ໃນວັນທີ 22 ກັນຍາ 2024 ທີ່ໂຮງແຮມຄາວພາຊາ ນະຄອນຫຼວງວຽງຈັນ ທ່ານ ມະໄລທອງ ກົມມະສິດ ລັດຖະມົນຕີກະຊວງອຸດສາຫະກໍາ ແລະ ແລະ ການຄ້າ ສປປ ລາວ ພົບປະ 2 ຝ່າຍກັບທ່ານ Tim Ayres ຜູ້ຊ່ວຍລັດຖະມົນຕີ ກະຊວງການຄ້າຂອງອົສຕຣາລີ ເຊິ່ງສອງຝ່າຍໄດ້ ຍົກຫຼາຍບັນຫາເປັນຕົ້ນແມ່ນ:ເສີມຂະຫຍາຍ ແລະ ສະໜັບສະໜູນອາຊຽນ ໃນການຈັດຕັ້ງປະຕິບັດສັນຍາ RCEP ແລະ ສັນຍາ ການຄ້າເສລີອາຊຽນ-ອົສຕຣາລີ ແລະ ນິວຊີແລນ (AANZFTA)
ເສີມຂະຫຍາຍການຮ່ວມມືເປັນຄູ່ຮ່ວມພັດທະນາ ໃນການເຊື່ອມໂຍງເຊື່ອມຈອດ ແນໃສ່ສົ່ງເສີມການຄ້າ ແລະ ການລົງທຶນ ອົສຕຣາລີ ແລະ ສປປລາວ.
ເສີມຂະຫຍາຍການຮ່ວມມືໃນການພັດທະນາ ພາກທຸລະກິດ ແລະ ສິນຄ້າທີ່ມີຄຸນນະພາບສູງ ເປັນຕົ້ນການປຸງແຕ່ງສິນຄ້າກະສິກໍາ ແລະ ອາຫານທີ່ຖືກຕ້ອງຕາມຫຼັກວິທະຍາສາດ ແລະ ພະລັງງານສະອາດ ທີ່ລວມເອົາ Business Champion for Lao PDR.
ທ່ານ ລັດຖະມົນຕີກະຊວງອຸດສາຫະກໍາ ແລະ ການຄ້າໄດ້ສະເໜີບັນຫາແລກປ່ຽນ ຄື: ສະເໜີອົສຕຣາລີ ຊ່ວຍເລັ່ງຂັ້ນຕອນພາຍໃນ ເພື່ອສໍາເລັດການໃຫ້ສັດຕະຍາບັນແກ່ອະນຸສັນຍາເພື່ອປັບປຸງສັນຍາການຄ້າເສລີອາຊຽນ-ອົສຕຣາລ ແລະ ນິວຊີແລນ
ສະເໜີຂໍການຊ່ວຍເຫຼືອຈາກ ອົສຕຣາລີ ໃຫ້ສະເໜີໄປຍັງທະນາຄານໂລກ ເພື່ອຊ່ວຍພິຈາລະນາໃນການສ້າງໂຄງການສືບຕໍ່ ແລະ ສືບຕໍ່ບາງກິດຈະການຂອງໂຄງການ Lao Competitiveness and Tradre project (LCT) ທີ່ຍັງບໍ່ສໍາເລັດ ກ່ອນໂຄງການ LCT ຈະຊີ້ນສຸດໃນປີ 2024 ເພື່ອຮັກສາຄວາມຕໍ່ເນື່ອງຂອງກິດຈະກໍາ.
ສະເໜີຊ່ວຍເຫຼືອຍົກລະດັບພາສາອັງກິດ ໃຫ້ແກ່ພະນັກງານຂອງກະຊວງ ອຄ , ພະແນກ ອຄ ແຂວງ, ແລະ ສະພາການຄ້າ ແລະ ອຸດສາຫະກໍາແຫ່ງຊາດລາວ ໂດຍຜ່ານໂຄງການຝືກອົບຮົມ ພາສາອັງກິດໄລຍະສັ້ນ ແລະ ໄລຍະກາງ.
