ໜຸ່ມ ແຊມ ສິດປະເສີດ ສີອິນທະວົງ ເປັນອີກໜຶ່ງຄວາມຫວັງ ແລະ ຕົວແທນສາຍສະພາຍລາວໃນເວທີການປະກວດໃນລະດັບສາກົນ Mister World 2024 ທີ່ຈະຈັດຂື້ນຢູ່ທີ່ປະເທດ ຫວຽດນາມ Vietnam ລະຫວ່າງວັນທີ 5-23 ພະຈິກ 2024.
ແຊມ ສິດປະເສີດ ສີອິນທະວົງ Mister World Laos 2024 ໄດ້ອອກເດີນທາງໄປປະເທດຫວຽດນາມ ໃນຕອນເຊົ້າວັນທີ 5 ພະຈິກ 2024 ໂດຍມີ ທ່ານ ໄຊຊະນະ ນໍລະສິງສີສານ ປະທານ Mister Laos ແລະ ທ່ານ ຄຳເພົ້າ ບົວພັນ ເຈົ້າຂອງຫ້ອງເສື້ອ ຄຳເພົ້າ ສັ່ງໄດ້ ພ້ອມດ້ວຍ ພໍ່ ແລະ ແມ່ ນ້ອງແຊມ ມາສົ່ງໃຫ້ກຳລັງໃຈລູກຊາຍສຸດທີ່ຮັກ ພ້ອມດ້ວຍກອງເຊຍໄປຮ່ວມສົ່ງທີ່ສະໜາມບິນສາກົນ ວັດໄຕ ຢ່າງອົບອຸ່ນ.
ແຊມ ສິດປະເສີດ ສີອິນທະວົງ 20 ປີ ເກີດທີ່ບ້ານຈອມເພັດໃຕ້ ເມືອງສີສັດຕະນາກ ນະຄອນວຽງຈັນ ເປັນຕົວແທນແຂວງ ເຊກອງ ເປີດເຜີຍວ່າ: ຮຽນຈົບມໍປາຍຢູ່ ມສ ວຽງຈັນ ປັດຈຸບັນ ກຳລັງຮຽນຢູ່ມະຫາວິທະຍາໄລແຫ່ງຊາດ ຄະນະວິສະວະກຳສາດ ພາກກົນຈັກ ແລະ ສະຖາບັນລັດຕະນະພາກພາສາອັງກິດທຸລະກິດ ປີທີ 4 ພ້ອມຍັງເຮັດວຽກທີ່ VIP fitness ແລະ ສາມາດເປັນ ເທນເນີ້ ຟີແລ້ນໄດ້. ນອກນັ້ນ, ນ້ອງຍັງໄດ້ເປັນ ແບຣນອໍາບາສເດີ້ ຂອງ ຄຳເພົ້າສັ່ງໄດ້ ອີກດ້ວຍ.
“ ຄວາມສາມາດພິເສດແມ່ນແຊມຈະສະແດງເດາະບານ ແລະ ຮ້ອງເພງ ຫວັງວ່າຈະເປັນອີກໜຶ່ງບົດເພງທີ່ສ້າງຄວາມປະທັບໃຈໃຫ້ ແກ່ທຸກຄົນ ແລະ ແຊມຄິດວ່າຕົນເອງມີຈຸດເດັ່ນທີ່ຈະເອົາຊະນະໃຈກຳມະການ ແລະ ຕຳແໜ່ງຄື: ຄວາມກ້າ, ບຸກຄະລິກກະພາບທີ່ດີ, ການເຄົາລົບ ແລະ ໃຫ້ກຽດຜູ້ໃຫຍ່ ແລະ ຄວາມທີ່ມີອາຍຸນ້ອຍກວ່າໝູ່ໃນການປະກວດຄັ້ງນີ້ ທີ່ສຳຄັນຄືການກຽມຕົວມາດີ ເພາະນ້ອງໄດ້ກຽມເລື່ອງຂອງພາສາ, ການອອກກໍາລັງກາຍເພື່ອຮັກສາຫຸ່ນ, ເລື່ອງຂອງທັດສະນະຄະຕິ ຄວາມຮູ້ຮອບຕົວເພື່ອໃຊ້ໃນຮອບຕອບຄໍາຖາມ ” ແຊມ ສິດປະເສີດ ສີອິນທະວົງ ກ່າວ.
ນອກນັ້ນ, ແຊັມ ຍັງເປັນອະດີດນັກເຕະບານທີມຊາດ U15-U17 ແລະ ສະໂມສອນ ຊ້າງນ້ອຍ ຊຸດສາຍກໍ 2019 ພາທີມຍາດໄດ້ອັນດັບທີ 2. ນອກນັ້ນ, ຍັງສາມາດແຕ່ງແພງສະຕາຍແລັບ ຮ້ອງແພງ ເຕັ້ນຮີບຮອບໄດ້, ສ່ວນຜົນງານໃນວົງການບັນເທີງທີ່ຜ່ານມາເຄີຍປະກວດເວທີ Mister Lao 2021 ໄດ້ເຂົ້າ Top5 ໄດ້ລາງວັນ The barber Lao, ແນ່ນອນໃນເວທີ Mister World 2024 ທີ່ຫວຽດນາມ ນ້ອງຈະໄປເຜີຍແຜ່ທາງກ້ານວັດທະນະທຳ ແລະ ແຫຼ່ງທ່ອງທຽວໃນປະເທດລາວເຮົາພ້ອມຢາກເປັນກະບອກສຽງ ແລະ ເປັນແບບຢ່າງໃຫ້ຄົນລາວພູມໃຈໃນຄວາມເປັນລາວດ້ອຍທັດສະນະຄະຕິທີ່ດີ.
ຂ່າວ: Larh Creators; ຮູບຈາກ: Sam Syinthavong
