ນ້ອງ ເລດີ້ ຊະຊິກອນ ຊະຊິດ Miss International Laos 2024 ໄດ້ສວມໃສ່ຊຸດປະຈໍາຊາດ “ຟ້ອນ ນາງລີລົວ” ຈາກຊົນເຜົ່າໂອ ລົງປະກວດໃນການປະກວດໃນເວທີ Miss International 2024 ທີ່ປະເທດຍີ່ປຸ່ນ ເປັນທີ່ຮຽບຮ້ອຍໃນວັນທີ 3 ພະຈິກ 2024 ເຮັດໄດ້ຢ່າງໂດດເດັ່ນ ແລະ ບໍ່ຄືໃຜບໍ່ມີໃຜຄື ເປັນເອກະລັກສຸດໆ ມີລຸ້ນຊຸດປະຈໍາຊາດດີເດັ່ນ ຖ້າເບິ່ງຜົນອີກເທື່ອໜຶ່ງ.
ກອງປະກວດ Miss International Laos 2024 ເປີດເຜີຍວ່າ: ຊຸດປະເພນີທີ່ກຳລັງຈະສູນຫາຍ ວັດທະນະທຳທີ່ເຮົາຢາກຈາລຶກໄວ້ ແລະ ເຜີຍແຜ່ເທິງເວທີລະດັບໂລກ ນັ້ນກໍ່ຄືຊຸດ “ຟ້ອນ ນາງລີລົວ” ຈາກຊົນເຜົ່າໂອ ແຂວງບໍລິຄຳໄຊ ປະເທດລາວ.
ກ່ອນໜ້ານີ້ ຊະຊິກອນ ຊະຊິດ Miss International Laos 2024 ໃຫ້ສໍາພາດວ່າ: ດີໃຈທີ່ສຸດເລີຍທີ່ໄດ້ກາຍເປັນ Miss International Laos 2024 ແລະ ຂອບໃຈທຸກໆຄົນຫຼາຍ, ທຸກໆພາກສ່ວນ ລວມເຖິງແຟນໆທຸກຄົນ ທີ່ໃຫ້ການສະໜັບສະໜູນມາໂດຍຕະຫຼອດ ແລະ ແນະນໍາໃນສິ່ງທີ່ດີໆ ແນ່ນອນການໄປຄັ້ງນີ້ ນ້ອງຕື່ນເຕັ້ນທີ່ສຸດເພາະເປັນການເດີນທາງໄປເຖິງປະເທດຍີ່ປຸ່ນຄັ້ງທໍາອິດ, ນ້ອງໄດ້ເຮັດວຽກຢ່າງໜັກ ແລະ ທີມງານກໍເຊັ່ນດຽວກັນ ເພາະການກຽມຕົວຄັ້ງນີ້ມີເວລາໜ້ອຍ ແລະ ໄດ້ແຂ່ງຂັນກັບເວລາ.
“ ສ່ວນຊຸດປະຈໍາຊາດແມ່ນ ເລດີ້ ຊຸດ ຟ້ອນ ນາງລີລົວ ເຫັນແລ້ວຮູ້ສຶກຖືກສະຕາ ແລະ ເຂົ້າກັບຕົວເອງຫຼາຍ ຈິ່ງເລືອກຊຸດນີ້ເພື່ອໄປສະແດງໃນເວທີລະດັບໂລກ ໃຫ້ຊາວໂລກໄດ້ຮັບຮູ້ ເພາະວ່າມັນເປັນວັດທະນາທໍາທີ່ໃກ້ຈະສູນຫາຍ ແລະ ພິເສດກໍຄືບົດຟ້ອນບໍ່ຄືໃຜ ແລະ ບໍ່ຄືກັບບົດຟ້ອນໃດໆເລີຍ ເຊື່ອວ່າທຸກຄົນກໍຄິດວ່າຍັງມີບົດຟ້ອນແບບນີ້ຢູ່ບໍ ໃນປະເທດລາວ. ນອກນັ້ນ ພວກເຮົາກໍຍັງມີການກະກຽມ ແລະ ອອກແບບແຕ່ລະຊຸດແມ່ນເຂົ້າກັບ ເລດີ້ ທຸກຊຸດເລີຍ ໂດຍເນັ້ນຄວາມເປັນລາວເພື່ອໄປສະແດງຕໍ່ເວລາລະດັບໂລກຄັ້ງນີ້ ” ຊະຊິກອນ ຊະຊິດ ກ່າວ.
ສໍາລັບ ເວທີປະກວດ Miss International 2024 ທີ່ປະເທດຍີ່ປຸ່ນ ຈະເລີ່ມຕັ້ງແຕ່ວັນທີ 30 ຕຸລາ 2024 ໄປຈົນເຖິງຮອບສຸດທ້າຍຮອບຕັດສິນໃນວັນທີ 12 ພະຈິກ 2024 ໂດຍຮອບສໍາຄັນອື່ນໆກໍຈະມີຄື: ຮອບຊຸດປະຈໍາຊາດວັນທີ 3 ພະຈິກ 2024, ຟໍຣັນທຸລະກິດ ແລະ ງານການກຸສົນ ໃນວັນທີ 5 ພະຈິກ 2024 ແລະ ຮອບທໍາອິດ ໃນວັນທີ 11 ພະຈິກ 2024 ລວມເຖິງກິດຈະກໍາອື່ນໆຢ່າງຫຼວງຫຼາຍ.
ຂ່າວ: Larh Creators; ຮູບຈາກ: Miss International Laos
