ປັນຂ່າວດີໆສຸດໆສໍາລັບທີມຊາດລາວ ຊຸດໃຫຍ່ ກຽມຈະໄດ້ກອງກາງປະສົບການສູງຢ່າງ ພຸດທະໄຊ ໂຄຈະເລີນ ຈາກສະໂມສອນ ທັບຫຼວງ ຢູໄນເຕັດ ໃນໄທລີກ 3 ຂອງປະເທດໄທ ກັບມາສົມທັບທີມກຽມລຸຍການແຂ່ງຂັນບານເຕະຕາມປະຕິທິນຂອງ ຟີຟາ ເດ ທີ່ຈະຈັດຂຶ້ນໃນລະຫວ່າງເດືອນ 10-11 2024 ແລະ ອາດຈະເປັນກໍາລັງສໍາຄັນໃນການລຸຍລາຍການໃຫຍ່ທ້າຍປີກໍຄືລາຍການ ASEAN Mitsubishi Electric Cup 2024 ໃນເດືອນທັນວາ 2024.
ສະໂມສອນ ທັບຫຼວງ ຢູໄນເຕັດ ( ทัพหลวง ยูไนเต็ด ) ເປີດເຜີຍວ່າ: ຂໍສະແດງຄວາມຍິນດີກັບ ພຸດທະໄຊ ໂຄຈະເລີນ ທີ່ມີຊື່ຕິດທີມຊາດລາວ ກຽມເຂົ້າສູນຝຶກຊ້ອມກັບທີມຊາດລາວ ໃນໄລຍະ ຟີຟາ ເດ, ສະໂມສອນ ທັບຫຼວງ ຢູໄນເຕັດ ຂໍສະແດງຄວາມຍິນດີກັບລາວ ທີ່ໄດ້ຮັບໂອກາດຕິດທີມຊາດລາວ ອີກຄັ້ງ.
ທ່ານ ອາຈານ ສຸດດາ ຄູຝຶກດ້ານພາລະກໍາລັງຂອງ ທັບຫຼວງ ຢູໄນເຕັດ ເປີດເຜີຍວ່າ: ໃນໄລຍະ 2-3 ປີທີ່ຜ່ານມາ ແມ່ນຫຼິ້ນໃຫ້ກັບສະໂມສອນຫຼ້າສຸດກໍຄື ສະໝຸດປະການ ຊິຕີ້ ດ້ວຍການພາທີມຂຶ້ນໄປຫຼິ້ນໃນໄທລີກ 1 ກ່ອນທີ່ຕົວເອງຈະໄດ້ຮັບບາດເຈັບຢ່າງຕໍ່ເນື່ອງ ແລະ ໄດ້ພັກໄປດົນພໍສົມຄວນ ຫຼ້າສຸດໃນປີທີ່ຜ່ານມາ ໄດ້ກັບມາຫຼິ້ນອີກຄັ້ງໜຶ່ງກັບສະໂມສອນ ທັບຫຼວງ ຢູໄນເຕັດ.
ສໍາລັບ ເສັ້ນທາງການເປັນນັກເຕະຂອງ ພຸດທະໄຊ ເລີ່ມຈາກການເປັນນັກເຕະເຍົາວະຊົນ ທີ່ມາຈາກ ສະໂມສອນ ເອັສຣາ ນັບຕັ້ງແຕ່ປີ 2007 ຈົນເຖິງປີ 2014, ປີ 2015 ຫຼິ້ນໃຫ້ກັບ ສະໂມສອນ ຮ່ວາງແອ໋ງ ອັດຕະປື ເອັຟຊີ, ປີ 2016 ຫຼິ້ນໃຫ້ກັບ ສະໂມສອນ ລ້ານຊ້າງ ຢູໄນເຕັດ ພ້ອມພາທີມຄວ້າແຊັມ ລາວພຣີເມຍລີກ ແລະ ຮອງແຊັມ TOYOTA MEKONG CLUB CHAMPIONSHIP 2017 ກ່ອນທີ່ປີ 2018 ຈະຍ້າຍໄປຫຼິ້ນໃຫ້ກັບ ນະຄອນປະຖົມ ຢູໄນເຕັດ ທີມໃນໄທລີກ 2 ຈົນເຖິງປີ 2021 ກ່ອນຍ້າຍໄປຫຼິ້ນໃຫ້ກັບ ສະໝຸດປະການ ຊິຕີ້ ເອັຟຊີ ໄທລີກ 1 ແລະ ໄດ້ຮັບບາດເຈັບ ລວມເຖິງໄດ້ພັກແຂ່ງໄປດົນພໍສົມຄວນ ກ່ອນຈະກັບມາອີກຄັ້ງໃນປີ 2023 ຫຼິ້ນໃຫ້ກັບ ທັບຫຼວງ ຢູໄນເຕັດ ໃນປັດຈຸບັນ.
ຂ່າວ: Larh Creators
