ເຮືອຊ່ວງທິດາສອງນາງ ບ້ານເກີນກາງ 3 ຄອງຂັນຊະນະເລີດ ງານບຸນຊ່ວງເຮືອປະເພນີ ຊິງຂັນເຈົ້າແຂວງວຽງຈັນ ປະຈຳປີ 2024 ທີ່ທ່ານໍ້າບ້ານເກີນ ເມືອງທຸລະຄົມ ແຂວງວຽງຈັນ ລະຫວ່າງ 2-3 ພະຈິກ 2024 3fpງານແຂ່ງຂັນເຮືອປະເພນີ 55 ສີພາຍ ມີເຮືອເຂົ້າຮ່ວມ 17 ລຳ, ແບ່ງເປັນ 4 ສາຍ
ຜ່ານການແຂ່ງຂັນ ອັນດັບ 1 ເຮືອທິດາສອງນາງ ບ້ານເກີນກາງ 3 ຄອງຂັນຫນູນວຽນເປັນປີທຳອິດ ຂັນທ່ານເຈົ້າແຂວງວຽງຈັນ ພ້ອມຂັນເງິນ 1 ຫນ່ວຍ ພ້ອມເງິນລາງວັນ 50,000,000 ກີບ.
ອັນດັບ 2 ເຮືອເຈົ້າແມ່ນາງນ້ອຍ ຮັບຂັນເງິນ 1 ຫນ່ວຍ ພ້ອມເງິນລາງວັນ 40,000,000 ກີບ
ອັນດັບ 3 ເຮືອທິດາວຽງທອງ ບ້ານຕານປ່ຽວ ຮັບຂັນເງິນ 1 ຫນ່ວຍ ພ້ອມເງິນລາງວັນ 30,000,000
ອັນດັບ 4 ເຮືອນາງສາວວົງເພັດ ບ້ານແຈ້ງ ຮັບຂັນເງິນ 1 ຫນ່ວຍ ພ້ອມເງິນລາງວັນ 20,000,000 ກີບ.
ຂະນະທີ່ ປະເພດເຮືອ 12 ສີພາຍ ມີການແຂ່ງຂັນປະເພດເຮືອ 12 ສີພາຍ ມີເຮືອເຂົ້າຮ່ວມ 40 ລຳ ແບ່ງເປັນ 8 ກຸ່ມລະ 5 ລຳ, ແຂ່ງຂັນແບບພົບກັນຫມົດໃນກຸ່ມ ເອົາອັນດັບ 1-2 ເຂົ້າຮອບຕໍ່ໄປ. ຜ່ານການແຂ່ງຂັນຜົນປາກົດວ່າ: ອັນດັບ 1 ເຮືອຊ່ວງອະພິມາ ຮັບຂັນຊະນະເລີດ ພ້ອມເງິນລາງວັນ 30,000,000 ກີບ
ອັນດັບ 2 ເຮືອແພມາລີ 1 ຮັບຂັນ ພ້ອມເງິນລາງວັນ 20,000,000 ກີບ
ອັນດັບ 3 ເຮືອ PNM ເທບທິດານ້ອຍ 888 ຮັບຂັນ ພ້ອມເງິນລາງວັນ 15,000,000 ກີບ
ອັນດັບ 4 ເຮືອກຸຫລາບແດງ ຮັບຂັນ ພ້ອມເງິນລາງວັນ 10,000,000 ກີບ.
ງານບຸນຊ່ວງເຮືອຄັ້ງນີ້ ສະຫນັບສະຫນູນຫລັກໂດຍ ບໍລິສັດ ນໍ້າເພັດຈະເລີນຊັບ ມູນຄ່າ 890,000,000 ກີບ
ຂ່າວ: ທີມຂ່າວກິລາ Lao National TV
Photo: Bounma Keoboutda.
