ພິທີຖະແຫຼງຂ່າວ ໃນການກຽມ ຈັດກອງປະຊຸມສຸດຍອດທຸລະກິດ ແລະ ການລົງທຶນອາຊຽນ 2024 (ASEAN Business and Investment Summit 2024) ທີ່ ສປປ ລາວ ເປັນເຈົ້າພາບທີ່ຈະຈັດຂຶ້ນໃນລະຫວ່າງວັນທີ 8-11 ຕຸລາ 2024 ຢູ່ໂຮງແຮມແລນມາກ, ນະຄອນຫລວງວຽງຈັນ ມີຂຶ້ນໃນວັນທີ 20 ກັນຍາ 2ທ່24 ທີ່ ສຄອຊ ເປັນປະທານຂອງທ່ານ ອຸເດດ ສຸວັນນະວົງ ປະທານສະພາການຄ້າ ແລະ ອຸດສາຫະກໍາແຫ່ງຊາດ, ປະທານສະພາທີ່ປຶກສາທຸລະກິດອາຊຽນ 2024, ທ່ານ ນາງ ຈັນທະຈອນ ວົງໄຊ ຮອງປະທານ ສຄອຊ ມີ ພາກທຸລະກິດ ແລະ ສື່ມວນຊົນເຂົ້າຮ່ວມ.
ທ່ານ ອຸເດດ ສຸວັນນະວົງ ໄດ້ກ່າວວ່າ: ກອງປະຊຸມສຸດຍອດທຸລະກິດ ແລະ ການລົງທຶນອາຊຽນ 2024 ນີ້ ແມ່ນຈະໄດ້ສຸມໃສ່ ປຶກສາຫາລື ໃນ 6 ຂະແໜງບູລິມະສິດ ຄື: ການຫັນເປັນດິຈິຕອນ, ການພັດທະນາແບບຍືນຍົງ, ການຟື້ນຟູດ້ານຂະແໜງການສາທາລະນະສຸກ, ການຄ້ຳປະກັນສະບຽງອາຫານ, ການເອື້ອອຳນວຍຄວາມສະດວກດ້ານການຄ້າ-ການລົງທຶນ, ການເຊື່ອມໂຍງເຊື່ອຈອດ ແລະ ຕ່ອງໂສ້ການສະໜອງຕ່າງໆ.
ນອກນີ້, ຍັງຈະມີ 4 ກອງປະຊຸມປິ່ນອ້ອມຂອງພາກທຸລະກິດ ແລະ ງານມອບລາງວັນທຸລະກິດອາຊຽນດີເດັ່ນ 2024 ເຊັ່ນ: 1. ກອງປະຊຸມນັກທຸລະກິດໜຸ່ມອາຊຽນ ຄັ້ງ 9 ASEAN Young Entrepreneur Council (AYEC) Carnival and AGM (Side event); 2. ASEAN Women Entrepreneurs Conference 2024 and AWEN Special Awards Ceremony. ໃນຫົວຂໍ້ “ສ້າງອານາຄົດແບບຍືນຍົງ, ທົ່ວເຖິງ ແລະ ຢືດຢຸ່ນກວ່າ: ປົດລັອກທ່າແຮງວິສາຫະກິດແມ່ຍິງໃນອາຊຽນ”; 3. ASEAN Investment Forum (AIF) ກອງປະຊຸມການລົງທຶນອາຊຽນ:ໃນຫົວຂໍ້: “ການລົງທືນສໍາລັບການປັບປຸງການເຊື່ອມຕໍ່ ແລະ ສ້າງຄວາມເຂັ້ມເເຂງ”; 4. International Logistics Symposium ຈະປຶກສາຫາລື ແລະ ສົ່ງເສີມທຸລະກິດຂະແໜງການຂົນສົ່ງທັງພາຍໃນ, ພາກພື້ນອາຊຽນ, ສາກົນ; 5. ງານມອບລາງວັນທຸລະກິດອາຊຽນ 2024 ASEAN Business Award-ABA 2024).
ຕອນທ້າຍພິທີ ທ່ານ ອຸເດດ ສຸວັນນະວົງ ໄດ້ເຊີນໃຫ້ພາກທຸລະກິດລາວໄດ້ເຂົ້າຮ່ວມໃນກອງປະຊຸມທີ່ສຳຄັນໃນຄັ້ງນີ້ ເພື່ອເປັນໂອກາດ ແລະ ເປັນທ່າແຮງສໍາຄັນ ທີ່ຈະເຮັດໃຫ້ພາກທຸລະກິດພາຍໃນໄດ້ ຮູ້ຈັກ ແລະ ຮຽນຮູ້ກ່ຽວກັບທຸລະກິດຂອງອາຊຽນ ແລະ ຄູ່ຄ້າຂອງອາຊຽນ ທັງເປັນການເປີດໂອກາດໃຫ້ສາມາດສ້າງເຄືອຂ່າຍກັບສາກົນ, ເຊິ່ງທຸລຸກິດທີ່ມີຄວາມສົນໃຈທີ່ຈະເຂົ້າຮ່ວມແມ່ນສາມາດ ລົງທະບຽນເພື່ອເຂົ້າຮ່ວມງານໄດ້ທີ່ລິງ https://aseanbaclaos.la/ຫລື ຕິດຕໍ່ກັບກອງເລຂາຂອງ ສະພາການຄ້າ ແລະ ອຸດສາຫະກຳແຫ່ງຊາດລາວ ເພື່ອສອບຖານຂໍ້ມູນເພິີ່ມຕື່ມ.
