໆ ໃນທຸກຂັ້ນຕອນ ຂອງຂະບວນການສົ່ງອອກ, ຄວບຄຸມ ການໃຫ້ຄວາມຊ່ວຍເຫລືອ ຕັ້ງແຕ່ການສຳຫລວດຕະຫຼາດເບື້ອງຕົ້ນ ໄປຈົນເຖິງການຈັດສົ່ງ ຜະລິດຕະພັນຂັ້ນສຸດທ້າຍ.
ສູນແຫ່ງນີ້ ເປັນຊັບພະຍາກອນຫລັກ ສຳລັບກຸ່ມບໍລິສັດ ສັນຊາດ ກຳປູເຈຍ ທີ່ຕ້ອງການເຂົ້າສູ່ຕະຫຼາດໂລກ , ພ້ອມທັງ ເປັນເປົ້າໝາຍ ສູງສຸດຂອງສູນ ຄືການສົ່ງເສີມ ການເຕີບໂຕທາງເສດຖະກິດ ທີ່ຍືນຍົງໃນພາກການສົ່ງອອກ ຂອງກຳປູເຈຍ.
