ສູນຂໍ້ມູນຂ່າວສານທາງດ້ານການຄ້າ ຂອງ ສປປ ລາວ ລາຍງານວ່າ: ມູນຄ່າການນໍາເຂົ້າ ແລະ ສົ່ງອອກ ສິນຄ້າ (ບໍ່ລວມໄຟຟ້າ) ຂອງ ສປປ ລາວ ປະຈໍາເດືອນ ສິງຫາ 2024 ບັນລຸໄດ້ 1.211 ລ້ານໂດລາສະຫະລັດ ທຽບໃສ່ ເດືອນ ກໍລະກົດ ຜ່ານມາ ຫຼຸດລົງປະມານ 0,8%.
ໃນນີ້, ມູນຄ່າສົ່ງອອກບັນລຸໄດ້ 541 ລ້ານໂດລາສະຫະລັດ ເພີ່ມຂຶ້ນ 1,4% ແລະ ມູນຄ່ານໍາເຂົ້າ ບັນລຸໄດ້ 670 ລ້ານໂດລາສະຫະລັດ ຫຼຸດລົງ 2,4% ທຽບໃສ່ ເດືອນກໍລະກົດ ທີ່ຜ່ານມາ.
ສິນຄ້າທີ່ສົ່ງອອກຕົ້ນຕໍ ປະກອບມີ ເຄື່ອງໃຊ້ໄຟຟ້າ 94 ລ້ານໂດລາສະຫະລັດ, ຄໍາປະສົມ 57 ລ້ານໂດລາສະຫະລັດ, ຢາງພາລາ 38 ລ້ານໂດລາສະຫະລັດ, ເຈ້ຍ 38 ລ້ານໂດລາສະຫະລັດ, ແຮ່ທອງ 36 ລ້ານໂດລາສະຫະລັດ, ເຍື່ອໄມ້ 25 ລ້ານໂດລາສະຫະລັດ, ນໍ້າຕານ 11 ລ້ານໂດລາສະຫະລັດ, ເກືອກາລີ 11 ລ້ານໂດລາສະຫະລັດ, ແປ້ງມັນຕົ້ນ 8 ລ້ານໂດລາສະຫະລັດ, ມັນຕົ້ນ 5 ລ້ານໂດລາສະຫະລັດ.
ສິນຄ້ານໍາເຂົ້າຫຼັກປະກອບມີ ນ້ຳມັນກາຊວນ 66 ລ້ານໂດລາສະຫະລັດ, ອຸປະກອນກົນຈັກ 59 ລ້ານໂດລາສະຫະລັດ, ພາຫະນະທາງບົກ 53 ລ້ານໂດລາສະຫະລັດ, ຜະລິດຕະພັນເຄມີປະສົມສໍາເລັດຮູບ 48 ລ້ານໂດລາສະຫະລັດ, ເຄື່ອງໄຟຟ້າ 32 ລ້ານໂດລາສະຫະລັດ, ເຫຼັກ 27 ລ້ານໂດລາສະຫະລັດ, ເຄື່ອງໃຊ້ທີ່ເຮັດດ້ວຍພລາສະຕິກ 26 ລ້ານໂດລາສະຫະລັດ, ຊິ້ນສ່ວນອາໄຫຼ່ລົດ 23 ລ້ານໂດລາສະຫະລັດ, ນໍ້າມັນແອັດຊັງ 19 ລ້ານໂດລາສະຫະລັດ, ເຄື່ອງດື່ມ 19 ລ້ານໂດລາສະຫະລັດ.
ປະເທດ ທີ່ ສປປ ລາວ ສົ່ງອອກຫຼາຍ ປະກອບມີ: ຫວຽດນາມ ປະມານ 168 ລ້ານໂດລາສະຫະລັດ, ຈີນ ປະມານ 145 ລ້ານໂດລາສະຫະລັດ, ໄທ ປະມານ 96 ລ້ານໂດລາສະຫະລັດ, ສ.ອາເມລິກາ ປະມານ 32 ລ້ານໂດລາສະຫະລັດ ແລະ ສະວິດເຊີແລນ 27 ລ້ານໂດລາສະຫະລັດ.
ປະເທດ ທີ່ ສປປ ລາວ ນໍາເຂົ້າຫຼາຍ ປະກອບມີ: ໄທ ປະມານ 254 ລ້ານໂດລາສະຫະລັດ, ຈີນ ປະມານ 245 ລ້ານໂດລາສະຫະລັດ, ຫວຽດນາມ ປະມານ 69 ລ້ານໂດລາສະຫະລັດ, ສ.ອາເມລິກາ 26 ລ້ານໂດລາສະຫະລັດ ແລະ ຍີ່ປຸ່ນ ປະມານ 12 ລ້ານ ໂດລາສະຫະລັດ.
ມູນຄ່າການນໍາເຂົ້າ ແລະ ສົ່ງອອກ ປະຈໍາເດືອນ ສິງຫາ ປີ 2024 ແມ່ນຍັງບໍ່ລວມເອົາມູນຄ່າການນໍາເຂົ້າ ແລະ ສົ່ງອອກ ໄຟຟ້າ (ສໍາລັບມູນຄ່າການນຳເຂົ້າ ແລະ ສົ່ງອອກ ໄຟຟ້າ ພວກເຮົາຈະເອົາລົງພາຍຫຼັງທີ່ເກັບກໍາຕົວເລກສະຖິຕິໄດ້ຄົບຖ້ວນ ແລະ ຊັດເຈນແລ້ວ).
