ງານປະກວດ Miss International Laos 2024 ຮອບສຸດທ້າຍຈັດຂຶ້ນ ໃນເສົາທີ 21 ກັນຍາ 2024 ທີ່ວັງວຽງ ມີເລື່ອງໜຶ່ງທີ່ທີມງານພວກເຮົາຢາກເລົ່າກັບການຕອບຄໍາຖາມຂອງ ນາງສາວ ເລດີ ສະສິກອນ ຊາຊິດ ອາຍຸ 18 ປີສູງ 170 ຊັງຕີແມັດ ແລະ ນໍ້າໜັກ 46 ກິໂລກກຣາມ ທີ່ເອົາຊະນະໃຈກໍາມະການ ແລະ ກອງເຊຍລາວທົ່ວໜ້າ ເພາະຖືກໃຈອີຫຼີ່ກັບຄໍາຕອບທີ່ວ່າ: ນ້ອງພູມໃຈ ແລະ ບໍ່ໄດ້ອາຍທີ່ມີ ພໍ່ຂັບຈໍາໂບ້ – ແມ່ຂາຍເຄື່ອງ.
ເວທີດັ່ງກ່າວ ເລດີ ສະສິກອນ ຊາຊິດ ໄດ້ຖືກຄັດເລືອກໃຫ້ເຂົ້າຮອບ 5 ຄົນສຸດທ້າຍ ( TOP 5 ) ກ່ອນຈະເຂົ້າໄຮໄລທ໌ສໍາຄັນຄືການຕອບຄໍາຖາມ ໂດຍ ເລດີ ສະສິກອນ ຊາຊິດ ໄດ້ຮັບຄໍາຖາມທີ່ວ່າ: ສິ່ງໃດທີ່ເຈົ້າໃຫ້ຄຸນຄ່າທີ່ສຸດໃນຊີວິດ ແລະ ຍ້ອນຫຍັງ?
ກ່ອນທີ່ ເລດີ ສະສິກອນ ຊາຊິດ ຈະຕອບແບບບໍ່ລັງເລວ່າ: ສິ່ງທີ່ ເລລີ ໃຫ້ຄຸນຄ່າທີ່ສຸດກໍຄື ພໍ່ ແລະ ແມ່ ຂອງເລດີ, ບອກໄດ້ວ່າ ເລລີ ບໍ່ໄດ້ມາຈາກຄອບຄົວທີ່ຮັ່ງມີ ເພາະພໍ່ແມ່ນຂັບລົດຈໍາໂບ້ ແລະ ແມ່ຂາຍເຄື່ອງ ແຕ່ວ່າ ເລດີ ບໍ່ເຄີຍອາຍ ແລະ ກໍບໍ່ເຄີຍຄິດທີ່ຈະນ້ອຍໃຈທີ່ເປັນລູກຄົນທີ່ຫາເງິນດ້ວຍອາຊີບທີ່ຊື່ສັດ ສະນັ້ນ ເລດີ ຈະເຮັດໃຫ້ພໍ່ແມ່ພູມໃຈ
ຈາກຄໍາຕອບດັ່ງກ່າວ ບວກກັບຄວາມສາມາດ ແລະ ຄວາມງາມສົມແລ້ວທີ່ເປັນຍິງລາວທັງງາມທັງເກັ່ງ ເຮັດໃຫ້ ເລດີ ສະສີກອນ ຊາຊິດ ຖືກເລືອກໃຫ້ກາຍເປັນ Miss International Laos 2024 ພ້ອມສິດໄປປະກວດໃນເວທີ Miss International 2024 ທີ່ນະຄອນຫຼວງໂຕກຽວ ປະເທດຍີ່ປຸ່ນ ໃນເດືອນຕຸລາ 2024.
ສ່ວນອັນດັບອື່ນໆມີດັ່ງນີ້:
-ມົງກຸດເພັດ ຫານຊະນະ ຮອງອັນດັບ 1 Miss International Laos 2024
-ທິບພະຈັນ ສົມບູນທິບ ຮອງອັນດັບ 2 Miss International Laos 2024
-ພິລະດາ ສຸລິນທອງ ຮອງອັນດັບ 3 Miss International Laos 2024
-ຈິດຕະກອນ ມູນທະດີ ຮອງອັນດັບ 4 Miss International Laos 2024
