ມູນຄ່າການນໍາເຂົ້າ ແລະ ສົ່ງອອກສິນຄ້າຂອງ ສປປ ລາວ ໃນເດືອນສິງຫາ 2024 ບັນລຸໄດ້ 1.211 ລ້ານໂດລາສະຫະລັດ ຫຼຸດລົງ 0,8% ຈາກເດືອນຜ່ານມາ. ໃນນີ້, ມູນຄ່າສົ່ງອອກບັນລຸໄດ້ 541 ລ້ານໂດລາສະຫະລັດ ເພີ່ມຂຶ້ນ 1,4% ແລະ ມູນຄ່ານໍາເຂົ້າ ບັນລຸໄດ້ 670 ລ້ານໂດລາສະຫະລັດ ຫຼຸດລົງ 2,4% ຈາກເດືອນກໍລະກົດຜ່ານມາ.
ສູນຂໍ້ມູນຂ່າວສານທາງດ້ານການຄ້າຂອງ ສປປ ລາວ ລາຍງານວ່າ ສິນຄ້າສົ່ງອອກຫຼັກ ປະກອບມີ: ເຄື່ອງໃຊ້ໄຟຟ້າ 94 ລ້ານໂດລາສະຫະລັດ, ຄໍາປະສົມ 57 ລ້ານໂດລາສະຫະລັດ, ຢາງພາລາ 38 ລ້ານໂດລາສະຫະລັດ, ເຈ້ຍ 38 ລ້ານໂດລາສະຫະລັດ, ແຮ່ທອງ 36 ລ້ານໂດລາສະຫະລັດ, ເຫຍື່ອໄມ້ 25 ລ້ານໂດລາສະຫະລັດ, ນໍ້າຕານ 11 ລ້ານໂດລາສະຫະລັດ, ເກືອກາລີ 11 ລ້ານໂດລາສະຫະລັດ, ແປ້ງມັນຕົ້ນ 8 ລ້ານໂດລາສະຫະລັດ, ມັນຕົ້ນ 5 ລ້ານໂດລາສະຫະລັດ.
ສ່ວນສິນຄ້ານໍາເຂົ້າຫຼັກ ປະກອບມີ: ນ້ຳມັນກາຊວນ 66 ລ້ານໂດລາສະຫະລັດ, ອຸປະກອນກົນຈັກ 59 ລ້ານໂດລາສະຫະລັດ, ພາຫະນະທາງບົກ 53 ລ້ານໂດລາສະຫະລັດ, ຜະລິດຕະພັນເຄມີປະສົມສໍາເລັດຮູບ 48 ລ້ານໂດລາສະຫະລັດ, ເຄື່ອງໄຟຟ້າ 32 ລ້ານໂດລາສະຫະລັດ, ເຫຼັກ 27 ລ້ານໂດລາສະຫະລັດ, ເຄື່ອງໃຊ້ທີ່ເຮັດດ້ວຍພລາສຕິກ 26 ລ້ານໂດລາສະຫະລັດ, ຊິ້ນສ່ວນອາໄຫຼ່ລົດ 23 ລ້ານໂດລາສະຫະລັດ, ນໍ້າມັນແອັດຊັງ 19 ລ້ານໂດລາສະຫະລັດ, ເຄື່ອງດື່ມ 19 ລ້ານໂດລາສະຫະລັດ.
ປະເທດທີ່ ສປປ ລາວ ສົ່ງອອກຫຼາຍ ປະກອບມີ: ຫວຽດນາມ ປະມານ 168 ລ້ານໂດລາສະຫະລັດ, ຈີນ ປະມານ 145 ລ້ານໂດລາສະຫະລັດ, ໄທ ປະມານ 96 ລ້ານໂດລາສະຫະລັດ, ສ.ອາເມຣິກາ ປະມານ 32 ລ້ານໂດລາສະຫະລັດ ແລະ ສະວິດເຊີແລນ 27 ລ້ານໂດລາສະຫະລັດ.
ປະເທດທີ່ ສປປ ລາວ ນໍາເຂົ້າຫຼາຍປະກອບມີ: ໄທ ປະມານ 254 ລ້ານໂດລາສະຫະລັດ, ຈີນ ປະມານ 245 ລ້ານໂດລາສະຫະລັດ, ຫວຽດນາມ ປະມານ 69 ລ້ານໂດລາສະຫະລັດ, ສ.ອາເມຣິກາ 26 ລ້ານໂດລາສະຫະລັດ ແລະ ຍີ່ປຸ່ນ ປະມານ 12 ລ້ານໂດລາສະຫະລັດ.
ມູນຄ່າການນໍາເຂົ້າ ແລະ ສົ່ງອອກ ປະຈໍາເດືອນສິງຫາ ປີ 2024 ແມ່ນຍັງບໍ່ລວມເອົາມູນຄ່າການນໍາເຂົ້າ ແລະ ສົ່ງອອກໄຟຟ້າ ( ສໍາລັບມູນຄ່າການນຳເຂົ້າ ແລະ ສົ່ງອອກໄຟຟ້າ ພວກເຮົາຈະເອົາລົງ ພາຍຫຼັງທີ່ເກັບກໍາຕົວເລກສະຖິຕິໄດ້ຄົບຖ້ວນ ແລະ ຊັດເຈນແລ້ວ ).
