ເພັດນິລັນ ແກ້ວວົງສີ ຫຼື Bboy KA-G ນັກເຕັ້ນຈາກ ສປປ ລາວ ຍາດໄດ້ລາງວັນທີ 3 ຈາກລາຍການແຂ່ງຂັນປະເພດດ່ຽວ ( Bboy Solo Battle ) ໃນງານ KAOHSIUNG RESPECT CULTURE BREAKING INTERNATIONAL CHAMPIONSHIP 2024 ເມື່ອວັນທີ 15 ກັນຍາ ຜ່ານມາ.
Bboy KA-G ໄດ້ຜ່ານການແຂ່ງຂັນຮອບຄັດເລືອກຕົວແທນປະເທດໃນເດືອນ ພຶດສະພາ 2024 ໃນງານ Lao HipHop Festival ໄດ້ຈັດການແຂ່ງຂັນຄັດເລືອກລະດັບປະເທດເພື່ອສົ່ງນັກກິລາເຂົ້າຮ່ວມແຂ່ງຂັນໃນງານ KAOHSIUNG RESPECT CULTURE BREAKING INTERNATIONAL CHAMPIONSHIP 2024 ລະຫວ່າງວັນທີ 14-15 ກັນຍາ 2024 ທີ່ເມືອງ ເກົາຊົງ ໃຕ້ຫວັນ ໂດຍມີຫລາຍກວ່າ 13 ປະເທດເຂົ້າຮ່ວມ
ຜົນການແຂ່ງຂັນ ປະເພດ Bboy Solo Battle ມີດັ່ງນີ້:
-ອັນດັບທີ 1 Sho（Japan）ຈາກຍີ່ປຸ່ນ
-ອັນດັບທີ 2 ZipRock（Russia）ຈາກຣັດເຊຍ
-ອັນດັບທີ 3 Ka-g（Laos）ຈາກລາວ ໄດ້ທີ 3 ຮ່ວມກັບ Tornado（India）ຈາກອິນເດຍ
ຂ່າວ-ຮູບຈາກ: ສະຫະພັນເຕັ້ນແຫ່ງຊາດລາວ
