ໃນວັນທີ 2 ຕຸລາ 2024 ນີ້, ທີ່ກະຊວງແຮງງານ ແລະ ສະຫວັດດີການສັງຄົມ(ຮສສ) ໂຄງການນໍ້າໃຈມິດຕະພາບ-ລາວໄທ ຊ່ວຍໄພພິບັດນໍ້າຖ້ວມ 2024 ຢູ່ ສປປລາວ. ໄດ້ມອບຢາປົວພຖະຍາດ, ຖົງບັນເທົາທຸກ ແລະ ເຄື່ອງບໍລິໂພກ ລວມມູນຄ່າ 5.200.000 ບາດ. ໃນນີ້ ມີ ລາຍການຢາລວມ 520 ແກັດ (ມີລາຍລະອຽດຄັດຕິດມາພ້ອມ) ເປັນເງິນ 5.000.000 ບາດ; ຖົງບັນເທົາທຸກ 368 ຖົງ, ນໍ້າດື່ມ 420 ແພັກ, ເຂົ້າເປົານ້ອຍ 5 ເປົາ, ເຂົ້າເປົາໃຫ່ຍ 5 ເປົ່າ ຕາງໜ້າມອບໂດຍ: ທ່ານ ດຣ ພິພັດພົນ ສາຣະໂນທະຍານ ເປັນຜູ້ກໍ່ຕັ້ງ ແລະ ສະໜັບສະໜູນໂຄງການ ແລະ ທັງເປັນປະທານບໍລິສັດປະທະມາວັດ ປີໂຕຼລຽມ ລາວ.
ໂດຍການກ່າວຮັບຂອງທ່ານ ນາງ ໃບຄຳ ຂັດທິຍະ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ຮອງປະທານຄະນະກຳມະການຄຸ້ມຄອງໄພພິບັດຂັ້ນສູນກາງ, ພ້ອມດ້ວຍຄະນະ ການຊ່ວຍເຫຼືອ ໃນຄັ້ງນີ້ສຳລັບຢາປົວພະຍາດແມ່ນໄດ້ມອບໃຫ້ກະຊວງສາທາເປັນຜູ້ຈັດສົ່ງແຈກຢາຍໃຫ້ບັນດາແຂວງ ທີ່ຖືກຜົນກະທົບ ໄພພິບັດ ຢູ່ບັນດາແຂວງທົ່ວປະທດ ສປປລາວ.
ໂອກາດນີ້, ທ່ານນາງ ໃບຄຳ ຂັດທິຍະ ຍັງໄດ້ກ່າວສະແດງຂອບໃຈຕໍ່ໂຄງການນໍ້າໃຈມິດຕະພາບ ລາວ-ໄທ ພ້ອມດ້ວຍຄະນະ ທີ່ໄດ້ມີນ້ຳຈິດນ້ຳໃຈຊວ່ຍເຫຼືອໄພພິບັດໃນຄັ້ງນີ້, ພ້ອມທັງໃຫ້ຄໍາໝັ້ນສັນຍາວ່າ ຈະນໍາເອົາເຄື່ອງຈໍານວນດັ່ງກ່າວ ໄປໝູນໃຊ້ເຂົ້າໃນວຽກງານຊ່ວຍເຫຼືອຜູ້ປະສົບໄພນໍ້າຖ້ວມຢູ່ບັນດາແຂວງທົ່ວປະເທດໃຫ້ເກີດປະໂຫຍດສູງສຸດ.
